Женската ракометна репрезентација на Македонија и во вториот настап на Европското првенство забележа убедлив пораз. Во второто коло од фазата по групи Холандија триумфираше со 30:15.
“Холандија одигра фантастично, ние одигравме лошо денеска. Направивме многу грешки, имавме повеќе од 20 промашени шутеви и многу технички грешки. Не одигравме добро во нападот. Многу брзавме во нападот и шутиравме без да создадеме шанса. Некогаш одигравме и добро во одбраната, но нападот ни беше многу лош. Жал ми е за публиката бидејќи не одигравме како што знаеме. Прашање за мене и ракометарките е што понатаму бидејќи ќе ги изгубиме навивачите. Ние сме многу помлади, имаме 6-7 кадетки во тимот и ќе напредуваме. Романија е исто така многу моќна, но верувам дека ќе се смени нешто во главите на моите ракометарки. Имаме премалку позитивни моменти во натпреварите за победи на едно Европско првенство”, изјави селекторот Љубомир Савевски.
ФОТО: Игор Паневски