Арина Сабаленка со втората победа на исто толку мечеви е на чекор до полфуналето на завршниот мастерс турнир во женска конкуренција што се одржува во Ријад. Коко Гоф остана во игра за место во нокаут фазата.
Сабаленка, која е светска тенисерка број 1 вечерва ја победи Џесика Пегула со 6-4, 2-6 и 6-3 за да остане перфектна по два меча во рамки на групата наречена „Штефи Граф“. Белорусинката е на чекор до полуфиналето, а во последното коло ќе се соочи со Коко Гоф. Американката денеска ја победи Јасмин Паолини со 6-3 и 6-2 за да ги задржи шансите за нокаут-фазата по стартниот пораз од Пегула. Што се однесува до Паолини таа со два порази веќе нема шанси за прогрес понатаму. Во последното коло играат Сабаленка против Гоф и Паолини против Пегула.
Утре се игра третото коло во групата наречена „Серена Вилијамс“, а ќе се соочат Елена Рибакина, која веќе обезбеди полуфинале, против Медисон Кијс, додека Ига Швјонтек мора да ја победи Аманда Анисимова за место во нокаут фазата.