Денвер поведе со 2-0 против Лос Анџелес лејкерс во првата рунда од плеј-офот во НБА-лигата благодарение на драматичната победа утринава на домашен паркет од 101-99.

Џамал Мареј беше херој на шампионот, кој погоди за победа со звукот на сирената. Нагетс имаа негатива од 20 поени во вториот дел, но направија пресврт за триумф.

Никола Јокиќ имаше трипл-дабл за Денвер со 27 поени, 20 скока и 10 асистенции, Мајкл Портер јуниор  запиша 22, Мареј го заврши натпреварот со 20 поени. Кај Лејкерс, Ентони Дејвис имаше 32 поени со 11 скока, додека Леброн Џејмс имаше 26 поени и 12 асистенции. Серијата сега се сели во Лос Анџелес, каде се играат два натпревари.

Драматично беше и во Источната конференција, каде Њујорк максимално го искористи домашниот паркет и поведе со 2-0 по победата од 104-101 против Филаделфија. Кливленд го победи Орландо со 96-86 и исто така поведе со 2-0 во меѓусебната серија.

The post Мареј погоди за победа со звукот на сирената, Лејкерс прокоцкаа водство од 20 поени (ВИДЕО) appeared first on telma.com.mk.

Бостон без проблеми го совлада Мајами со 114-94 за да поведе со 1-0 во првата рунда од плеј-офот во НБА-лигата. Селтикс имаа и највисоко водство од 34 поени во последниот период против Хит, кои беа без првата ѕвезда Џими Батлер поради повреда.

Џејсон Тејтум стигна до првиот плеј-оф трипл-дабл во својата кариера со 23 поени, 10 скока и 10 асистенции. Дури шест играчи на Селтикс имаа двоцифрен ефект во нападот, а кај Мајами најмногу се истакна Бам Адебајо со 24 поени.

Лос Анџелес клиперс славеа со 109-97 против Далас во првиот натпревар. Домашните иако беа без Каваи Ленерд, Џејмс Харден и Ивица Зубац беа главни во нападот со 28 поени и 20 поени и 15 скока. Лука Дончиќ и Кајри Ирвинг искомбинираа 64 поени, но немаа помош од останатите играчи.

На останатите натпревари, Оклахома со доста мака го совлада Њу Орлеанс со 94-92 за водство од 1-0 во меѓусебната серија, а сигурен на домашен терен беше и Милвоки со триумф од 109-94 против Индијана.

The post Бостон лесно со Мајами, Ирвинг и Дончиќ не можат сами против Клиперс (ВИДЕО) appeared first on telma.com.mk.

Евролигата оваа сезона го сруши рекордот на посетеност на натпреварите. Вкупно 3 милиони навивачи ги гледале натпреварите во живо што е зголемување од 18 отсто во однос на минатата сезона. Очекувано најгледани се натпреварите на двата српски тима Партизан и Црвена Ѕвезда.

Оваа сезона просекот на посетеност на натпреварите во Евролигата е 10.383 навивачи, а ланската сезона изнесуваше 8.748. Партизан во просек е најгледан тим со 19.916 навивачи на секој натпревар на домашен паркет или 99 отсто од капацитетот на „Белградска арена“. Вечниот ривал на „црно-белите“, Црвена Звезда е втора со просек од 17.842 навивачи, потоа следуваат Жалгирис и Панатинаикос со просек од над 14.000 гледачи по натпревар. Меѓу најгледаните тимови се Анадолу Ефес, Олимпијакос и Емпорио Армани.

Интересно е тоа што просекот на посетеност на натпреварите можеше да биде уште поголем, но Макаби Тел Авив поради воената состојба во Израел ги играше своите домашни дуели во Белград речиси без публика.

The post Партизан рекордер во Евролигата по посетеност со продадени 99 отсто од билетите appeared first on telma.com.mk.

Во кошаркарската Евролига вечерва ќе го добиеме последниот патник во плеј-офот. Басконија ја пречекува Виртус Болоња во финалниот натпревар од плеј-ин турнирот.

Во вторникот Басконија загуби убедливо со 113-85 од Макаби Тел Авив во Белград во првиот натпревар од плеј-ин турнирот. Со оглед на фактот дека Шпанците беа осми во регуларниот дел од сезоната беше јасно дека ќе добијат уште една шанса да изборат место во разигрувањето.

Ривал на Басконија вечерва е победникот од првиот плеј-ин натпревар помеѓу Анадолу Ефес и Виртус Болоња. Италијанскиот состав славеше во Истанбул со 64-67.

Во регуларниот дел од сезоната двата тима славеа по еднаш и тоа на гостински терен. Вечерва влогот е многу поголем, а тоа е пласман во плејофот и дуел со најдобриот тим сезонава Реал Мадрид. Натпреварот вечерва стартува во 20:30 часот.

The post Басконија или Виртус Болоња, кој ќе биде ривал на Реал Мадрид во плеј-офот? appeared first on telma.com.mk.

Филаделфија се пласираше во плеј-офот во НБА-лигата, додека Мајами ќе игра против Чикаго за последното место во разигрувањето за титулата.

Филаделфија славеше победа од 105-104 на домашен паркет против Мајами и го обезбеди седмото место на Источната конференција со тоа и пласман во плејофот. Жоел Ембид имаше 23 поени и 15 скока за Сиксерс, кои во првата рунда од разигрувањето ќе се соочат со второпласираниот тим на Истокот, Њујорк.

Мајами има втора шанса за место во плејофот, бидејќи ќе игра уште еден натпревар на домашен паркет и тоа со Чиакго, кој беше подобар од Атланта со 131-116. Коби Вајт имаше натпревар на кариерата со 41 поен ги предводеше Булс. Никола Вучевиќ имаше 24 поени и 12 скока, а Демар Дерозан 22 поени. Дежонте Мареј со 30 поени најмногу се истакна кај Хоукс.

Последниот натпревар од плеј-инт турнирот Мајами и Чикаго го играат во сабота во 1 часот наутро.

The post Филаделфија обезбеди плеј-оф, Мајами има уште една шанса против Чикаго (ВИДЕО) appeared first on telma.com.mk.

Бостон ја запиша 12-тата победа по ред, а вкупно 13-тата на последните 15.натпревари во НБА-лигата откако го совлада Сакраменто со 101-100. Пејтон Причард со 21 поен и Кристапс Порцингис со 20 поени и 11 скокови беа најдобри во редовите на Селтикс, кои играа без Џејлен Браун.

Лука Дончиќ не беше во составот, но Далас го победи Голден Стејт со 108-106. Пи Џеј Вашингтон со 32 поени за Маверикс додека Кајри Ирвинг имаше 26. Далас се зацврсти на 5.место на Западната конференција и е на добар пат да го избегне плеј ин турнирот. Стеф Кари беше најефикасен кај Вориорс со 28 поени.

Во дербито на Западот, Феникс ја совлада Минесота со 97-87, Клиперс беа подобри од Јута со 131-102, додека Милвоки загуби на домашен паркет од Торонто со 111-117. Победи остварија и Индијана против Оклахома, потоа Шарлот, Портланд, Чикаго, Мајами, Мемфис и Сан Антонио.

The post Бостон славеше минимално против Сакраменто, Далас и без Дончиќ го победи Голден Стејт (ВИДЕО) appeared first on telma.com.mk.

Никола Јокиќ со 42 поени и 16 скока го водеше Денвер до победа против Сан Антонио од 110-105. Одлично се претстави и фантастичниот руки, Виктор Вембањама во редовите на Спарс, кој имаше 23 поени, 15 скока, осум асистенции и девет блока. Со оваа победа Денвер го презема врвот во Западната конференција по поразот на Оклахома кај Филаделфија утринава.

Лука Дончиќ дојде до својот 20-ти трипл-дабл сезонава против Голден Стејт, но Далас загуби со 104-100. Словенецот имаше 30 поени, 12 скока и 11 асистенции. Ендру Вигинс со 23 поени најмногу се истакна кај домашиот тим.

Лејкерс славеа на гостувањето кај Торонто со 128-111, Милвоки изненадувачки загуби кај Вашингтон со 117-113, Сакраменто го доби калифорниското дерби против Клиперс со 109-95, а победи остварија и Кливленд, Минесота и Мајами.

The post Вембањама делеше „банани“, но Јокиќ и Денвер славеа (ВИДЕО) appeared first on telma.com.mk.

Девин Букер стана првиот играч во НБА-лигата по Вилт Чемберлен што постигнал 50 или повеќе поени на три натпревари по ред против ист противник. Кошаркарот на Феникс постигна 52 поени го победата од 124-111 на гостувањето кај Њу Орленс. Јусуф Нуркиќ имаше 19 поени и 19 скока за Санс, додека кај Пеликанс најмногу се истакна Зајон Вилијамсон со 30 поени.

Најдобриот тим во лигата Бостон славеше на гостувањето кај Шарлот со 118-104. Џејсон Тејтум и Сем Хаузер имаа по 25 поени за Селтикс, кои ја запишаа 11-тата победа на последните 13 натпревари. Мајсл Бриџис беше најефикасен кај Хорнетс со 26 поени.

Атланта оствари победа во Чикаго од 113-101, а Богдан Богдановиќ имаше 20 поени. Српскиот кошаркар имаше жестока расправија со тренерот Квин Снајдер при еден тајм-аут, но по натпреварот и двајцата потврдија дека не било ништо сериозно и дека кавгата била чисто кошаркарска, а не лична.

НА ОСТАНАТИТЕ НАТПРЕВАРИ
Детроит – Мемфис 108-110
Индијана – Бруклин 133-111
Орландо – Портланд 104-103

The post Букер трет пат по ред постигнува 50+ поени против Њу Орлеанс (ВИДЕО) appeared first on telma.com.mk.

Во НБА-лигата утринава се одиграа неколку интересни пресметки. Ѕвезда на вечерта беше Џејлен Брансон од Њујорк. Денвер на домашен терен загуби од Минесота во дербито на Западната конференција, а Лука Дончиќ уште еднаш му покажа на Владе Дивац колку многу погреши што не го драфтуваше за Сакраменто пред шест години.

Џејлен Брансон постигна 61 поен за Њујорк, но неговиот тим загуби на гостувањето кај Сан Антонио со 130-126 по едно продолжение. Кај Спарс, Виктор Вембањама стигна до рекордни 40 поени, 20 скока и седум асистенции во неговата деби сезона во НБА.

Во дербито на Западот, Денвер пред своите гледачи загуби од Минесота со 98-111. Ентони Едвардс имаше 25 поени, а Мајк Конли 23 за Тимбервулфс. Кај шампионот, кој беше без Џамал Мареј, најефикасен беше Никола Јокиќ со 32 поени и 10 скока. Со овој пораз Нагетс паднаа на третото место на табелата, додека Минесота сега го дели врвот во Западната конференција со Оклахома, која славеше со 128-103 против Феникс.

Лука Дончиќ постигна 26 поени, имаше 12 асистенции и девет скока во победата на Далас, кај Сакраменто од 107-103. Пред самиот финиш на натпреварот кога Словенецот погоди две слободни фрлања му испрати поздрав на поранешниот прв оперативец на Кинс, Владе Дивац, кој седеше во првиот ред. Дивац пред шест години имаше шанса да го драфтува Дончиќ, но се одлучи за Марвин Бејгли.

На останатите натпревари, Индијана со 109-90 славеше против Лос Анџелес лејкерс, Голден Стејт дојде до триумф од 115-97 кај Шарлот, Клиперс беа подобри од Орландо, а победи остварија и Детроит, Бруклин, Кливленд, Мајами и Хјустон, кој го запиша 11-тиот триумф во низа.

The post Брансон постигна 61 поен за Никс, Минесота го симна Денвер од врвот на Западот (ВИДЕО) appeared first on telma.com.mk.

МЗТ Скопје загуби од Широки Брег со 82-79 во последното коло од регуларниот дел од сезоната во АБА 2 и пропушти голема шанса да обезбеди барем бараж за пласман во елитното регионално натпреварување.

Со вечерашниот пораз во Широки, македонскиот првак не успеа да го освои 4.место на табелата, кое му припадна на вечерашниот риавал и нема да биде најдобро рангираниот тим во лигата, што не доаѓа од Србија. Поради ограничувањето на бројот на српски тимови во АБА-лигата, МЗТ можеби ќе имаше шанса да игра бараж со најслабиот тим од елитата. Во овој случај, скопскиот тим ќе мора да биде шампион на АБА 2 за да обезбеди пласман ранг погоре.

Вечерва во салата „Пецара“, МЗТ беше надигран три четвртини. Широки постојано водеше, а најголемата предност ја имаше во третиот период со 24 разлика. Нашиот тим се разбуди доцна во последниот период. Беше на пат да направи сензационален пресврт па дури имаше и напад за изедначвање, но Харис Делалиќ не погоди. Натпреварот заврши со 82-79 за ривалот од Босна и Херцеговина.

Марко Баковиќ со 16 поени беше најефикасен кај МЗТ, Делалиќ имаше 12, а Војдан Стојановски 10 поени. Кај Широки најмногу се истакна Мартин Јунаковиќ со 17 поени.

МЗТ го освои 5.место на табелата и во плејофот и ќе се соочи токму со вечерашниот ривал. Првиот натпревар од четвртфиналето е на 10 април во Скопје во „Јане Сандански“ додека реваншот е за седум дена во Широки Брег.

The post МЗТ го испушти баражот: Ќе има шанса да му се реваншира на Широки во плејофот appeared first on telma.com.mk.