Двајца руски „руфтопери“ кои наводно инсценирале запросување на самиот врв на шпицот на Емпајер Стејт Билдинг во Њујорк, веднаш потоа биле изведени пред суд во Њујорк по низа сериозни обвиненија, меѓу кои и загрозување на јавната безбедност.

Ангела Николау и Иван Кузнецов биле уапсени вчера по смелата акција во која, облечени во црно, развиле знаме и се бакнале на врвот на една од најпознатите згради во светот.

Тие ја поминале првата ноќ од, како што се наведува, нивната свршувачка во одделни ќелии во близина на кривичниот суд во долен Менхетен, каде биле изведени пред суд под обвиненија за провала, загрозување на јавната безбедност, оштетување на имот, незаконски влез, манипулација со туѓа сопственост, нарушување на јавниот ред и поседување алатки за провала.

И двајцата се државјани на Русија и, според податоци од регистри, имаат заедничка адреса во Њу Џерси. Тие се познати претставници на т.н. „руфтопинг“ — екстремен урбан феномен во кој авантуристи се искачуваат на облакодери и високи градби за да направат фотографии и видеа што често имаат спектакуларен визуелен ефект или симболична порака. Според истрагата, засега се утврдува како успеале да се искачат до највисоките делови на култната зграда, отворена во 1931 година како највисока во светот.

Акцијата била следена од дрон и хеликоптер на њујоршката полиција, по што биле уапсени од специјалната единица за интервенции на височина. Во соопштение, сопствениците на Емпајер Стејт Билдинг порачаа дека љубовните изјави и запросувања е најдобро да се изведуваат на безбедни и предвидени места, како официјалната опсерваторија на зградата.

Во меѓувреме, социјалните мрежи се преплавени од снимки и објави поврзани со наводното запросување, кое за кратко време стана вирална тема и предизвика бројни реакции ширум светот.

JUST IN: After two people climbed to the top of the Empire State Building and unfurled a banner on top of its spire Wednesday afternoon, one of the climbers appeared to propose to the other. https://t.co/ngG3jOeTBU pic.twitter.com/PhubQpnRH6

— ABC News (@ABC) July 1, 2026

Т.Д.

Извор на фотографија: Социјални мрежи

The post (Видео)Вирално „запросување“ на врвот на Емпајер Стејт Билдинг: руските руфтопери уапсени по опасен спектакл над Њујорк appeared first on telma.com.mk.

Јавното претпријатие „Лајка“ остана без својата маскота, кучето Циги. Вработените во „Лајка“ денеска се простија од кучето чиј лик е нацртан на едно од комбињата на претпријатието. Вработените во „Лајка“ за Циги знаеја да кажат дека е вистинскиот сопственик на „Лајка“, бидејќи бил роден пред околу 12 години во поранешното прифатилиште Вардариште, денешна „Лајка“ и целиот живот го поминал таму.

Циги воедно беше и домаќинот на „Лајка“, бидејќи беше првиот што ќе ве поздравеше кога ќе влезевте во „Лајка“ и ќе дојдеше да се погали, секогаш расположен.

Кучето Циги беше дел од многу настани и кампањи на „Лајка“ поради неговата трпелива природа и секогаш расположен за дружба со луѓе, кучиња и деца.

„Лајка“ денека простувајќи се од него на својот ФБ профил напиша дека „некои кучиња поминуваат низ нашите животи, а некои стануваат дел од нив – Циги беше токму такво куче“.

„За нас не беше само куче од прифатилиштето. Беше колега, пријател, дел од тимот. Беше присутен на секој состанок, секој настан и секојдневно ни ги разубавуваше деновите. Нема човек што работел или дошол во Лајка, а да не го запознал Циги. Тој беше најдобриот амбасадор на сите бездомни кучиња и секојдневно докажуваше дека со добрина и љубов може да се срушат сите предрасуди. До последниот ден остана тоа што отсекогаш беше – најдобро куче“, напишаа од „Лајка“ простувајќи се од Циги.

Фото: facebook.com/lajkaskopje

The post Почина Циги, маскотата на ЈП „Лајка“ appeared first on telma.com.mk.

Центарот за убавина „Афродита-С“ отсега во нов, модерен и луксузен простор во срцето на Скопје, на  улицата Мајка Тереза бр. 11, Скопје.

Салонот нуди современи козметички и естетски третмани, масажи, маникир, педикир и професионална нега со најнови техники и производи. „Афродита-С“ е препознатлив бренд со долгогодишно искуство во областа на убавината и козметологијата во Македонија.

Современ амбиент, професионален тим и врвни третмани за лице, тело, коса и нокти – сè на едно место за вашата нега и релаксација. (Пр текст)

The post Центарот за убавина Афродита-C во нов модерен простор во центарот на Скопје appeared first on telma.com.mk.

Највисокиот суд во Италија пресуди дека хотел со пет ѕвездички на Доломити постапил законски кога одбил да даде вода од чешма на турист.

За време на скијачката сезона во 2019 година, туристка побарала вода од чешма во ресторанот на хотелот. Но, келнерот ѝ дал само флаширана минерална вода во вредност од 7 евра.

Жената се жалела тврдејќи дека одбивањето да и се даде вода од чешма, е спротивно на правата на потрошувачите, затоа што водата е природен ресурс и универзално човеково право. Таа поднела тужба против хотелот барајќи 2.700 евра надомест за ментална болка и финансиска загуба.

Жената тврдела дека водата од чешма е основен дел од хотелската услуга, тврдејќи дека тоа е нормална услуга како да имате ќебе на креветот во собата или сапун во бањата.

Сепак, Врховниот суд на Италија го отфрли нејзиното барање, пресудувајќи дека италијанскиот закон не ги обврзува хотелите или рестораните да им обезбедуваат бесплатна вода од чешма на клиентите. Според судот, одлуката дали да се обезбеди вода од чешма или не спаѓа во правата на соодветниот бизнис.

The post Туристка која бараше вода од чешма во хотел со 5 звезди, го изгуби случајот пред Врховниот суд во Италија appeared first on telma.com.mk.

Индустријата за видео игри во Обединетото Кралство, која има годишен придонес од околу 9 милијарди фунти и вработува над 73.000 луѓе, се соочува со сериозна криза по повеќе од една деценија раст.

Според досегашните анализи, комбинацијата од политичка нестабилност, промени во даночењето како и регионалните економски притисоци довеле до затворање на повеќе компании.

Ова е забележано особено во новиот систем на даночни кредити за видеоигри (VGEC), кој иако предвидува поддршка од 34%, поради даночни обврски реалната корист значително се намалува. Дополнително, условот за најмалку 10% локално трошење во Обединетото Кралство, според индустријата, ги става во неповолна позиција помалите и независни гејминг компании.

Во Лондон, високите трошоци и инфлацијата доведуваат до консолидација на пазарот, додека во Шкотска се предупредува на одлив на млад кадар во странство поради ограничени можности за вработување.

Податоците покажуваат пад на вработеноста во секторот, затворање на над 1.500 работни места и намалување на бројот на нови стартапи на најниско ниво во последните 15 години. Во исто време, дел од компаниите сè уште пријавуваат недостиг на квалификуван кадар, особено во програмерски и аналитички сектори.

Организациите предупредуваат дека без стабилна регулаторна рамка и појасна државна стратегија, Обединетото Кралство ризикува да ја изгуби водечката позиција во глобалната индустрија за видео игри.

The post Британската индустрија за видео игри во криза поради политичката нестабилност appeared first on telma.com.mk.

Кралот Чарлс и кралицата Камила се во четиридневна посета на СAД.

Последната ваква посета на британското кралско семејство беше во 2007 година, додека кралицата Елизабета уште беше жива.

Она за кое сите зборуваат е дека првата дама на САД повторно блескаше и ги воодушеви сите со својот изглед на главната вечра со Кралот Чарлс III и Камила.

Имено Меланија на себе носеше елегантен Dior фустан и бели ракавици, поради што јавноста почна да пишува дека стилот е потсетник на модната икона од Белата Куќа Џеки Кенеди.

Кралицата Камила, пак, носеше долг розов фустан и раскошен ѓердан.

На вечерата беше присутна и ќерката на Доналд, Иванка Трамп, која доби комплименти за изгледот.

The post (Фото) Меланија воодушеви на вечерата со Кралот Чарлс III и ги засени сите appeared first on telma.com.mk.

Убавото време ги изнесе скопјани надвор, но на кејот на реката Вардар наидоа на несекојдневна глетка.

Покрај поситниот отпад, во водата плови и кабаст отпад.

Жителите на Скопје до Телма испратија фотографии на кои се гледа црвена софа која е заглавена на кејот веднаш под мостот Обединети нации.

Во шега прашуваат дали ќе стигне до Грција каде Вардар се влева во Средоземното море и каде мора да се почитуваат европските еколошки стандарди па и софата ќе биде отстранета од реката.

Дотогаш црвената софа останува во реката Вардар да биде пристаниште на реткиот речен птичји свет, како што се шатките и патките.

The post (Фото) Црвена софа „плови“ по реката Вардар appeared first on telma.com.mk.

Светот денеска го одбележува Меѓународниот ден на планетата Земја, кој Обединетите нации го прогласија за ден посветен на борбата против загадувањето на животната средина.

Денот на планетата Земја, кој секоја година се одбележува на 22 април, е глобален настан кој има за цел да ја истакне важноста на заштитата на животната средина.

Денот почна да се одбележува во 1970 година од Гејлорд Нелсон, американски сенатор и екологист, и Денис Хејс, дипломиран студент на Универзитетот Харвард.

И двајцата беа загрижени поради штетите врз животната средина во САД, како што беше онаа предизвикана од големото излевање на нафта во 1969 година во Санта Барбара, Калифорнија.

На денешен датум во 1970 година, околу 200.000 луѓе протестирале против загадувањето на животната средина.

Иако почнал како американски настан, во 1990 година Денот на планетата Земја стана меѓународен, мобилизирајќи 200 милиони луѓе во 141 земја.

Се проценува дека денес над милијарда луѓе учествуваат во активности во речиси 200 земји. Главната порака секогаш е насочена кон одржливоста и начините на кои секој поединец може да придонесе

The post Ден на планетата Земја appeared first on telma.com.mk.

Необична сцена се случи во Темекула, каде што балон на топол воздух со 13 лица слета директно во двор на семејна куќа.

Сопственикот на домот, Хантер Перин, воопшто не знаел што се случува сè додека сосед не го известил за неочекуваните „гости“.

Додека тој гледал телевизија, а неговата сопруга спортувала, група патници веќе се симнувала од балонот во нивниот мал тревник широк околу три метри.

Балонoт, украсен со ѕвезди и полумесечина, бил вистинска атракција додека се спуштал над куќата… По безбедното слетување, пилотот ги симнал патниците, повторно полетал и го приземјил балонот на улицата во близина, каде што потоа бил расклопен.

Инцидентот завршил без повредени, но оставил силен впечаток кај домаќините и соседите.

The post Балон со 13 патници слета во приватен двор appeared first on telma.com.mk.

Французинот Ари Ходара доби слика од Пабло Пикасо вредна еден милион евра, на томбола „1 Пикасо за 100 евра“.

Делото кое доби нов сопственик е  „Tête de Femme“ од 1941 година и ја прикажува  музата на шпанскиот мајстор Дора Мар.

На добротворната томбола биле продадени повеќе од 120.000 билети по цена од 100 евра, а од собраните пари, 1 милион евра ќе се доделат на Галеријата на операта, сопственик на сликата, а преостанатите средства ќе бидат донирани на француската Фондација за истражување на Алцхајмеровата болест.

Ова е трето излекување на хуманитарната томбола.  Првата аукција „1 Пикасо за 100 евра“ се одржа во 2013 година, а средствата биле донирани за зачувување на Тир, историски град во Јужен Либан. Второто издание во 2020 година поддржа програми за чиста вода и хигиена за време на села во Камерун, Мадагаскар и Мароко.

The post Среќен Французин доби слика од Пикасо вредна милион евра appeared first on telma.com.mk.