Милвоки со 12-та победа по ред, но Јанис се повреди

Утринава во НБА-лигата се одиграа три натпревари, последни пред паузата за Ол стар викендот.

Милвоки ја продолжи победничката серија  на 12 натпревари откако славеше на гостувањето кај Чикаго со 112-100. Брук Лопез имаше за него највисоки 33 поени сезонава, додека Јанис Адетокумпо го повреди зглобот на раката и го напушти натпреварот во втората четвртина. Никола Вучевиќ беше најдобар кај Булс со 22 поени и 16 скока.

Пол Џорџ и Теренс Мен постигнаа по 26 поени за Лос Анџелес клиперс во гостинската победа од 116-107 против Феникс. Вашингтон славеше против Минесота со 114-106 како гостин и тоа откако надомести негатива од дури 20 поени. Бредли Бил ги предводеше Визардс со 35 поени.