Станува се поизвесно дека новиот менаџер на Астон Вила може да добие ново име во екипата, а засилувањето ќе дојде од Атлетик Билбао.
Дваесет годишниот напаѓач на клубот од Билбао и репрезентацијата на Шпанија, Нико Вилијамс сака да ја продолжи кариерата во Премиер лигата и од тие причини ги одбива преговорите за продолжување на договорот кој завршува во 2024 година.
Вилијамс е една од најголемите желби на Емери и тој од раководството на клубот побарал почеток на преговори со Атлетик и по можност трансферот да се реализира уште во текот на јануарскиот преоден рок, но нема ништо против тој да дојде во Бирмингем и по завршувањето на сезоната.
Најголем проблем околу комплетирањето на трансферот е откупната клаузула од 50 милиони евра, а во текот на следниот период Астон Вила ќе се обиде да ја намали сумата на 30 милиони.
ФОТО: Игор Паневски