На последниот од натпреварите во Главната рунда од Европското првенство што се игра во Скопје на трибините во арената Борис Трајковски се појави поранешниот фудбалски репрезентативец на Холандија, Рафаел ван дер Варт.
Легендата на холандскиот фудбал во македонската престолнина дојде да ја бодри сопругата Естевана Полман која е една од ѕвездите во националниот тим.
Ван дер Варт седеше заедно со дел од холандските навивачи и беше незабележан од малубројната публика во салата, но кога се појави во директниот телевизиски пренос голем дел од гледачите побараа да направат заедничка фотографија, а холандската легенда не одби ниту еден од оние кои сакаа да имаат слефи за спомен.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.