Дефанзивецот на Манчестер Јунајтед, Рафаел Варан соопшти дека нема повеќе да настапува за репрезентацијата на Франција.
“Ми беше голема чест во изминативе десет години да ја претставувам мојата земја. Секогаш кога го носев дресот на националниот тим се чувствував гордо и никогаш нема да го заборавам моментот кога го освоивме трофејот на Светското првенство. Но, дојде време да се направи место за помладите. Долго време размислував за моите следни потези и донесов одлука дека треба да се повлечам од репрезентацијата”, објави Варан на својот профил на Инстаграм.
Варан ги мина сите селекции во националните тимови, а за А селекцијата има 93 настапи и постигнал пет погодоци.
Дефанзивецот на Манчестер Јунајтед е вториот член на националниот тим по Иго Лорис кој по Светското првенство во Катар да се повлече од настапите во репрезентацијата на Франција.
ФОТО: Игор Паневски