Кај дамите на турнирот во Индијан Велс, првата фаворитка Ига Својнтек експресно за 66 минути препуштајќи и само еден гем на Клер Лиу стигна до третата рунда.
Каролин Гарсија по голема борба во три сета со 6:1, 6:7 и 6:4 славеше над Далма Галфи. Осмата носителка Дарија Касаткина ја елиминираше Танија Марија.
Фаворитката број 4, Онс Жабер беше поуспешна од Магдалена Фрех, а Елена Рибакина забележа победа во дуелот против Софија Кенин.
Настапот во Индијан Велс заврши за Медисон Кис која поради повреда мораше да го предаде мечот против Сорана Кристеа, а 12-тата носителка Људмила Самсонова беше совлада од Бернарда Пера.
Место меѓу 32-те најдобри обезбедија уште Бјанка Андрееску, Ема Радукану, Карлона Мухова и Беатриз Хадад Маја.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.