Лука Дончиќ и Кајри Ирвинг го водеа Далас до победа од 119-107 на гостувањето кај Бруклин во рамки на НБА-лигата.
Словенецот постигна 35 поени, 18 скока, а му недостигаше само уште една асистенција за трипл-дабл. Неговиот суперстар партнер Ирвинг пак имаше 36 поени против својот поранешен тим. Микал Бриџис најмногу се истакна кај Нетс со 28 поени.
Феникс славеше против ослабениот Милвоки со 114-106. Девин Букер постигна 32 поени, а Кевин Дурент имаше 28 поени со 10 скока. Кај Бакс, Јанис Адетокумпо запиша 34 поени и 10 скока, но ја немаше помошта од Демијан Лилард, кој имаше повреда на скочниот зглоб, а отсутен беше и Брук Лопез.
Чикаго ја совлада Минесота во продолжението со 129-123, Јута пак беше подобра од Оклахома со 124-117, а победи остварија и Индијана, Мајами и Њујорк .