Францускиот репрезентативец Адриен Рабио следното лето ќе има статус на слободен играч, но Јувентус во следниов период ќе се обиде да ги обнови преговорите за продолжување на соработката.
Старата дама на Рабио е подготвена да понуди вкупни примања од осум милиони евра по сезона. Седум ќе бидат исплатени како годишна плата додека дополнителниот еден милион ќе се исплати како бонус.
Рабио сакаше да си замине од Торино уште во текот на минатиот преоден рок, но неговите превисоки финансиски барања го оневозможија неговиот трансфер, а за него најголем интерес покажа Манчестер Јунајтед.
Неофицјално постои голема веројатност Рабио да ја одбие и оваа понуда од Јувнетус бидејќи тој бара годишно да инкасира 10 милиони евра, услов кој се чини дека не можат да го исполнат ниту остантите заинтересирани клубови во Европа.
ФОТО: Игор Паневски