Селекторот на македонската женска репрезентација, Љубомир Савевски го објави скратениот список на ракометарки кои ќе бидат во конкуренција за бараж дуелите со Украина за пласман на Светското првенство.
предводникот на националниот тим се реши на подготовките во Скопје на располагање да има 20 ракометарки, а по подолга пауза во составот се враќаат Елена Ѓорѓиевска и Ивана Гакидова кои последните настапи ги пропуштија поради повреди.
Нови имиња во репрезентацијата се Катерина Дамјаноска, Амра Терзиќ, Бојана Диневска и Бојана Коцева.
Собирот е закажан за в понеделник, а мечевите со Украина ги играме на осми април во Скопје и три дена подоцна на неутрален терен во Унгарија.
СПИСОК НА РАКОМЕТАРКИ
Елена Ѓорѓиевска (Магура, Романија), Сара Ристовска (ЦСКА, Русија), Јована Мицевска (Ница, Франција), Јована Саздовска (Дунареа, Романија), Сања Дабевска (ПАОК, Грција), Јована Кипријановска (Самбре, Франција), Драгана Петковска (Макаби Ришон, Израел), Леонида Гичевска (Безансон, Франција), Моника Јанеска (Коњалти, Турција), Ивана Гакидова (Коњалти, Турција), Амра Терзиќ (Металург), Бојана Диневска (Вардар), Теодора Дукоска (Ѓорче Петров), Ивана Џатевска (Вардар), Катерина Дамјаноска (Ѓорче Петров), Милица Николиќ (Ѓорче Петров), Ангела Јанкуловска (Ѓорче Петров), Бојана Коцева (Вардар), Ивана Арсениевска (Металург), Ива Младеновска (Металург)
ФОТО: Игор Паневски