По прегласувањето има само една промена во пратеничките мандати. “Вреди” во 6-тата изборна единица доби 8 мандат односно на ниво на држава сега има 14 пратеници. Нова пратеничка е Имрлије Салиу Фетаи од Гостивар.

Таа доаѓа на местото на актуелната заменичка министерка Фатмире Исаки од “Европскиот фронт” предводен од ДУИ. Исаки инаку е претставник на ДПА, а со губењето на нејзиното пратеничкото место, во Парламентот ќе остане само партискиот лидер Мендух Тачи додека коалицијата на ДУИ паѓа од 19 на 18 мандати.

Коалицијата на СДСМ сега доби помалку гласови во 5-тата изборна единица, но останува на ист број мандати (и во Изборна Единица 5 и во цела држава) затоа што во битката за место во Собранието победи ДУИ со што Исмаил Јахоски пд Пласница останува пратеник.

Во прегласување во 5-тата изборна единица зголемен број на гласови имаше и ВМРО-ДПМНЕ и ДУИ, но Донтовиот модел за пресметување беше на страната на интегративците и по прегласувањето излегоа со уште поголема предност пред коалициите на СДСМ И ВМРО-ДПМНЕ. Најблиску до местото беше Боби Мојсоски од ЛДП (коалиција предводена од СДСМ), но сепак остана зад Јахоски-Пуцко Петрол.

Од друга страна иако СДСМ повторно “стопи” дел од гласовите сепак напредуваше на листата за пратеници со своите 18 мандати и сега се изедначи со коалицијата на ДУИ. Но, предноста е на страната на социјал-демократите поради тоа што имаат речиси 17 илјади гласови повеќе од Фронтот на ДУИ.

ВМРО-ДПМНЕ излегува од прегласувањето со нов плус во гласови (371 глас повеќе од 8-ми мај), но останува на ист број мандати 58.

Левица и ЗНАМ имаат минимално намалување на гласовите и остануваат на ист број мандати- по 6.

Единствениот плус во мандати и тоа само со прегласување на едно избирачко место, во селото Ларце, општина Желино, во 6-та изборна единица е коалицијата “Вреди” која сега има 14 мандати, а повеќе од половина пратеници им се од шестката.

Првични резултати од прегласувањето на парламентарните избори

The post “Вреди” ќари мандат од ДПА и “Европскиот фронт”, Јахоски од ДУИ го потврди пратеничкото место, СДСМ и со губење го “стигна” Фронтот на ДУИ appeared first on telma.com.mk.

Од ноќеска на полноќ почнува предизборен молк поради одлуката да се прегласува за парламентарните избори на неколку избирчки места во ИЕ5 и ИЕ6, бидејќи таму според ДИК, но и одлуката на Управен суд регистрирани беа низа нерегуларности за време на изборите на 8-ми мај.

Ќе се прегласува на избирачки места во Долнени, Крушево, Струга Охрид и во Желино.

Кампањата за повторното гласање ќе трае до крајот на денешниот ден.Притоа, ќе важат истите листи за болни и немоќни лица, ќе нема можност да се пријавуваат нови. Според ДИК, има можност за измени и предлози за овластени претставници на кандидати.Тоа важи и за членовите на избирачките одбори кои се предложени од политичките партии.

Управниот суд ги отфрли како неосновани сите седум тужби од Европскиот фронт, поднесени против решенијата на Државната изборна комисија поврзани со изборите одржани на 8 мај.

Од коалицијата „Вреди“ ја поздравија одлуката оценувајќи дека е во согласност со волјата на граѓаните, а од „Европскиот фронт“ претходно обвинија за изборен инженеринг кој како што рекоа има за цел да го промени односот на бројките во Собранието преку политички договор.

The post Од полноќ започнува предизборниот молк за прегласување за парламентарните избори appeared first on telma.com.mk.

Државната изборна комисија соопшти дека ќе ги прифати приговорите поднесени од коалицијата „Твоја Македонија“ предводена од ВМРО-ДПМНЕ, за три избирачки места од парламентарните избори. Прегласување според приговорите ќе има на избирачкото место 1272 во општина Охрид, како и на избирачките места 1194 и 1202 во Крушево.

Претседателот на ДИК посочи дека по извршеното пребројување на гласови, на избирачкото место 1272 во Охрид, било утврдено дека записникот не е правилно пополнет, а имало и поправки во делот на гласачите внесени со рачен внес, по што се утврди дека е потребно повторно гласање.

Потпретседателката на ДИК, Дитмире Шеху, гласаше против овој приговор поради тоа што тврди дека бројката на гласачи се совпаѓа со бројот на потписи. Во нејзиното излагање образложи дека забелешката за резултатите од гласачкото место 1272 се однесува на записникот 16,  во делот 4, кој е погрешно пополнет, а тоа според неа претставува грешка која ја има речиси кај сите избирачки одбори.

Во Крушево, приговорите за двете избирачки места се усвоени поради несовпаѓање на бројките од записникот со оние од уредот за биометриска идентификација.

Комисијата од страна на Демократската унија за интеграција, побара да се отфрлат приговорите поднесени од страна на Коалицијата „Вреди“ за шестата Изборна единица, како и приговорите поднесени од Коалицијата за ,,Европска иднина” предводена од СДСМ, за Изборната единица број 5.

Според Шеху, станува збор за нерегуларно поднесени приговори, сепак по гласањето беше донесена одлука за да биде прифатен првиот приговор поднесен од коалицијата „Вреди“ со што е одлучено да има прегласување на избирачко место во Желино. Таму ДИК по отворање на избирачкиот материјал, констатирала дека имало едно гласачко ливче повеќе, односно има несовпаѓање на бројот на потпишани гласачи во избирачкиот список, со гласачките ливчиња во кутијата.

Доколку се прифатат некои од приговорите и се прегласува на одредени избирачки места, тоа може да донесе промени во распоредот на мандатите, како во Изборната единица 5, така и во „шестката“.

За ДУИ, приговорите се обид за „изборен инженеринг“, а за тоа ги обвинија членовите на ДИК предложени од двете најголеми македонски партии, како и коалицијата „Вреди“.

The post ДИК одлучи: Ќе се прегласува на избирачки места во Охрид и Крушево appeared first on telma.com.mk.

Досегашниот претседател Стево Пендаровски се рекламирал скоро двојно повеќе на телевизија од новата претседателка Гордана Силјановска Давкова пред првиот круг од претседателските избори, покажува извештајот на Агенцијата за аудио и аудиовизуелни медиумски услуги. Втор по рекламирање на телевизија пред првиот круг бил Бујар Османи од ДУИ.

Пендаровски закупил над 500 илјади секунди рекламно време, односно скоро 140 часа, Османи над 353 илјади секунди, односно 98 часа, а Силјановска Давкова скоро 299 илјади секунди, односно 83 часа. Блиску до неа бил и Арбен Таравари, а останатите тројца кандидати – Максими Димитриевски, Билјана Ванковска и Стевчо Јакимовски добиле значително помалку време.

Ако се спореди со бројот на освоени гласови во првиот круг од претседателските избори на 24 април, Пендаровски потрошил по 2,8 секунди рекламен простор на телевизија за освоен глас, а Силјановска Давкова три пати помалку, односно 0,8 секунди. Најмногу рекламно време за освоен глас потрошил Стевчо Јакимовски – 4,3 секунди по глас, па Арбен Таравари – 3,5 секунди, а најмалку Максим Димитриевски – половина секунда по освоен глас.

Силјановска Давкова, пак, се рекламирала скоро три пати повеќе од Пендаровски на радио.

Од националните телевизии, најмногу рекламно време било закупено на ТВ Алсат, па следуваат Канал 5 и ТВ 21.

Од регионалните телевизии, најмногу реклами имало на ТВ Коха, ТВ Тера и ТВ Едо.

ТВ Плус Куманово, Канал 8 Кочани и Феста Куманова се рекордери по рекламирање меѓу локалните телевизии.

Анализата на АВМУ покажува дека кандидатите се рекламирале на најголемите локални телевизии скоро колку на националните.

ТВ Телма е единствена од националните телевизии на која имало реклами од сите седум кандидати. На ТВ Алфа имало реклами само на Гордана Силјановска Давкова. Максим Димитриевски не се рекламирал на Алсат, а Ванковска била без реклами на Канал 5. Јакимовски и Таравари не се рекламирале на Сител, а Ванковска, Димитриевски и Јакимовски немале реклами на ТВ 21.

Антена 5 и Јон имале најмногу реклами меѓу националните радија, Сити и Буба Мара меѓу регионалните, а Радио Кавадарци и Радио Комета од Гостивар имале најмногу реклами меѓу локалните радио станици.

На кандидатите поддржани од парламентарна политичка партија со парламентарна група – Стево Пендавски, Гордана Силјановска Давкова, Бујар Османи и Арбен Таравари, според законот, им следува по 4 минути рекламно време на час, на Ванквска и Јакимовски, поддржани од партии во парламентот кои немаат пратеничка група им следува по 1 минута реклама на час, а на Димитриевски, поддржан од вонпарламентарната ЗНАМ, му следуваа по 30 секунди рекламен простор на час.

Срѓан Стојанчов

The post Пендаровски повеќе се рекламирал на телевизија, Силјановска Давкова на радио appeared first on telma.com.mk.

Претседателката Гордана Силјановска- Давкова освен во Собранието честитки  и забелешки добива од лидери и владини челници од дома и целиот свет.

Џејмс О’Брајен државниот секретар на САД и Лорд Пич, специјалниот претставник на британскиот премиер за Западен Балкан, Претседателите на Европската комисија и на Советот на ЕУ, Урсула фон дер Лајен и Шарл Мишел и честитаа на претседателката.

Фон Дер Лајен го истакна идното лидерство за Силјановска- Давкова, и твитна: „Со нетрпение очекувам да соработувам со вас,“ но три часа подоцна, Фон Дер Лајен одново на Икс, со порака за изоставувањето на уставното име од страна на претседателката.

-За Северна Македонија да го продолжи својот успешен пат кон пристапувањето во ЕУ, најважно е земјата да продолжи по патот на реформите и целосно почитување на нејзините обврзувачки договори, вклучително и Договорот од Преспа, стои во пораката на Фон Дер Лајен.

Ја потпиша заклетвата, но не го изговори целосното уставно име – Гордана Силјановска – Давкова стапи на функцијата претседател на државата

The post Претседателката на ЕК Фон Дер Лајен и со честитка и со потсетување до Силјановска appeared first on telma.com.mk.

Новиот претседател на Република Северна Македонија Гордана Силјановска Давкова ја даде свечената заклетва со што стана 6-ти по ред шеф на државата од независноста.

Силјановска при давањето на заклетвата наместо уставното име „Република Северна Македонија“ туку употребуваше Македонија.

Во говорот наведе дека ниту таа верувала дека ќе стане шеф на државата, како што во нејзина победа верувал претседателот на ВМРО-ДПМНЕ Христијан Мицкоски.

Таа во својот говор укажа на големото значење на жените во политиката и дека за сите ќе се грижи за сите еднакво.

-Ќе бидам претседателка и на левата и на десната страна. Ќе бидам претседателка на сите граѓани нема да правам разлика ниту по етничка ниту по верска ниту по полова ниту по било каква разлика, рече новата претседателка Силјановска Давкова.

-Време е за единство и за тоа ќе им се обратам на жените. Бидејќи ние покажуваме дека не се грижиме само за себе туку и за сите околу нас, посочи Силјановска во обраќањето кое беше посветено на улогата на жените во политиката и која треба да биде многу поголема.

Гордана Силјановска Давкова е прва жена претседател на Република Северна Македонија.

The post Заклетва на Гордана Силјановска Давкова без претседателката да го спомне уставното име- се осврна на улогата на жените во политика appeared first on telma.com.mk.

Прв чекор кон нова влада, прва кочница од ДУИ која објави декларација за несоработување со партии противници на уставни измени.

Преговарачкиот тим на ВМРО-ДПМНЕ го водеше партискиот претседател Христијан Мицкоски, а покрај него беа и  потпретседателите на партијата.

Пристигнаа пред седиштето на „Вреди“, а Мицкоски само потврди дека денешната средба е првиот чекор кон влада на двата политички субјекти.

-Нема да има изјави. Ќе има соопштение. Прва средба за запознавање, изјави Христијан Мицкоски, претседател на ВМРО-ДПМНЕ.

Вратата брзо беше затворена, а на состанокот како што беше најавено се исцртувале контурите и принципите на новата влада.

И додека на плоштадот Скендербег, новите партнери овојпат во власта разговараа, контра удар стигна од другата страна на Вардар- Али Ахмети пред партнерите од Европскиот фронт ја покажа заедничката декларација потпишана од лидерите на ДУИ и на партиите од „Вреди“.

На неа, според Ахмети стои дека Таравари, Меџити, Касами и Гаши нема да прават коалиција со партија која нема да ги поддржи уставните измени.

-Ние, долупотпишаните политички партии, имајќи ја предвид состојбата во која се наоѓа државата и должноста што jа имаме кон граѓаните, чувствуваме обврска да изјавиме дека сме целосно решени, сега и во иднина да соработуваме и да владееме заедно само со оние политички партии кои се согласуваат да ги поддржат уставните измени како услов за продолжување на процесот на интеграција на земјата во ЕУ, изјави Ахмети кој по азбучен ред ги прочита и имињата на потписниците Арбен Таравари, Африм Гаши, Али Ахмети, Билал Касами и Изет Меџити.

Состанокот на новите парнери за влада, во Вреди траеше речиси два часа. За почеток и првичен договор. Немало дебата за кадровско решенија.

Но, заеднички застанале зад приоритетите- борба против корупција, економски развој и европски интеграции.

-Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото. Заклучено е дека двете страни ќе формираат работни групи, на кое ниво ќе продолжат разговорите до нивно финализирање, стои во заедничкото соопштение на ВМРО-ДПМНЕ и коалицијата „Влен“.

Во текот на средбата разбрале за изјавата на Ахмети која е нов обид на интегративците да влијаат врз веќе почнатите политички процеси.

Миомир Серафиновиќ

The post На првиот чекор кон влада на ВМРО-ДПМНЕ и „Вреди“, ДУИ го откри документот за уставните измени потпишан и од лидерите на „Вреди“ appeared first on telma.com.mk.

Гордана Силјановска Давкова денеска го подигна Уверението со кое Државната Изборна комисија констатира дека таа е избрана за нов претседател на Република Северна Македонија. Силјановска е 6-ти по ред претседател на државата избран на избори. Силјановска е прва жена претседател.

Силјановска го подигна уверението на нејзиниот роденден. Таа денеска полни 71 година, а веќе утре го почнува својот 5-годишен претседателски мандат со инагурација во Собранието и ќе го замени досегашниот претседател Стево Пендаровски во претседателската вила на Водно.

Државната изборна комисија официјално соопшти дека издаде Уверение за избран Претседател на Република Северна Македонија, на Гордана Сиљановска Давкова, која според резултатите од спроведените избори за избор на Претседател на Република Северна Македонија, одржани на 24 април и 8 мај 2024 година, беше избрана за Преседател на државата.

На седницата која ја одржа Државната изборна комисија, беше усвоен Заклучокот за конечност на резултатите од гласањето за Избор на Претседател на Република Северна Македонија, одржано на 8 мај 2024 година.

Државната изборна комисија утврди дека вкупниот број на запишани избирачи за претседателските избори кои биле запишани во Избирачкиот список изнесува 1.814.317, вкупниот број на избирачи кои гласале бил 861.218, вкупниот број на неупотребени гласачки ливчиња 953.121, вкупниот број на важечки ливчиња 812.899, вкупниот број на неважечки ливчиња 48.289 а процентот на избирачи кои гласале е 47.47%.

На гласањето по листите за кандидат за Претседател на Република Северна Македонија, во законски утврдениот рок, по истекот на рокот определен за приговори на постапката за гласање, сумирање и утврдување на резултатите и објавените првични резултати, Државната изборна комисија ги објави и следните конечни резултати:

Стево Пендаровски, освоени 251.899 гласови

Гордана Сиљановска Давкова, освоени 561.000 гласови

За Претседател на Република Северна Македонија е избрана Гордана Сиљановска Давкова со мнозинство гласови од избирачите кои гласале.

Претседателот на ДИК, Проф.Др. Александар Даштевски и го предаде Уверението на Гордана Сиљановска Давкова и од име на Комисијата и посака успешен мандат како шеф на државата и нов претседател на Република Северна Македонија.

The post ФОТО: Силјановска го доби официјалното уверение дека е 6-ти претседател на својот роденден appeared first on telma.com.mk.

Во битка за мандатот кој целата изборна ноќ шеташе од СДСМ кон ДУИ и на крај заврши со 4-тиот мандат во ИЕ 5 за бизнисменот Исмаил Јахоски од ДУИ, ќе има и приговори до Државната изборна комисија.

Претставници на ЛДП (дел од коалицијата предводена од СДСМ) за Телма потврдија дека се подготвуваат приговори до ДИК со кои ќе се бара поништување на резултатите на 30-тина избирачки места и прегласување поради различни прекршувања на изборните правила.

Станува збор за избирачки места во Кичево, Битола, Струга.

Во 5-тата изборна единица (Битолско-Охридско-Струшка) е намала разликата за последниот дваесети мандат доделен по Донтовиот пропорционален модел. Разликата е 109 гласови односно само 27 гласа по Донтовиот количник за 20-тата позиција. Блиску до 20-тиот пратеник е и ВМРО-ДПМНЕ кои веќе освоија 10 пратеници во оваа изборна единица. На нив, за мандат во „петка“ им фалат 374 гласа.

Последниот мандат го доби Исмаил Јахоски од Пласница, кој е член на ДУИ и е основач на компанијата Пуцко Петрол. Доколку коалицијата на СДСМ го добиеше мандатот, 4-ти на листата е Боби Мојсоски од ЛДП.

The post Телма дознава: За 30-тина избирачки места во 5-тата изборна единица ќе има приговори од коалицијата на СДСМ и ЛДП appeared first on telma.com.mk.

Лидерот на ДУИ Али Ахмети остварува најубедлива победа на гласачкото место каде што гласа од сите политички лидери кои ги анализиравме. Претседателот Стево Пендаровски има најубедлив пораз во своето маало.

На своето гласачко место губат и лидерот на СДСМ Димитар Ковачевски и претседателот на ДПА Мендух Тачи, кој на овие избори настапи во коалиција со ДУИ.

Лидерот на ДУИ Али Ахмети гласа на избирачкото место 0816 во Зајас. Коалиција предводена од ДУИ таму има 213 гласа, односно скоро 87 отсто од гласовите, додека опозициската коалиција Вреди има само 24 гласа, односно помалку од 10 отсто. Ахмети во свое маало освоил скоро 9 пати повеќе гласови од опозицијата.

Неговиот коалиционен партнер Зијадин Села, на гласачкото место 1899/1 во струшкото село Ливада добил 206 гласа, наспроти 79 за коалицијата Вреди, односно разлика од 2,6 пати.

Над двојна предност остварил и претседателот на ВМРО-ДПМНЕ Христијан Мицкоски на гласачкото место 2651/1, во ОУ Димо Хаџи Димов во Влае. ВМРО-ДПМНЕ имаат 174, а СДСМ 73. Добар резултат на ова гласачко место има и Левица со 56 и ЗНАМ со 38 гласа.

Уште подобар резултат, ВМРО-ДПМНЕ оствариле на гласачкото место на нивната кандидатка Гордана Силјановска Давкова во Дебар Маало. На гласачкото место 2866, ВМРО-ДПМНЕ има 210, а СДСМ 71 глас. Левица има 46, а знам 55 гласа. На претседателските, таа освоила 267 гласа, двојно повеќе од Стево Пендаровски со 124.

Техничкиот премиер Талат Џафери направил двојна предност пред Вреди на гласачкото место 0502 во гостиварско село Форино, со 146 наспроти 73 гласа.

Тетовскиот градоначалник Биљал Касами од коалицијата вреди победил на гласачкото место 1947, во СОУ Кирил Пејчиновиќ во Тетово со 173, наспроти 126 гласа за ДУИ. ВМРО-ДПМНЕ освоиле 111 гласа.

Арбен Таравари на своето гласачко место во ОУ Башкими во Гостивар освоил 58 гласа, наспроти 49 за ДУИ. Најмногу гласови има ВМРО-ДПМНЕ – 123.

Во своето маало во основното училиште Панајот Гиновски во Бутел 2 победува и Изет Меџити од Вреди со 191, наспроти ДУИ кои имаат 160 гласа. ВМРО-ДПМНЕ освоиле 119 гласови.

Претседателот Стево Пендаровски гласа на избирачкото место 2489 во Салата Автокоманда. Тој има 95 гласа, а неговата противкандидатка Силјановска Давкова скоро четири пати повеќе, односно 372. Уште подрастичен е поразот на СДСМ, кои имаат 48, наспроти 302 гласа за ВМРО-ДПМНЕ, односно 6 пати повеќе. Левица на ова гласачко место е втора партија со 71 гласа, а ЗНАМ има 42.

Претседателот на СДСМ Димитар Ковачевски загубил на своето гласачко место во Тафталиџе со 170 гласа за СДСМ, наспроти 256 за ВМРО-ДПМНЕ. Левица има 89, а ЗНАМ 49 гласа.

Во своето маало загубил и лидерот на ДПА Мендух Тачи. Коалицијата предвоена од ДУИ, чиј дел беше и тој, освои 86 гласа на избирачкото место 1968/1 во Старата Градинка во Тетово. Ист број гласови освои и ВМРО-ДПМНЕ, додека Вреди има 90 гласа.

Добар резултат во своето маало, на гласачкото место 1025 во Куманово има и Максим Димитриевски. Неговата партија ЗНАМ е на второ место со 127 гласа, пред СДСМ со 94. Најмногу има ВМРО-ДПМНЕ со 160 гласа.

Срѓан Стојанчов

The post Ахмети со најубедлива победа, Пендаровски со најголем пораз во своето маало appeared first on telma.com.mk.