Кошаркарите на Пелистер загубија од Подгорица со 86-81 и сериозно си ги намалија шансите за пласман во плејофот во рамки на АБА2-лигата Битолчани го контролираа натпреварот се до последната четвртина кога дозволија голем пресврт на противникот.
Пелистер играше одлично три четвртини и имаше постојано водство, а во последниот период влезе со +12. Подгорица резултатски ги доби последните 10 минути со 28-15 и успеа да дојде до победа од 86-81 со која само ја зацврстија својата позиција во плејофот.
Македонскиот репрезентативец Андреј Маслинко одигра одличен натпревар со 24 поени и 10 скока, а Јуре Планиниќ имаше 19 поени ви битолскиот состав.
Во последното 13.коло од регуларниот дел од сезоната на турнирот во Широки Брег, Пелистер во сабота мора да го победи лидерот Спартак Суботица ако сака пласман во плејофот. Битолчани можат да одат понатаму и со пораз, но само ако загубат и останатите два тима со кој го дели истиот ефект од пет победи и седум порази, а тоа се Хелиос Домжале и Борац Бања Лука. Пелистер во меѓусебен дуел ги победи овие два тима, па во случај на идентичен број бодови помеѓу трите екипи, нашиот тим ќе го освои осмото место што води во разигрувањето.