Македонскиот шампион Струга ТЛ вечерва од 21 часот во Подгорица во реванш дуелот од второто квалификациско коло во Конференциската лига ќе се соочи со Будуќност.
Стружани по првиот меч на домашен терен забележаа победа од 1:0 и за Црна Гора и имаат одлична можност да ги продолжат настапот во третото по ранг европско клупско натпреварување.
“Со нетрпение го очекуваме дуелот со Будуќност, очекувам тимот да има добар настап, исто како што тоа го направивме на трите досегашни средби во Европа, двата против Жалгирис и последниот против Будуќност. Резултатот од првиот меч е позитивен, бидејќи успеавме да победиме, но ова е нов натпревар и треба да бидеме максимално подготвени. Верувам дека можеме да излеземе како конечни победници”, изјави шефот на стручниот штаб на Струга ТЛ, Шпетим Дуро.
ФОТО: Игор Паневски
