По завршувањето на сезоната во НБА лигата, Американците се фокусираат на почетокот на подготовките за настап на Светското првенство во кошарка што ќе се одржи во Индонезија, Јапонија и Филипини.
До овој момент само девет играчи го потврдија настапот за националниот тим и се чини дека селекцијата на САД никогаш до сега немала послаб тим на големите натпреварувања.
Последен во низата кошаркари кој ја прифати понудата да настапи на Мундијалот е играчот на Јута, Вокер Кеслер, кој во текот на сезоната имаше просек од 9,2 поени, 8,4 скока и 2,3 асистенции.
Претходно повикот го прифатија Џерен Џексон (Мемфис), Брендон Инграм (Њу Орлеанс), Ентони Едвардс (Минесота), Тајрис Халибартон (Индијана), Остин Ривс (ЛА Лејкерс), Микал Бриџис (Бруклин), Боби Портис (Милвоки) и Џејлен Брансон (Њујорк).
Подготовките на репрезентацијата почнуваат на трети август во Лас Вегас, а селекцијата на САД на Мундијалот е дел од Ц групата во која партиципираат уште Грција, Нов Зеланд и Јордан.
ФОТО: Игор Паневски