Реал Мадрид речиси цела сезона ќе биде без својот прв голман Тибо Куртоа, кој на тренинг заработил тешка повреда. „Кралскиот“ клуб информираше дека Белгиецот ги скинал предните вкрстени лигаменти на левото колено и го очекува долга пауза од шест до девет месеци.
Ова е сериозен проблем за тренерот Карло Анчелоти, кој во ростерот како резервен голман го има Андреј Лунин. Низ шпанските медиуми веднаш се појавија шпекулации дека Реал Мадрид ќе почне преговори со Давид де Хеа, кој е слободен агент откако си замине од Манчестер јунајтед. Уште една опција за голот на Реал е и Иго Љорис, кој летово побара да си замине од Тотнем.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.