Серена и Венус Вилијамс ќе играат заедно во двојки на овогодинешното издание на Вимблдон, откако организаторите им доделија вајлд-карта за настап на грен слем турнирот во Лондон.

Ова ќе биде враќање на Серена на Вимблдон по четири години пауза. Таа неодамна повторно се појави на терените и настапи во двојки на турнирот во Квинс, а оваа недела игра и во Берлин со Каролина Мухова како дел од подготовките за најпрестижниот тениски турнир.

Сестрите Вилијамс се едни од најуспешните дубл-партнерки во историјата на тенисот. Заедно имаат освоено 14 грен слем титули во двојки, од кои шест на Вимблдон. Последниот трофеј во Лондон го освоија во 2016 година.

Серена има 23 грен слем титули во сингл, меѓу кои седум на Вимблдон, додека Венус петпати беше шампионка на лондонската трева во поединечна конкуренција.

Засега ниту една од двете не доби вајлд-карта за настап во сингл. Главниот турнир на Вимблдон почнува на 29 јуни.

The post Серена и Венус Вилијамс добија вајлд-карта за Вимблдон appeared first on telma.com.mk.

Аутсајдерката Маја Хвалинска продолжува со својата бајка на Ролан Гарос и ќе игра во големото финале против Мира Андреева. Тенисерката од Полска повторно го шокираше тенискиот свет.

Хвалинска испиша нова историја и стана првата квалификантка што успеала да стигне до финалето на Ролан Гарос во Опен ерата. Таа денеска ја победи Дијана Шнајдер во полуфиналето со 7-6 и 6-4.

Полјачката воедно е само третата тенисерка што на својот дебитантски настап во главната ждрепка на Ролан Гарос стигнала до финалето, по Ивон Гулагонг и Крис Еверт во 70-тите години од минатиот век.

Во мечот за титулата, закажан за в сабота, Хвалинска ќе се соочи со Мира Андреева. Русинката ја прекина победничката низа на Марта Костјук од 17 мечеви. На Андреева ѝ беа потребни само 76 минути за да ја декласира Украинката со 6-1 и 6-3.

Андреева, која има само 19 години, ќе игра во своето прво грен-слем финале. Таа стана третата најмлада тенисерка што ќе игра финале на Ролан Гарос по Коко Гоф и Ким Клајстерс.

Утре на програмата се машките полуфинални двојки. Јакуб Меншик игра против Александер Зверев, додека во италијанската пресметка ќе се соочат Матео Арналди и Флавио Коболи.

The post Продолжува бајката на Хвалинска: Квалификантката ќе игра финале на Ролан Гарос (ВИДЕО) appeared first on telma.com.mk.

Ролан Гарос заврши за првата носителка Арина Сабаленка, која сензационално загуби во четвртфиналето.

Дијана Шнајдер, која е 25-та носителка, ја шокираше Сабаленка во три сета. Руската тенисерка имаше сет негатива и 1-4 во вториот, но потоа направи голем пресврт. Освои десет гема по ред и славеше со 3-6, 7-5 и 6-0 за пласман во своето прво грен слем полуфинале.

Таму Шнајдер ќе се соочи со најголемото изненадување на турнирот, Маја Хвалинска. Квалификантката од Полска денеска ја победи Ана Калинскаја со 7-6 и 6-3 и го продолжи својот сензационален настап во Париз.

Интересно е тоа што првпат на еден грен слем турнир полуфиналните двојки се составени од тенисерки родени во 21 век.

Второто полуфинале е Мира Андреева против Марта Костјук.

The post Ролан Гарос остана без првата носителка: Шнајдер ја шокираше Сабаленка (ВИДЕО) appeared first on telma.com.mk.

Новак Ѓоковиќ се пласираше во третото коло на Ролан Гарос, откако денеска го совлада фаворитот на домашната публика, Валентан Роје, во четири сета.

Србинот ги освои првите два сета релативно лесно и убедливо, со 6-3 и 6-2, а во третиот испушти меч-топка во тај-брејкот за да ја заврши работата без загубен сет. Роје ја искористи шансата, го доби тај-брејкот со 9-7 и го продолжи натпреварот.

Сепак, Ѓоковиќ не дозволи целосен пресврт. Во четвртиот сет повторно ја презеде контролата и со 6-3 обезбеди пласман во третата рунда, каде што ќе игра со победникот од дуелот меѓу Дино Призмиќ и Жоао Фонсека.

The post Ѓоковиќ во третото коло на Ролан Гарос: Продолжува атакот на 25. грен слем-титула (ВИДЕО) appeared first on telma.com.mk.

Двократниот шампион Карлос Алкараз ќе го пропушти овогодишното издание на Вимблдон поради повреда на десниот зглоб на раката. Шпанецот последен пат настапи на тениските терени на 14 април во Барселона.

Алкараз денеска преку социјалните мрежи објави дека рехабилитацијата оди во добра насока, но дека сè уште не е подготвен за враќање на теренот. Поради тоа, официјално се повлече од турнирот во Квинс, како и од грен слемот Вимблдон.

Светскиот рекет број 2 ја почна сезоната на фантастичен начин со освојување на Австралија опен, но потоа следуваше серијата проблеми со повредата, а паралелно со тоа и доминацијата на Јаник Синер. Алкараз последен пат играше на турнирот во Барселона, каде во првото коло го победи Ото Виртанен, но поради повредата на зглобот мораше да се повлече од натамошниот дел од турнирот.

Потоа не настапи на мастерсите во Мадрид и Рим, се откажа и од Ролан Гарос, а сега е јасно дека нема да биде дел ниту од сезоната на трева.

Алкараз е седумкратен грен слем шампион, а Вимблдон го освојуваше во 2023 и 2024 година. Неговото отсуство е голем удар за турнирот во Лондон, но и дополнителна шанса за Синер да ја продолжи доминацијата сезонава.

The post Вимблдон без двократниот шампион: Алкараз не е подготвен за кам-бек appeared first on telma.com.mk.

Карлос Алкараз нема да ја брани титулата на Ролан Гарос годинава откако најави дека нема да игра на грен слемот поради повреда. Шпанецот се повреди за време на првото коло на турнирот во Барселона.

Алкараз успеа да го победи Ото Виртанен во првото коло во Барселона, но заработи повреда на зглобот на десната рака и мораше да се повлече од турнирот. Од истите причини се откажа и од мастерсот во Мадрид, а според новите медицински тестови, тој ќе мора да прави подолга пауза.

„По добиените резултати денеска, одлучивме дека најдоброто нешто е да бидеме внимателни и да не учествувам на мастерсот во Рим и Ролан Гарос. Ќе чекаме да гo видиме прогресот за да одлучиме кога ќе се вратам на теренот“, напиша Алкараз на социјалните мрежи.

Шпанецот, кој седумкратен грен слем шампион, го освојуваше Ролан Гарос изминатите две годни, односно во 2024 и 2025 година. Во негово отсуство, Јаник Синер ќе биде главен фаворит за да го освои својот прв трофеј на париската црвеница.

The post Ништо од Ролан Гарос: Алкараз оди на подолга пауза appeared first on telma.com.mk.

Женската тениска репрезентација на Македонија од утре ги стартува мечевите во Втората Евро-африканска зона од Били Џин Кинг Купот што се играат во Бања Лука.

Македонија се наоѓа во групата Б, а противници ни се репрезентациите на Бугарија, Мароко, Египет и Јужна Африка. Нашата репрезентација е со подмладен тим, па боите на Македонија ќе ги бранат, Сара Митевска, Ана Митевска, Јана Божиновска и Зара Зафировска, додека деби на селекторската позиција има Кристијан Вангелов.

Утре во првото коло македонските тенисерки ќе играат против репрезентацијата на Египет, која заедно со Бугарија важи за фаворит за првото место во групата. Во второто коло во вторник Македонија ќе биде слободна.

Преостанатиот распоред на натпреварите ќе биде дополнително познат.

The post Македонските тенисерки на стартот против Египeт во Били Џин Кинг Купот appeared first on telma.com.mk.

Јаник Синер синоќа испиша историја со освојувањето на мастерс тенискиот турнир во Мајами. Италијанецот освои 34 сетови по ред на турнирите од серијата 1.000. 

Италијанскиот тенисер го победи Јиржи Лехечка во два сета со по 6-4 и го освои седмиот мастерс трофеј во својата кариера. Тој стана првиот тенисер по Роџер Федерер уште од 2017 година што ги освои двата мастерс турнири во САД еден по друг, откако пред две недели славеше и во Индијан Велс. 

Интересно, Синер испиша историја, бидејќи стана првиот тенисер без загубен сет на двата турнири. Неговата серија трае уште од Париз минатата година и сега изнесува 34 сетови по ред.

Само осум тенисери во историјата ги освојувале турнирите во Индијан Велс и Мајами еден по друг, а само Новак Ѓоковиќ и Роџер Федерер го направиле тоа повеќе од еднаш, Србинот рекордни четири пати, додека Швајцарецот три. 

Синер се доближи до првото место на АТП ранг-листата, што моментално го држи Карлос Алкараз на 1.190 бодови. Сезоната продолжува на европско тло каде на програмата се неколку важни турнири на земјена подлога. Од 5-12 април се игра мастерсот во Монте Карло, по што следуваат два силни турнири од серијата 500 во Барселона и Минхен. Пред вториот сезонски грен слем Ролан Гарос се играат два силни мастерс турнири во Мадрид и Рим. 

The post Јаник Синер испиша нова историја со титулата во Мајами (ВИДЕО) appeared first on telma.com.mk.

Италија трета година по ред го освојува трофејот во Дејвис Купот. Денеска пред своите навивачи во Болоња, Италијанците беа подобри од Шпанија во големото финале. 

Двете репрезентации играат без своите први рекети, Карлос Алкараз и Јаник Синер, па затоа други тенисери се ѕвезди на Италија и Шпанија. Матео Беретини го донесе првиот поен за својата селекција и го победи Пабло Карењо-Буста во два сета со 6-3 и 6-4. Во вториот меч во сингл-конкуренција, Флавио Коболи со пресврт во три сетови го победи Хауме Мунар со 1-6, 7-6 и 7-5. Мечот во двојки не се одигра.

The post Италија повторно го освои Дејвис Купот – трета година по ред appeared first on telma.com.mk.

Аманда Анисимова ја доби директната пресметка со Ига Швјонтек и заедно со Елена Рибакина се пласираше во полуфиналето на ВТА завршницата во Ријад, Саудиска Арабија.

Во еден од најдобрите мечеви досега на турнирот, Анисимова се врати од еден сет негатива за да ја победи Швјонтек со 6-7, 6-4 и 6-2. За Американката ова е прв настап на ВТА финалето и веднаш стигна до нокаут-фазата. Таму е веќе Елена Рибакина, која со перфектни 3-0 ја заврши групата наречена „Серена Вилијамс“. Таа ги победи и Анисимова и Швјонтек, а денеска беше подобра и од Екатерина Александарова со 6-4 и 6-4, која настапи како замена за Медисон Кијс.

Рибакина и Анисимова го чекаат расплетот во групата „Штефи Граф“ за да ги дознаат своите ривали во полуфиналето. Утре во рамки на 3.коло од групата играат Џесика Пегула против Јасмин Паолини и Арина Сабаленка против Коко Гоф.

The post Анисимова ја шокираше Швјонтек за полуфинале во Ријад appeared first on telma.com.mk.