Кошаркарот на Олимпијакос, Александар Везенков ја освои наградата Алфонсо Форд што секоја сезона му се доделува на најдобриот стрелец во Евролигата.
Бугарскиот репрезентативец на 38 настапи во елитното натпреварување имаше просек од 17,2 поени и еден од најзаслужите за пласманот на Олимпијакос на завршниот турнир што ќе се одржи во Каунас.
Веднаш за Везенков е бекот на Макаби, Вејд Болдвин со просек од 17.1 поен додека на третото место е Вил Клејбурн од Анадолу Ефес со 16,7 поени по натпревар.
Везенков е вкупно 14. кошаркар што го освојува престижното признание и го носи името на Алфонсо Форд кој беше еден од најдобрите стрелци во историјата на Евролигата, а почина по тешко боледување во 2004 година.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.