Денеска се играат натпреварите од 17. последно коло во првиот дел од сезоната во домашниот фудбалски шампионат.
Лидерот на табелата и бранител на трофејот од минатата сезона Струга на домашен терен ја пречекува Брегалница додека вториот кандидат за освојување на првата позиција на половина од првенството Шкупи гостува во Струмица и ќе се соочи со АП Брера.
Третопласираната Шкендија ќе се сретне со Силекс додека Воска Спорт е домаќин на Работнички.
Во последниот дуел од денешната програма Вардар игра против Тиквеш.
Сите натпревари почнуваат во 13 часот.
ФОТО: Игор Паневски