Поради лошата финансиска ситуација и големите долгови Барселона не само што не може да ангажира нови фудбалери туку не може да ги верификува и продолжените договори со играчите од сегашниот состав.
Минатото лето Усман Дембеле ја продолжи соработката со Каталонците на две години, но со оглед на големиот интерес за него, раководството на клубот сака да го задржи на подолг рок, но поради проблемите со финансискиот фер плеј тоа не може да се случи се додека буџетот за плати не ослободи за сума од 200 милиони евра.
Откупната клаузула во актуелниот договор е 120 милиони евра, но таа може драстично да се намали со оглед на фактот дека влегува во завршната година од договорот, а веќе следната тој ќе има статус на слободен играч.
Токму поради тоа Барселона сака да го обврзе на подолг рок и да ја зголеми висината на клаузулата за откуп.
ФОТО: Игор Паневски