Американката, Џесика Пегула ја продолжи триумфалната серија на завршниот ВТА турнир што се одржува во мексиканскиот град Канкун и за прв пат во кариерата се пласираше во финалето на ова натпреварување.
Петтата тенисерка на светот во полуфиналето со 6:2 и 6:1 ја елиминираше сонародничката Коко Гоф додека вториот дуел меѓу Ига Швојнтек и Ирина Сабаленка е прекинат поради дожд уште во третиот гем и тоа при водството на вториот рекет во светот од 2:1.
Турнирот во Канкун директно решава за тоа која од овие две тенисерки сезоната ќе ја заврши на првото место. За да се врати на лидерската позиција на Швјонтек и е потребен триумф во Канкун, а во спротивно Сабаленка и натаму ќе остане светски рекет број 1 меѓу дамите.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.