Во паркот Гази Баба во Скопје денеска се одржува прослава по повод Денот на Европа во организација на Јуроп хаус (Europe house) Скопје.
Како што соопштуваат оттаму, денот ќе биде исполнет со разни музички настани, спортски и едукативни активности, како и изложби и активности за најмладите.
Во музичката програма свој настап ќе имаат Влатко Стефановски Трио, Këpurdhat, Црно Собрание, Новиот Почеток, Џез трио Зулу 3.4, Антони Весковски, Искра и диџеј Double G.
Од Јуроп хаус додаваат дека настанот има цел да собере луѓе од различни профили и да ги прикаже вредностите на европската идеја дека „иднината нè поврзува!“, а на настанот ќе биде присутен и амбасадорот на ЕУ, Дејвид Гир.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.