Најинтересните ставови за најинтересните прашања од Претседателската дебата на Телма. За истополовите бракови и Стево Пендаровски и Гордана Силјановска имаат слични ставови.

 

View this post on Instagram

 

A post shared by Тв Телма / TV Telma (@tvtelma)

Пред вториот круг, кандидатите и партиските лидери во трка по гласови. Но, треба ли лидерите да „бркаат“ и гласови за претседателските кандидаи и да преговараат трансфер на гласовите кои ги освоија другите кандидати. Пендаровски тврди дека тоа не е негов принцип и не би требало да биде одлика на претседателот на државата. Силјановска вели да не се очекува нејизна јавна критика до лидерот на партијата кој си ја брка партиската задача.

 

View this post on Instagram

 

A post shared by Тв Телма / TV Telma (@tvtelma)

Дали црквата и другите верски заедници треба да плаќаат даноци за бизнисите и за парите кои ги добиваат од граѓаните. Силјановска вели државата да им помогне со платите на свештениците, Пендаровски смета дека паушал е актуелното решение за данок. За бизнисите да си платат данок, велат двајцата кандидати.

 

View this post on Instagram

 

A post shared by Тв Телма / TV Telma (@tvtelma)

The post ВИДЕО: Што мислат за истополовите бракови, дали црквата треба да плаќа данок и колку партиските лидери им се шефови и им „бркаат“ гласови- Пендаровски и Силјановска во Претседателската дебата на Телма appeared first on telma.com.mk.

Вкупно 1.814.000 гласачки ливчиња со имињата на 7-мината кандидати за претседателските избори беа спакувани во картонски кутии со заштитен печат. Вработените во битолската печатница „Киро Дандаро” рано утрово со вилушкари ги товараа ливчињата во транспортни комбиња и камионети.

Почетокот на транспортот од печатница до Општинските изборни комисии го обезбедуваа полициски единици, а таму беа присутни и претседателот, потпретседателката и членовите на Државната изборна комисија (ДИК).

Членовите на ДИК и претставници на печатницата извршија примопредавање на доверливиот гласачки материјал од печатницата по што конвојот излезе од фабриката под силна полициска заштита и тргна кон седиштата на 80-те општински изборни комисии

– Дистрибуцијата се одвива во 17 однапред определени рути. Организационо сме подготвени, по тој тек ќе се одвива дистрибуцијата и ќе се заврши во текот на денешниот ден, изјавија од ДИК.

Во текот на утрешниот ден ќе се изврши и дистрибуција на уредите за биометриска идентификација.

1. Отпечатени се  вкупно 1. 814.000 ливчиња бидејќи толку гласачи се евидентирани на Избирачкиот список.

The post Почна транспортот на гласачки ливчиња appeared first on telma.com.mk.

СДСМ се измеќари на ДУИ, а голобрадите момчиња од семејството на Али Ахмети купуваат фирми за милиони и се возат со луксузни завтомобили, меѓу кои и Бентли, рече денеска во Кратово, лидерот на опозицијата Христијан Мицкоски.

Тој порача дека владата предводена од ВМРО-ДПМНЕ ќе ја води државата по европскиот пат, а политичките разбојници ќе бидат пратени во затвор. Ќе работиме напорно и постојано за да успееме и да станеме 28-ма држава членка на Европската Унија, рече Димитар Ковачевски во Охрид.

Претседателот на СДСМ им порача на сите кои се размислуваат и тактизираат да отстапат од таа иднина ќе немаат место во тимот на иднината, а ја обвини опозицијата дека нема јасен став за членството во ЕУ.

ДУИ со најава за рамковен економски договор, а во изборен карван и помалите партии. Интегра го посети Велес и се пожалија на попречување на теренска кампања.

The post Парламентарни избори 2024 – изборна хроника 19.04.2024 appeared first on telma.com.mk.

Не ги дискриминираме луѓето и имаме јасна визија за иднината на државата која ја покажуваме во мојот 5-годишен и за време на владата на СДСМ, порача претседателот Стево Пендаровски пред граѓаните на Бутел. Пендаровски вели дека опозицијата заедно со однесувањето на Бугарија се кочничари на европскиот пат кој е отворен со почеток на преговорите.

Македонија не е правна држава, а ВМРО-ДПМНЕ нема да дозволи ширење на корупција и владеење на криминалци, рече кандидатката за претседател, Гордана Силјановска, на митингот во Кратово. Таа ветува независни институции за борба против корупција наместо менување на Кривичен закон со кој застаруваат кривични дела на функционерите.

Билјана  Ванковска, денеска се осврна на проблемот со денот на избори и нагласи дека  приватните компании се збунети од препораката да не работат на денот на изборите, што, пак може да се одрази на исход на гласањето.

Во фокусот на кампањата, на претседателскиот кандидат Максим Димитриевски денеска е правото. Кусо и директно Димтириевски ветува враќање на стартиот кривичен законик, со цел да се избришат измените со кои се овозможи застравуање не голем број кривични дел кај високата корупција.

Карванот на кандидатот Стевчо Јакимовски, утрово почна од неговиот двор, со политички пораки за уставните измени. Тој изрази сомнеж дека сепак ќе се случи национално предавство токму од тие политички субјекти кои упорно велат дека нема да има гласање.

А, претседателскиот кандидат Бујар Османи, заплива во економски води, и кампањата ја продолжи пред бизнис секторот. Стопанската комора го прими на средба за да ги чуе економските предлози на Осамени, дел од неговата изборна програма.

Претседателскиот кандидат Арбен Таравари имаше изборни активности во дијаспората.

The post Претседателски избори 2024 – Изборна хроника 19.04.2024. appeared first on telma.com.mk.

Како во научно фантастичниот жанр дистопија, ДУИ направи фарса во хотелска сала и формираше еднопартиско Собрание. Во него, на 120-те позиции за пратеници имаше претставници само на ДУИ и на коалицијата.

Партијата на Али Ахмети поради тоа немаше „избор“- па сите раководни места, како во време на комунизмот, беа пополнети со другари и другарки од иста партија и иста коалиција.

Местото спикер, претседател на Собранието не му припадна на Талат Џафери- туку едногласно, со акламација, прв човек на Парламентот во монопартизмот на ДУИ стана Зијадин Села, од крилото на Алијанса која е дел од актуелната коалиција на ДУИ. Седницата за избор ја водеше партискиот лидер Али Ахмети.

Сценариото на оваа дистописка политичка фарса на ДУИ била изготвена за почеток на изборната кампања.

Дистопија инаку е научно фантастичен жанр во кој е претставено измислено општество во кое владее голема неправда, а граѓаните се под постојан притисок и тоталитаристички терор од владеачкото малцинство во чии раце се сите алатки и средства на моќ.

Артан Груби после настанот во Александар Палас и воскреснување на еднопартизмот по теркот на поранешниот комунистички режим, со објаснување ја ублажуваше сцената која ја приредија и тврдеше дека станува збор за Собрание на Европскиот фронт, a не за посакувана иднина.

-Собрание на Европскиот Фронт. Ова е нашата програма, ја претставивме нашата програма. Што ние ќе направиме како пратеници во наредното Собрание и на што ќе инсистираме во програмата на новото парламентарно мнозинство, како и на владината коалиција, рече Груби по завршувањето на еднопартиската седница.

Меѓу другите одлуки кои ги донесе ДУИ на сопствената еднопартиска парламентарна седница беа изгласани и две измени на Уставот. Измени според францускиот предлог, кои Груби ги нарече „согласно договорот со Бугарија“ и уствана измена на избор на претседател во Собранието со двојно мнозинство (обично и Бадинтерово).

На првата седница на еднопартискиот парламент на ДУИ не се најде борбата со корупцијата иако нивниот претседателски кандидат Бујар Османи најавува посебно меѓународно тело за ветинг и проверка на руските врски и богатството на функционерите, судиите и обвинителите. Согласно изјавата на Груби, излегува дека ДУИ нема да инсистираат на оваа антикорупциска идеја на Османи како и на севкупната борба против корупцијата, во првиот налет во парламентот.

Миомир Серафиновиќ

The post ДУИ со нова фарса, си играа дистописко еднопартиско Собрание – Груби тврди дека тоа е нивен коалициски парламент и програма appeared first on telma.com.mk.

Мораме да си ја земеме судбината во свои раце и да ја направиме земјата повторно горда, порача од Валандово кандидатката за претседателка на ВМРО-ДПМНЕ, Гордана Силјановска – Давкова. Таа ја искористи симболиката на калинката и зрната да спореди каква сплотеност треба да имаат граѓаните на државата за најважните прашања.

Стево Пендаровски, актуелниот претседател во трка за втор мандат вечерва во Велес ја презентираше својата програма во која клучно место зазема ветингот на функционерите и правосудството и обвини дека опозицијата го попречува и блокира патот кон Европската Унија со своите постапки.

Претседателскиот кандидат на движењето ЗНАМ, Максим Димитриевски уште еднаш побара јавно соочување на сите претседателски кандидати. Има чувство дека двајца од кандидатите бегаат од јавна дебата, а токму тие се фаворизирани и најзастапени во медиумите заради законски предвидениот закупен простор.

Претседателскиот кандидат на Левица Билјана Ванковска исто така бара дебата. се сомнева дека оние кандидати што избегнуваат соочување се плашат дека ќе се види колку се сите исти. најавува иницирање нов устав, за кој ќе бидат консултирани сите граѓани.

Претседателскиот кандидат коалицијата Храбро за Македонија, Стевчо Јакимовски ветува поддршка за здравствените работници. предлага  придонесот за здравство повторно да биде 13 отсто, да не се дозволи иселување на ниту еден млад лекар или друго медицинско лице  и изградба на регионална болница по НАТО стандарди.

Селективната правда во политички мотивираните случаи, но и се поголемата неказнивост по измената на кривичниот законик, не доведоа до ситуација во која само два отсто од граѓаните веруваат во правдата, рече на денешната прес-конференција претседателскиот кандидат од коалицијата вреди, Арбен Таравари. додаде дека како претседател ќе преземе конкретни чекори за враќање на довербата, и дека приоритет на коалицијата ќе биде европеизација на правосудниот систем.

Претседателскиот кандидат Бујар Османи претходно соопшти дека поради здравствени причини во семејството нема да има предизборни активности.

The post (видео)Претседателски избори 2024 – хроника 16.04.2024 appeared first on telma.com.mk.

Движењето “ЗНАМ” го продолжува претседателскиот карван во Валандово, Богданци, Дојран и Гевгелија. Кандидатот за претседател, Максим Димитриевски, вели дека има план како да се забрзаат преговорите за членство во Европската Унија.

Претседателот Стево Пендаровски од Кичево порача дека државата мора да продолжи по европскиот пат, а не да ги поништува меѓународните договори како што предлагаат некои негови противкандидати кои ја носат Македонија во голема опасност и во нови конфликти. Мора да им се каже не на таквите, рече Пендаровски, најави дека мора да се интензивира борбата против корупција.

Кандидатката за претседател на ВМРО ДПМНЕ, Гордана Силјановска вечерва од митингот во Неготино порача дека нема да ги изневери граѓаните, бидејќи од нив произлегува легитиметот. Најави отварање на канцеларии на претседателот и блиски средби со граѓаните, бидејќи на еден претседател не му личи да биде осамен во планината. Стои на ставот дека мора да се има заеднички став за важните прашања за државата.

Кандидатот за претседател на коалицијата Вреди, Арбен Таравари на одбележувањето на Меѓународниот ден на спортот во Скопје рече дека очекува победа и дека се подготвени да потпишат кој ќе загуби на избори да се повлече од политиката.  На списоците на Вреди, како што рече, нема лице кое е обвинето од Специјалното обвинителство, или пак ставено на црна листа.

Младите треба да бидат вклучени во креирањето политики во државата, порача претседателскиот кандидат на коалицијата Европски фронт, Бујар Османи, на денешната трибина во Тетово. Да се формираат регионални совети на млади, но и да бидат на пратеничките листи.

Кандидатката за претседател на Левица,  Билјана Ванковска, од Прилеп порача дека настапува со оригинална платформа и  радикална програма за  надворешната политика. Најавува дека како претседател ќе го раскине договорот за  добрососедство со Бугарија, ќе го оспори и Преспанскиот договор, и ќе покрене иницијатива Македонија да излезе од НАТО.

Јакнење на улогата на Македонија во НАТО структурите и во ЕУ ќе бидат заложбите на  кандидатот за претседател Стевчо Јакимовски во надворешната политика. Ќе чека членство во Унијата до 2030тата, но потоа ќе бара друго  решенија за државата. Од Крушево порача  дека не е подготвен да прифати  Уставни измени ниту сега, ниту одложено.

The post Изборна хроника за 06.04.2024. appeared first on telma.com.mk.

Заложби за европска иднина на државата, со ветувања за функционални институции со делегирање на професионални кадри. Сите кандидати за претседатели дека на функцијата ќе бидат на сите граѓани, но и критики до опонентите.

Актуелниот претседател и кандидат за нов мандат, Стево Пендаровски од митингот во Прилеп порача дека неговата опција е европски просперитет, а не враќање во балканската кал.

„Ако Македонија во догледно време не стане членка на ЕУ, сами не ќе можеме да го спречиме во поголем процент иселувањето. Затоа е императивно на достоинствен начин да влеземе во ЕУ. Не треба да ни се одземе кои сме и што сме, јазикот и идентитетот ни се гарантирани. Опцијата за која се застапувам и за која живеам не може да не врати повторно во балканската кал, туку во просперитетна европска средина. Затоа заокружете 1, Македонија не смее да се враќа назад, туку да оди само напред“, истакна Пендаровски.

Кандидатката Силјановска Давкова на митингот пред Владата со кој ВМРО-ДПМНЕ и партиите од коалицијата ја почнаа кампањата за Претседателските избори порача да ги почитуваме темелните вредности на нашиот уставен поредок.

„Ама и во какви било односи кон надвор со држави поголеми од нас, па и со сојузи како што е ЕУ, ние вистинските европјани, имаме обврска да потсетуваме на темелните вредности, оти без нив нема ниту демократија, ниту просперитет, ниту мир. Не се оди во Европа со реторика ЕУ, НАТО, НАТО ЕУ. Не, туку со почитување на вредностите и со практикување на вредностите само ако станеме нормална, стандардна држава, ќе бидеме во рамките на ЕУ“, рече Силјановска Давкова.

Билјана Ванковска, кандидатка на Левица, пак, од Струмица порача дека себе си се дефинира како можен претседател на сите граѓани, бидејќи, како што рече, така пишува во Уставот и би била претседател на сите сиромашни, сите обесправени, сите дискриминирани, а такви има и меѓу Албанците, и меѓу Ромите, и меѓу Србите, и меѓу Власите и меѓу сите.

Ванковска рече дека битката не е само нејзина, туку е на сите и сака да ја изоди како народен трибун и да биде негов глас и повика на 24 април масовно да се излезе на гласање.

Според претседателскиот кандидат на ДУИ, Бујар Османи, претстојните претседателски избори не се обични избори, туку, како што вели, се народен референдум што ќе ја определи иднината на државата.

„Нашата држава се наоѓа на крстопат. Еден пат води кон светла европска иднина, другиот пат води кон изолација, бесперспективност и нејасност. Затоа овие избори не се обични избори, туку се народен референдум којшто ќе ја определи иднината на оваа држава“, рече Османи на прес-конференција пред претседателската вила Водно.

Со програма под наслов „Манифест за Македонија“ и со слоганот „Максимум за Македонија“ претседателскиот кандидат Максим Димитриевски ја почна кампањата на претседателски избори од Крушево.

„Мојата програма се базира на пет стратешки начела и пет приоритети со кои ќе се зафатам во првите 200 дена. Моите пет начела се: единствени во надворешната политика, глас на разумот и обединувањето, поцврсти во одбраната и безбедноста, силни институции за заштита на граѓанинот и државата и вклученост и одговорност. Ќе ја зајакнам улогата на претседателот во надворешните односи, ќе поттикнувам и одржувам редовен, конструктивен и аргументиран дијалог со политичките субјекти за да постигнеме разбирање и согласност за клучните цели на државата – во надворешната и внатрешната политика, како врховен командант, ќе работам на зајакнување на капацитетите на македонската армија, ќе ги вложам сите напори за да се валоризира нашето членство во НАТО“, рече Димитриевски пред Македониумот во Крушево.

Претседателскиот кандидат на ГРОМ ги почна активностите со средби со граѓани во Тетово,  каде порача дека нема повлекување се додека не се промени црно-белиот свет на СДСМ и ВМРО-ДПМНЕ.

„Како претседател на Република Македонија нема да ги делам граѓаните по етничка и верска припадност, јас ќе бидам претседател на сите и секој граѓанин во мене ќе има свој заштитник“, истакна Јакимовски.

На првиот ден од кампањата, претседателскиот кандидат Таравари присуствуваше на отворање партиски изборен штаб во Дебар.

The post Европска иднина на државата, силни институции, заложби за сите граѓани – претседателските кандидати на стартот на кампањата appeared first on telma.com.mk.

Кандидатот за претседател од коалицијата Вреди, Арбен Таравари вечерва во „Претседателската дебата“ на ТВ21 порача дека имаат џентлменски договор.

Според него, ВРЕДИ и ДУИ не влегуваат во Влада која нема да направи уставни промени.

„Сигурно г. Ахмети ви кажал, ние имаме џентлменски договор, „Вреди„ и ДУИ дека не влегуваме во Влада која не прави уставни промени, џентлменски договор“, рече Таравари во дебатата со противкандидатот од ДУИ.

The post Таравари: Имаме џентлменски договор со Ахмети за уставните измени appeared first on telma.com.mk.

Секторот за внатрешни работи Скопје упатува апел до граѓаните да ги почитуваат наредбите издадени од страна на службениците на МВР, поради подготовки за претседателските избори и одржување на митинзи.

Денес булеварот Илинден во периодот од 19 часот кон потегот од мостот „Гоце Делчев“ до булеварот ,,Климент Охридски” и од булеварот ,,Климент Охридски” до мостот „Гоце Делчев“ се затворени за сообраќај во двата правци. Во текот на утрешниот ден, по потреба, ќе бидат затворени и други сообраќајници во поширокото централно подрачје

Почнувајќи од вчера е затворен сообраќајот пред Владата, каде што од 20 часот политичката кампања ја започнува Гордана Силјановска со првиот митинг од кампањата.

Секторот за внатрешни работи Скопје апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.

Понатаму во другите градови ќе се одвива иста динамика. Вечерва 20 часот ќе се отвори изборниот караван на Стево Пендаровски каде ќе одржи централен митинг во Прилеп., а понатаму  ќе ги посети и општините Кривогаштани и Крушево.

Кандидатот за претседател на државата од Движењето ЗНАМ- За наша Македонија, Максим Димитриевски кампањата ќе ја стратува во Крушево од 13 часот со што ќе ја презентира програмата под наслов „Манифест за Македонија”.

Претседателскиот кандидат на Левица, пак, Билјана Ванковска, ќе ја презентира изборната програма на прес-конференција вечерва во Струмица.

Додека кандидатот за претседател предложен од ДУИ, Бујар Османи изборната кампања  ја започна со прес-конференција во 11 часот пред претседателската вила на Водно.

The post Митинзите го кројат сообраќајниот режим во Скопје- „Илинденска“ пред Влада е затворена од вчера appeared first on telma.com.mk.