Лос Анџелес лејкерс запишаа два порази во две вечери. По вчерашниот од Минесота, Лејкерс утринава загубија и од Њу Орлеанс со 129-109. Тоа беше седмиот пораз на последните девет натпревари за тимот од Лос Анџелес.
Леброн Џејмс постигна 34 поени, а Ентони Дејвис имаше 20 поени и 10 скока, но останатите играчи на тимот беа под нивото. Зајон Вилијамсон и Брендон Инграм имаа по 26 поени за Пеликанс.
Бостон ја продолжи серијата победи на шест натпревари откако славеше на гостувањето кај Сан Антонио со 134-101. Џејсон Тејтум со 25 поени и Џејлен Браун со 24 ги предводеа Селтикс, додека Девин Васел со 22 поени и Виктор Вембањама со 21 беа најефикасни кај Спарс.
Тре Јанг постигна 40 поени за Атланта во победата од 130-126 во Вашингтон, Оклахома беше подобра од Бруклин, а победи остварија и Сакраменто на гости кај Мемфис и Феникс против Орландо.