Четвртиот тенисер на светот, Стефанос Циципас по трет пат во низа успеа да се пласира во полуфиналето на Отвореното првенство на Австралија.
Дваесет и четири годишниот Грк место меѓу четирите најдобри обезбеди откако во меч што траеше 2 часа и 17 минути во три сета со 6:3, 7:6 и 6:4 го совлада чешкиот тенисер Јиржи Лехечка.
За настап во првото финале во Мелбурн, Циципас ќе се соочи со Карен Хачанов кој претходно успеа да се пласира во полуфиналето откако Себастијан Корда поради повреда во предаде мечот во третиот сет.
Утре на програмата се уште два четвртфинални дуели во кои се среќаваат Новак Ѓоковиќ – Андреј Рубљов и Бен Шелтон – Томи Пол.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.