Шведскиот фудбалски тренер Свен Јеран Ериксон почина во 76 година од животот по борбата со рак на панкреасот. Смртта на Ериксон ја потврди Бо Густавсон, поранешен агент на Лацио за тренери во Шведска. Според него, прославениот фудбалски тренер починал во домот, опркужен со семејството.
Тренерската кариера ја започна во родната Шведска, во екипите на Дегерфорш и на Гетеборг кои му беа отскочна даска за ангажман во странство. Предводеше бројни клубови на меѓународната сцена, пред сè, во Англија и во Италија.
Беше тренер на Манчестер Сити, на Лестер, на Лацио, на Бенфика, на Рома, на Фиорентина, на Сампдорија, но и селектор на Англија, на Мексико, на Брегот на Слоновата Коска и на Филипини.
Ја предводеше Англија во два меча против Македонија во квалификациите за Европското првенство во 2004 – во, тогаш, сензационалното реми (2:2) на „Сент Мери“ во Саутемптон и во победата со 2:1 во реваншот на Градски во Скопје.
Фото: принтскрин/Јутјуб