По триумфот на Лига Европа и пласманот во Лигата на шампионите, раководството на Севилја е подготвено да му понуди нов договор на тренерот Хозе Луис Мендилибар.
Шеесет и две годишниот тренер во клубот дојде во март како привремено решение по смената на Хорхе Сампаоли.
Целта на тренерскиот ветеран беше екипата да се извлече од опасната зона во Ла Лига и да се обиде да избори што е можно подобар пласман во Лига Европа.
Мендилибар на крајот постигна далеку подобри резултати, а круна извонредната серија беше освојувањето на трофејот во второто по ранг европско клупско натпреварување.
Иако се уште нема официјална потврда претседателот на Севилја на Мендилибар ќе му понуди соработка до крајот на следната сезона.
Баскиецот пред ангажманот во Севилја работел како шеф на струката во Алавес, Еибар, Леванте, Осасуна, Валјадолид и Атлетик Билбао, а токму во Андалузија го забележа најголемиот успех во кариерата.