Еден од домаќините на Светскиот шампионат во ракомет, Шведска успеа да се пласира во полуфиналето, но во продолжение од турнирот остана без првата ѕвезда во екипата Јим Готфридсон.
Во прв момент се сметаше дека повредата на Готфридсон не е сериозна сепак по деталните прегледи констатирано е дека тој има фрактура на раката и го очекува подолга пауза.
Швеѓаните во четвртфиналето беа поуспешни од селекцијата на Египет, а во битката за настап во решавачкиот натпревар за златото ќе се соочат со Франција.
Дуелот против Триколорите на програмата е утре во Стокхолм и почнува во 21 часот додека истиот ден од 18 часот во Гдањск ќе се сретнат репрезентациите на Данска и Шпанија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.