По заминувањето од Барселона, Серхио Бускетс најверојатно кариерата ќе ја продолжи во Саудиска Арабија и според медиумите во Каталонија, поранешниот шпански репрезентативец наскоро ќе потпише договор со Ал Наср.
Неофицијално тој дал начелна согласност во следниве 12 месеци да биде дел од екипата за која настапува Кристијано Роналдо и се очекува тој за едногодишната верност да инкасира 20 милиони евра.
Триесет и три годишниот Бускетс во последно време имаше и понуди за преселба во САД, но очигледно е дека тој се реши да ја избере далеку побогатата понуда од Блискиот исток.
Неофицијално на Бускетс ќе му се приклучи и Жорди Алба кој исто така си заминува од Барселона, а се очекува и тој наскоро да потврди дека кариерата ќе ја продолжи во Ал Наср.
ФОТО: Игор Паневски