Англискиот репрезентативец Мејсон Маунт е една од ѕвездите на летниот преоден рок во Англија. Фудбалерот на Челзи следната година ќе има статус на слободен играч, но тој уште сега сака да ја смени средината.
За Маунт интерес покажаа неколку членови на Премиер лигата, но најконкретен во моментов е Манчестер Сити чии претставници веќе ги имале првите контакти со членови на раководството на тимот од Стемфорд Бриџ.
Според последните информации првакот на Англија за 24 годишниот фудбалер понудил 55 милиони фунти што е далеку под бараната сума од страна на Челзи, кој за предвремен раскин инсистира на обештетување од 70 милиони.
Медиумите на Островот најавуваат дека наскоро преговори со Челзи треба да почне и Манчестер Јунајтед додека Ливерпул одамна најави дека нема намера да учествува во наддавањето за англискиот репрезентативец.
ФОТО: Игор Паневски