Челниците на кошаркарската Евролига побараа средба со водечките луѓе во националните шампионати и регионалните натпреварувања кои имаат свои претставници на која ќе се разговара за продолжението на сезоната.
На состанокот треба да се договори начинот на кој ќе продолжи елитното натпреварување со оглед на фактот дека голем дел од европските земји поради сериозноста на епидемиолошката ситуација полека ги затвораат границите и воведуваат строги карантински мерки.
Секој од челниците ќе ја претстави ситуацијата во својата земја или регион со евентуални предлози како Евролигата да продолжи без поголеми проблеми.
Ќе се разгледува опцијата за почесто тестирање на играчите, а ќе се договараат и термините за одигрување на мечевите кои во досегашниот тек од сезоната беа одложени.