Според пишувањето на весникот Газета дело Спорт, постои голема веројатност дека судбината на Јувентус може да ја доживее и Сампдорија која во моментов води грчевита битка за опстанок во елитното друштво во Италија.
Клубот од Џенова добила обврска до 16 февруари да ги исплати платите на сите фудбалери и персоналот за последните три месеци од 2022 година.
Според неофицијални информации Сампдорија на сите ангажирани во клубот им должи 11 милиони евра, а сопствениците најавија дека во најкус можен рок ќе направат докапитализација преку која ќе се обезбедат меѓу 30 и 35 милиони евра се со цел да се избегне можната санкција која предвидува одземање на бодови по што дефинитивно ќе се загубат шансите за опстанок во Серија А.
Сампдорија и во моментов се наоѓа во тешка ситуација. По 20 кола забележани се само две победи и освоени се вкупно девет бода или двојно помалку од Специја која е на 17-тото место што носи опстанок во елитното друштво.
ФОТО: Игор Паневски