Новото име во редовите на Ливерпул, Коди Гакпо најверојатно вечерва против Вулверхемптон ќе го одигра првиот натпревар во дресот на клубот од Енфилд.
Холандскиот репрезентативец во првите денови од јануарскиот преоден рок го комплетираше трансферот од ПСВ Ајндховен и откако го пропушти мечот со Брентфорд тој е во конкуренција за дуелот од Купот на Англија.
Менаџерот на Ливерпул, Јирген Клоп нема да може да смета на Вирџил ван Дајк кој се повреди на последниот натпревар во Премиер лигата со Брентфорд, а вечерва нема да настапи ниту капитенот Џордан Хендерсон кој и покрај фактот што вчера тренираше со полн интензитет ќе добие уште некој ден одмор.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.