Светската фудбалска федерација објави дека за некоректното однесување на поединци пред почетокот на натпреварот за третото место на Светскиот куп во Катар, изрече казна од 5000 швајцарски франци.
Санкцијата е одредена поради прекршување на дисциплинскиот правилник на ФИФА за истакнување на транспаренти на трибините со навредлива содржина.
Ова е веќе втора казна што и е изречена на Хрватска за однесувањето на навивачите за време на Мундијалот. Претходно Националната асоцијација мораше да плати 50.000 франци за навредите што му беа упатени на голманот на репрезентацијата на Канада, Милан Борјан.
Наскоро се очекува и уште една казна за националниот тим, а тоа е поради однесувањето на дел од фудбалерите за време на доделувањето на бронзените медали.
ФОТО: Игор Паневски