Повремениот македонски репрезентативец Љупче Дориев по три години минати во редовите на Шкендија од Тетово реши да ја напушти екипата и да почне ново поглавје во кариерата.
Дориев во Тетово дојде во 2020 година, а претходно го носеше дресот на Академија Пандев и Хоризонт Турново.
Напаѓачот како дел од тетовскиот тим одигра 99 натпревари, постигна 30 погодоци и имаше 21 асистенција.
Дориев во моментов е на подготовките со националниот тим во пресрет на квалификациските натпревари против Украина и Англија и се уште е неизвесно каде ќе ја продолжи кариерата.
За репрезентацијата на Македонија, Дориев има шест настапи.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.