Социјалдемократскиот сојуз на Македонија, преку соопштение, оцени дека изјавата на Христијан Мицкоски дека „наскоро ќе се знае кој наредил и што се случило во Гостивар“ и дека „ќе има одговорност“, е само уште една во низата, како што велат – празни најави кои стануваат предвидливи.

Од опозициската партија посочуваат дека е особено апсурдно што за проблемот во Гостивар, Мицкоски и владеачката партија ја обвинуваат СДСМ, која никогаш не била на власт во тој град.

„Мицкоски и ВМРО-ОКГ се однесуваат како да се во опозиција, а не како да се на власт веќе две години. Граѓаните повеќе не веруваат во „наскоро ќе се знае“. Сакаат резултати, а не нови најави и нови лаги. Време е да се преземе одговорност, а не да се префрла на другите’ – порачуваат од СДСМ.

The post СДСМ: Празни најави на Мицкоски за случајот во Гостивар, време е да се се преземе одговорност appeared first on telma.com.mk.

Одговорност ќе има. Јавноста наскоро ќе добие одговор што точно се случило, порача премиерот Мицкоски за случајот со масовните стомачни тегоби во Гостивар. Шокантно е вели тој, како некој постапувал толку неодговорно.

The post Мицкоски за случајот во Гостивар: Одговорност ќе има, јавноста ќе добие одговор што се случило appeared first on telma.com.mk.

Родителите на починатите во „Пулс“ порачаа дека случајот со трагедијата не е обичен судски предмет туку 63 насилно згаснати животи, 218 повредени и болка на целиот град.

Денешната маршута беше порака до институциите кои потфрлиле. Застанаа и пораки испратија пред зградата на Општината, Државниот трудов инспекторат, УЈП, Полицијата и Основниот суд. Предметот „Пулс“ не е само судење, туку испит за правда и доверба во институциите, порачаа родителите на загинатите на 47-тиот  „Марш за ангелите“ во Кочани.

На секоја од институциите залепија и плакати со пораки, но и што требале да направат за да не се случи најголемата трагедија во земјата, во која згаснаа 63 животи над 200 беа повредени.

Првата институција пред која застанаа беше Општина Кочани.

The post 47-ми „Марш на ангелите“ – пораки до институциите кои потфрлиле да ги заштитат младите животи appeared first on telma.com.mk.

Двајца припадници на американската војска загинаа, а еден се води како исчезнат во акција, соопшти денеска американската централна команда .

Ова се првите американски жртви во војната со Иран од март, во услови на ескалација на судирите меѓу двете земји.

„На 17 јули, двајца американски војници во Јордан загинаа при извршување на должноста, додека силите на Американската централна команда и партнерските сили се бранеа од ирански напади со балистички ракети и беспилотни летала. Дополнително, еден припадник на американската војска во моментов се води како исчезнат во акција“, се наведува во објавата на американската централна команда.

Дополнително, уште четворица американски војници биле медицински евакуирани во болници во Јордан, но во меѓувреме се отпуштени.

Други припадници се здобиле со полесни повреди и се вратиле на должност.

Од Централната команда соопштија дека идентитетот на загинатите војници нема да биде објавен сè додека не поминат 24 часа откако нивните најблиски ќе бидат официјално известени.

Иранската Исламска револуционерна гарда (ИРГЦ), презеде одговорност за нападите врз база што ја користат американските сили во Ал-Азрак, Јордан.

Се тврди дека во нападот, изведен со ракети и беспилотни летала, „целосно биле уништени“ повеќе летала.

Со овие жртви, бројот на загинати припадници на американската војска во речиси петмесечниот конфликт се искачи на 15.

The post Двајца американски војници се убиени, а еден засега се води како исчезнат во иранските напади во Јордан appeared first on telma.com.mk.

Додека епидемиолозите и Обвинителството ги бараат и утврдуваат причините за масовните здравствени проблеми на гостиварци, во болницата во градот за само едно деноноќие над 250  лица побарале медицинска помош поради тегоби.

Директорот на болницата др Емри Бајрами вели дека изминатото деноноќие било пикот на ширењето и дека под најголем притисок од пациенти се Инфективната клиника и детското одделение. Првиот пациент кој се пожалил на тегоби бил ноќта меѓу понеделникот и вторникот. Во моментов задржани се три деца, превентивно, поради опасност од дехидрација.

Министерот за здравство Клековски, кој денес дојде во Гостивар, најави дека ќе се чека на резултатите од испитувањата пред да падне одлуката за прогласување на епидемија. За разлика од локалните власти, тој не верува дека храна а не вода е изворот на проблемите со кои се соочуваат гостиварчани последните пет дена.

Голем број на гостиварци претпладнево побараа лекарска помош во Инфективното одделение. Сите се жалат на истите симптоми

Градоначалникот доктор Ваљбон Лимани, не е во Гостивар и им се обрати на сограѓаните преку социјалните мрежи повикувајќи ги на смиреност.

Директорката на гостиварскиот водовод, Асани, во разговор за Телма кажа дека не е во градот и остана на ставот дека пумпите биле користени само еднаш на 26 јуни, но не даде одговор зошто и по дваесет дена тие се уште биле во каналот со отпадни води. Потврди дека дала исказ пред истражните органи

Од ИЈЗ соопштија дека ќе ги запазат протоколите и дека резултатите од испитувањата на мострите земени од чети различни локации ноќта меѓу четвртокот и петокот ќе бидат готови за 48 часа. Физичко хемиската анализа веќе е завршена, се работи на микробиолошката а резултатите ќе бидат доставени до Обвинителството, не и до јавноста, во интерес на истрагата,

Одлуката НА АХВ за забрана за користење на вода од градскиот водовод останува на сила.

Огнен Чанчаревиќ

The post Пикот на заболените е достигнат, што е контаминирано во Гостивар – водата или храната? appeared first on telma.com.mk.

Американската војска соопшти дека ја спровела седмата ноќ по ред воздушни напади врз Иран, откако претседателот на САД, Доналд Трамп, изјави дека привремениот договор за прекин на огнот е „завршен“.

Американската Централна команда (CENTCOM) соопшти дека нејзините сили погодиле „објекти за надзор, воена логистичка инфраструктура, подземни складишта за оружје и поморски капацитети“.

Но, во американските напади биле бомбардирани и уништени и автопати, мостови, тунели, кои ги користат иранските цивили. Само во провинцијата Хормозган биле оштетени три моста а во нападите биле убиени и повеќе цивили.

САД ги таргетираат и патните правци кон градот Бандар Абас, кој се наоѓа во близина на најтесниот дел од Ормутскиот Теснец, јавија иранските државни медиуми.

Иако нема прецизни бројки за вкупниот број жртви во американските напади, официјален Техеран тврди дека повеќе десетици лица се убиени а стотици и повредени во бомбардирањата.

Иранските власти се заканија дека доколку американските напади продолжат, тие ќе одговорат со целосна офанзива.

„Доколку американските напади продолжат уште два или три дена, ќе влеземе во фаза на целосна офанзива и разорни напади. Што значи тоа? Тоа значи дека Иран повеќе нема да се ограничува само на одмазднички напади и дека ниту една политичка граница нема да биде безбедна од офанзивните способности на Иран“ – изјави Мохсен Резаи, висок советник на врховниот лидер на Иран.

Иран досега возврати со напади врз американски сојузници во регионот, меѓу кои и Кувајт. Кувајтските власти изјавија дека уште една електрана и постројка за десалинизација на вода биле погодени, по сличен напад претходниот ден.

Ирански ракети биле лансирани и кон цели во Јордан и Бахреин.

САД повторно воведоа и поморска блокада на иранските пристаништа.

Иран практично го затвори Ормутскиот Теснец за бродски сообраќај откако САД и Израел ја започнаа војната на 28 февруари. Тоа предизвика нагло зголемување на цената на нафтата и му даде на Иран значителна предност во преговорите.

Цената на нафтата во петокот се искачи над 86 долари за барел, што е блиску до највисокото ниво во последниот месец, додека бројот на преминувања низ теснецот падна на најниско ниво во последните три недели, според меѓународна служба за следење на бродскиот сообраќај.

Трамп сега се соочува со политички притисок што поскоро да стави крај на војната и да избегне долготраен конфликт на Блискиот Исток, откако во својата изборна кампања постојано велеше дека тоа нема да го дозволи.

Никола Илиевски

The post САД извршија напади врз Иран седма ноќ по ред – Иран се закани со „целосна офанзива“ appeared first on telma.com.mk.

На само еден метар длабочинско копање во една од плодните ниви кај тетовското село Стенче најден е археолошки локалитет.

Откриени се керамички садови и монети кои според првичните сознанија потекнуваат од 4-тиот век.

Археолошкото богатство е најдено случајно при изведба на градежни работи за ископ на канал за поставување на кабли, мината година.

По проверката на најдениот материјал, стручните лица од Музеј на тетовски крај почнале археолошки проект , а на терен се работи изминатите десетина дена.

„Како се симнавме подлабоко негде на скоро еден метар. Се отвори и се открија остатоци од една доцно античка куќа. Доцноантичката куќа ја потврдивме со подно ниво.  И со големо количество на керамика доцноантичка карактеристична е таа една сива македонска така се нарекува од тој период керамиката и дополнително на подот откривме и неколку монети коишто ни го потврдија егзистирањето на куќата, негде средина на 4 век од новата ера“ – изјави Игор Толевски, археолог-кустос во НУ Музеј на тетовски крај.

Ова е трето археолошко наоѓалиште во селото Стенче кое припаѓа на руралната општина Брвеница, на планината Сува Гора.

Двете наоѓалишта се истражуваат  веќе подолг период.
„Едниот е исто неолитски локалитет под село, Тумба стенче, каде што е откриена карактеристична форма на жртвеник, антропоморфен. Вториот локалитет коишто се истражува е над селото горе, е тврдината Градиште или Граиште којшто потекнува од периодот на исто доцната антика“ – додава Толевски.

Откриената доцно-античка базилика со три крстилници на тврдината Граиште според археологот, сведочи за постоење на моќен и голем ранохристијански центар во тој период во овој регион.

Aлександар Самарџиев

The post Нов археолошки локалитет кај тетовско Стенче – најдени монети и керамика од 4 век appeared first on telma.com.mk.

Нови „стрели“ од власта до правосудниот систем. Еден ден откако Европската комисија го објави Извештајот за владеењето на правото во земјава, премиерот со порака: „судиите и обвинителите не заслужуваат повеќе пари, ќе продолжам да ги критикувам“.

Во документот од ЕУ се нотира дека независноста на судството во Македонија е загрозена од притисок и мешање на други државни инстанци. Недостигот од судии и обвинители, неиздвојување на доволно средства за судската администрација, дигитализацијата на судството, како и несоодветната соработка помеѓу институциите исто така се нотирани како слабост на системот.

„Инаку мене ми е тоа работа, јас јавно да ги повикувам судиите и обвинителите да испорачаат правда. И ќе продолжам во таа насока да коментирам, колку сакаат извештаи нека се објавуваат. Впрочем, граѓаните се самите тие коишто констатираат дека немаме испорака на задоволително ниво од страна на правосудниот систем. И тоа е општопозната констатација. Јас ќе продолжам во таа насока да испраќам пораки, со сета политичка одговорност и ризик коишто ги имам – да, ќе продолжам додека не видиме напредок во испораката на правдата. Второ, пари повеќе нема да добијат“, изјави премиерот Христијан Мицкоски. 

Од опозицијата со оценка дека Извештајот за владеењето на правото е катастрофален и е најсилна потврда дека правосудниот систем во државата е под сериозен политички притисок од власта. Од СДСМ посочуваат дека Европската комисија јасно нотира мешање во судството и обвинителството, отсуство на реформи, распространета корупција и проблематични јавни набавки.

„Ова не е општа критика – ова е директна дијагноза на состојбата во која се наоѓа правосудниот систем во Македонија под актуелната влада на ВМРО-ОКГ. Она што Европската комисија го забележува како системски проблем, ние го гледаме секојдневно во конкретни постапки и одлуки на Мицкоски и неговата организирана криминална група. Целта е јасна: да се спречи независното судство и обвинителство, да се заштитат криминалците и да се продолжи со неказнивоста. Затоа ВМРО намерно го кочат процесот на пристапување во Европската унија“, изјави Богданка Кузеска, портпарол на СДСМ. 

Опозициската Левица исто така со критики и обвинувања до власта и до премиерот. Оттаму велат дека Мицкоски не го демонтирал коруптивниот систем туку удобно се сместил во него. Од партијата додаваат дека особено поразителна е оценката за измените на Кривичниот законик од јануари годинава, а состојбата во Антикорупциска дополнително покажува колку е компромитиран целиот систем.

„Најновиот Извештај на Европската комисија за владеењето на правото претставува тешко обвинение против начинот на кој Мицкоски и ДПМНЕ управуваат со државата. Комисијата не опишува неколку изолирани слабости, туку систем во кој корупцијата останува широко распространета, високопрофилните предмети ретко завршуваат со правосилни пресуди, измените на Кривичниот законик го стеснуваат просторот за гонење, а институцијата задолжена за спречување на корупцијата беше потресена од скандали токму во сопствениот состав“, се вели во соопштението на Левица. 

Генералниот заклучок за правосудниот систем во Извештајот на Европската комисија е дека ефикасноста продолжува да опаѓа, како што се зголемува времетраењето на постапките во речиси сите судски случаи, со исклучок на кривичните. Во документот се наведува дека перцепцијата за судска независност во земјава останува многу ниска.

Петар Догов

The post Брисел алармира за притисоци врз судството – власта со нови критики, опозицијата обвинува за заробени институции appeared first on telma.com.mk.

За 24 часа, нови 260 пациенти побарале лекарска помош во гостиварската болница.

Бројката надмина 1300, но според министерот за здравство Клековски, засега нема услови за прогласување епидемија во Гостивар.

Прво треба да се утврди причината за големиот број пациенти со стомачни тегоби. Градоначалникот Лимани пак со повик до граѓаните да останат смирени.

Со најновите информации за состојбата со водата во Гостивар, во вестите на Телма во 15.30 известува Огнен Чанчаревиќ. 

The post За 24 часа – 260 нови пациенти побарале помош во гостиварската болница appeared first on telma.com.mk.

Судијката Даниела Алексовска Стојановска ја пишува пресудата за Талир 2 со која го ослободи Никола Груевски и ја одби конфискацијата на имотот на ВМРО-ДПМНЕ. Предметот застарува на 31-ви август а за да не застари треба да има првостепена пресуда од апелациониот суд.

„Првостепената пресуда за предметот, во јавноста познат како Талир 2, е во фаза на писмена изработка и истата ќе биде доставена до странките во најкраток можен рок, се со цел да има можност истата во случај на жалба, да биде преиспитана од повисокиот суд“ – одговори Кривичниот Суд.

Но за Талир 2 да стаса пред апелација потребно е  обвинителството да се жали. Државниот обвинител Ненад Савески вчера рече дека ќе одлучат откако ќе го прочитаат и анализираат образложението.

Судијката изрекувајќи ја пресудата повеќе од 1 час заклучи дека ослободителната пресуда е резултат на измените на КЗ од 2023-та.

За дилемите кои се појавија во јавноста од судот упатуваат на образложението на пресудата.

Меѓу нив се наметна и прашањето – зошто нема злоупотреба со неизвршување на службената положба кај Груевски ако според обвинението тој како претседател на ВМРО – ДПМНЕ не ги вратил примените средства од Бетон и не ја надоместил разликата од вредноста на седиштето наспроти реалната вредност на земјиштето?

За тоа зошто судијката одложила судењето поради отсуство на претставник на ВМРО ДПМНЕ со оглед на тоа што во овој предмет партијата  не е обвинета и присуството не е задолжително од Кривичен одговорија дека тоа се случило само еднаш затоа што требало да даде завршни зборови.

„Одлагањето следеше дотолку повеќе што за разлика од обвинетите, третото лице нема право на повторување на постапката, па во услови на постоење на предлог за конфискација на имот, судот го ценеше и правниот интерес на заинтересираната страна да даде завршен збор, особено кога покажа активен интерес во текот на целокупната постапка“ – одговараат од Кривичен .

Поранешната обвинителка Ленче Ристоска по пресудатa посочи повеке  дилеми и противречности. Смета дека се потврдува нејзиното уверување дека овој предмет и е одземен за избегнување на конфискацијата на седиштето на ВМРО ДПМНЕ.

Државниот обвинител Ненад Савески одговори дека Талир 2 не и бил одземен и ќе останел кај неа ако не поднела оставка.

Тој објаснуваше дека повлекувањето на овластувањето немало да има влијание врз Талир 2 затоа што и Ристоска и предметот биле во истото обвинителство.

Таа го демантираше – лично му кажала дека врз основа на Правилникот на Европравда можела да продолжи да постапува по предметите Талир 1 и 2 само со одлука на државниот обвинител и му посочила дека ако ги повлече овластувањата ќе си поднесе оставка

Елена Ивановска Мукоска

The post Ослободителната пресуда за Талир 2 се пишува, од Кривичен велат ќе биде доставена во најкус можен рок appeared first on telma.com.mk.