Бостон славеше со 111-101 против Лос Анџелес лејкерс во најинтересниот натпревар утринава во НБА-лигата.
Џејсон Тејтум реализираше 40 поени со 12 скока, додека Џејлен Браун запиша 31 поен. Кај Лејкерс, кои го запишаа првиот пораз по осум победи по ред, најефикасен беше Лука Дончиќ со 34 поени, додека Леброн Џејмс зад своето име запиша 22 поени, 14 скока и 9 асистенции пред да се повреди во последната четвртина. Наводно ветеранот ќе мора да паузира неколку недели поради повреда на препоните.
Голден Стејт со 115-110 го совлада Детроит, а Стеф Кари имаше 32 поени, додека Џими Батлер реализираше 26 поени
Јанис Адетокумбо броеше до 37 поени, но Милвоки загуби на домашен паркет од Орландо со 109-111.
НА ОСТАНАТИТЕ НАТПРЕВАРИ:
Шарлот – Бруклин 105-102
Хјустон – Њу Орлеанс 146-117
Атланта – Индијана 118-120
Торонто – Вашингтон 117-118
Мајами – Чикаго 109-114