Агенцијата за заштита на личните податоци започна со вонредна супервизија во Клиниката за гастроентерохепатологија во Скопје, по обвинувањата на пациентка дека ѝ бил украден идентитетот и друг човек бил прегледан во нејзино име, а резултатите стојат во нејзиниот здравствен картон. Приказната со прегледи на туѓо име во Клиниките ја отвори емисијата Код по поплаката од пациентката. Освен прегледот, во туѓо име биле искористени уште три упати во други клиники. Агенцијата најавува подетални информации по завршување на супервизијата.
„Од страна на ЈЗУ УК Гастроентерохепатологија сторена е повреда на правото на заштита на личните податоци на подносителката. Имајќи предвид дека личните податоци на подносителката се искористени во уште две клиники, вонредната супервизија ќе продолжи по што ќе се донесат соодветни акти за трите клиники“, информира Агенцијата за заштита на лични податоци.
Срѓан Стојанчов
