Ракомет Спорт

Награда и за ракометарите ако се пласираат на ЕП

По одлуката за награда на женската селекција за евентуален пласман на Светското првенство, Ракометната федерација на Македонија донесе одлука и за висината на премијата за машката селекција за учество на завршницата од континенталниот шампионат.

РФМ како награда за обезбеден настап на Европското првенство за машката репрезентација предвиде бонус од два милиони денари.

Ракометарите по двата порази од Португалија се уште се во добра позиција за освојување на второто место во групата со оглед на фактот дека во последните две кола кои се на програмата кон крајот на месецов ги очекуваат дуели со Луксембург и Турција.

Избраниците на селекторот Кирил Лазаров се фаворити во двете соочувања и се очекува дека без поголем проблем ќе обезбедиме уште еден настап на големите натпреварувања.

Мечот против Луксембург се игра на гости на 26 април, а четири дена подоцна во Скопје ја пречекуваме репрезентацијата на Турција.

ФОТО: Игор Паневски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Македонија досега три пати победила со +8 во бараж за СП, а еднаш и поубедливо

Desk

Јокиќ МВП по трет пат во НБА лигата

Дејан Дејан

Беше на украинскиот фронт од првиот ден на војната – загина двократниот европски првак во кревање товар

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе