Македонската фудбалска репрезентација и овој месец ќе го мина на 68 место на ранг листата на ФИФА.
Поради фактот што во овој период не се одиграа голем број на натпревари нема некои поголеми измени во редоследот на националните тимови.
Лидер и натаму е Аргентина пред Франција и Бразил. Нашиот ривал во квалификациите за Европското првенство, Англија остана на четвртото место, а петта е селекцијата на Белгија.
Хрватска е шеста пред Холандија и вториот наш конкурент во квалификациите, Италија.
Листата од десет најдобри на светот ја заокружуваат Португалија и Шпанија.
Украина и овој месец останува на 24. место додека последниот наш ривал од квалификациите за континенталното првенство, Малта сега е на 171 позиција.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.