Двоецот на Ферари, Шарл Леклер и Карлос Сајнц Јуниор по синоќешните квалификации ќе стартуваат од првиот ред за вечерашната трка за Големата награда на Мексико во Формула 1 шампионатот.
Леклер до својата втора пол-позиција по ред стигна со време од 1 минута, 17 секунди и 166 илјадитинки. Второ најдобро време имаше Сајнц, додека старо-новиот светски шампион Макс Ферстапен ќе тргне како трет.
Четврто време имаше Даниел Рикардо од Алфа Таури, што беше големо изненадување, а најдобрите десетмина во квалификациите ги комплетираат Серхио Перез, Луис Хамилтон, Оскар Пијастри, Џорџ Расел, Валтери Ботас и Жу Гуанју.
Трката за Големата награда на Мексико на патеката „Ерманос Родригез“ стартува вечерва во 21 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.