Алкалоид е вториот финалист во годинешното издание на ракометниот Куп на Македонија. Тимот од Автокоманда вечерва го совлада Вардар со 25:24 и в недела во Скопје ќе се бори за првиот трофеј во кусата клупска историја.
Најзаслужен за победата беше голманот Иван Галевски кој по истекот на шеесеттата минута одбрани удар од седум метри што го изведе Марко Срдановиќ.
Младиот чувар на мрежата беше херојот на Алкалоид бидејќи успеа да одбрани вкупно три седмерци, а најефикасен во победничкиот тим со седум гола беше Мартин Серафимов додека во редовите на Вардар, Милан Лазаревски шест пати се запиша меѓу стрелците.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.