The post Историски успех на македонското карате на Светското универзитетско првенство во Бразилија appeared first on telma.com.mk.

Блескаво издание на Лионел Меси во натпреварот со кој утринава Аргентина победнички ја започна одбраната на светската шампионска титула. Неговиот хет-трик против Алжир со триумфот со 3:1 е совршен начин за елиминирање на сомнежите и скептицизмот дека Меси е веќе возрасен и го нема препознатливото издание на теренот.

The post Хет-трик на Меси против Алжир за победнички вовед на Аргентина во одбрана на мундијалската титула appeared first on telma.com.mk.

Франција со победа ја почна мисијата на Светското фудбалско првенство 2026 година, откако славеше со 3-1 против Сенегал. Капитенот Килијан Мбапе беше херој на „триколорите“ со два погодоци и испишан нов рекорд во дресот на националниот тим.

Сенегал во првото полувреме беше поконкретен и имаше две добри можности за водство. Николас Џексон ја погоди стативата, а Исмаила Сар не реализираше од изгледна позиција.

Франција се разбуди во вториот дел и поведе во 66-тата минута, кога Мбапе ја затресе мрежата по одличната асистенција на Мајкл Олисе. Бредли Баркола, кој влезе од клупата, во 82-та минута зголеми на 2-0 по додавање на Адриен Рабио.

Сенегал внесе неизвесност во финишот со голот на Ибрахим Мбаје во 95-тата минута, но надежта траеше кратко. Веднаш по тргнувањето од центарот, Мбапе со фантастичен удар од околу 30 метри ги постави конечните 3-1.

Со двата погодоци, напаѓачот на Реал Мадрид стигна до 58 гола за Франција и стана најдобар стрелец во историјата на репрезентацијата.

The post Мбапе со рекорд ја одведе Франција до стартна победа на Мундијалот appeared first on telma.com.mk.

Серена и Венус Вилијамс ќе играат заедно во двојки на овогодинешното издание на Вимблдон, откако организаторите им доделија вајлд-карта за настап на грен слем турнирот во Лондон.

Ова ќе биде враќање на Серена на Вимблдон по четири години пауза. Таа неодамна повторно се појави на терените и настапи во двојки на турнирот во Квинс, а оваа недела игра и во Берлин со Каролина Мухова како дел од подготовките за најпрестижниот тениски турнир.

Сестрите Вилијамс се едни од најуспешните дубл-партнерки во историјата на тенисот. Заедно имаат освоено 14 грен слем титули во двојки, од кои шест на Вимблдон. Последниот трофеј во Лондон го освоија во 2016 година.

Серена има 23 грен слем титули во сингл, меѓу кои седум на Вимблдон, додека Венус петпати беше шампионка на лондонската трева во поединечна конкуренција.

Засега ниту една од двете не доби вајлд-карта за настап во сингл. Главниот турнир на Вимблдон почнува на 29 јуни.

The post Серена и Венус Вилијамс добија вајлд-карта за Вимблдон appeared first on telma.com.mk.

Селекторот на Англија, Томас Тухел, мораше да направи промена во составот непосредно пред стартот на Светското првенство поради повредата на бекот Тино Ливраменто.

Фудбалерот на Њукасл заработил повреда за време на тренинг во неделата, а по дополнителните лекарски прегледи било утврдено дека нема да може да настапи на Мундијалот. Ливраменто и претходно беше неизвесен, бидејќи поради повреда отсуствуваше пет недели и го пропушти финишот од сезоната во Премиерлигата.

Неговото место во репрезентацијата ќе го заземе Трево Чалоба од Челси. Тухел одлучи да повика стопер наместо класичен бек, што предизвика изненадување во англиската јавност.

Чалоба нема да биде во составот за утрешниот дуел со Хрватска во Далас, бидејќи ќе му се приклучи на англискиот камп во Канзас Сити по првиот натпревар од групата Л.

The post Проблем за Тухел пред стартот на Мундијалот: Ливраменто отпадна од составот на Англија appeared first on telma.com.mk.

Анадолу Ефес официјално го потврди враќањето на Дарио Шариќ, кој потпиша договор на две години со можност соработката да биде продолжена за уште една сезона.

Хрватскиот кошаркар се враќа во турскиот гигант по една деценија мината во НБА-лигата. Шариќ претходно го носеше дресот на Ефес во сезоните 2014/15 и 2015/16, пред да замине во најсилната кошаркарска лига во светот.

Триесет и двегодишниот крилен центар беше избран како 12-ти пик на НБА-драфтот во 2014 година. Во НБА настапуваше за Филаделфија, Минесота, Феникс, Оклахома, Голден Стејт, Денвер, Сакраменто и Детроит.

Шариќ во Евролигата досега има одиграно 55 натпревари, со просек од 10,1 поен, 6 скока и 1,8 асистенции. Со неговото враќање, Ефес добива големо засилување под кошевите и важен играч во ротацијата на тренерот Пабло Ласо.

Хрватот е и стандарден репрезентативец на својата земја, со која настапуваше на европски и светски првенства, како и на Олимписките игри во Рио де Жанеиро во 2016 година.

The post Дарио Шариќ се врати во Анадолу Ефес по една деценија во НБА appeared first on telma.com.mk.

Рубен Аморим и официјално е нов тренер на Милан, потврди денеска италијанскиот гигант. Португалецот потпиша двегодишен договор со можност истиот да биде продолжен на уште една сезона. Го наследува Масимилијано Алегри на клупата, кој минатата сезона финишираше на 5.место во Серија А и веднаш доби отказ како и тројца челници на тимот.

Аморим доаѓа на „Сан Сиро“ по кратката и турбулентна авантура во Манчестер јунајтед, каде не успеа да ги исполни големите очекувања. Аморим го презеде англискиот клуб во ноември 2024 година како наследник на Ерик тен Хаг, но неговиот мандат заврши по 14 месеци поради слабите резултати и нестабилните настапи на тимот.

Под негово водство, Манчестер јунајтед во сезоната 2024/25 играше финале во Лигата на Европа, но во Премиерлигата имаше разочарувачка кампања и остана без пласман во европските купови. Аморим беше разрешен во јануари годинава, а сега добива нов голем предизвик во Серија А.

Милан во официјалното соопштение го претстави Аморим како млад, амбициозен и модерен тренер со јасен тактички идентитет. Од клубот истакнаа дека долго време ја следеле неговата работа, особено успешниот период во Спортинг Лисабон.

Токму во Спортинг, Аморим го изгради своето тренерско име. Со португалскиот клуб освои две шампионски титули, два Лига купа и еден Суперкуп, а беше познат по офанзивниот стил на игра, високиот пресинг и развојот на млади фудбалери.

Аморим сега ќе има задача да го врати Милан во борбата за врвот во Италија и да го стабилизира тимот по променливата сезона.

The post Официјално: Рубен Аморим е нов тренер на Милан appeared first on telma.com.mk.

Македонските фудбалски клубови ги добија своите ривали во европските купови. Во ждрепката во Нион најдобро помина Шкендија, што беше и очекувано, бидејќи тетовци имаа статус на носители.

Македонскиот шампион Вардар за противник во првото квалификациско коло од Лигата на шампионите го доби финскиот тим КуПС. Првиот натпревар „црвено-црните“ ќе го играат во Скопје на 7 или 8 јули, додека реваншот ќе биде во Финска седум дена подоцна.

За Вардар ова е камбек на елитната европска сцена по девет години пауза. Во сезоната 2017/18 скопскиот клуб стигна до третото квалификациско коло во Лигата на шампионите, каде беше елиминиран од Копенхаген. Сепак, истата сезона Вардар го направи најголемиот успех во својата историја, откако го елиминираше Фенербахче и се пласираше во групната фаза од Лигата на Европа.

Во Конференциската лига, Силекс за противник го доби белорускиот тим Динамо Минск. Шкендија, која минатата сезона стигна до лигашката фаза во ова натпреварување, ќе игра против Европа од Гибралтар.

Двата македонски претставника во Конференциската лига ќе гостуваат во првите натпревари, кои се закажани за 9 јули, додека реваншите ќе се играат една недела подоцна.

The post Вардар, Силекс и Шкендија ги дознаа ривалите во европските купови appeared first on telma.com.mk.

The post Роберто Мартинез си заминува од клупата на Португалија по Светското првенство appeared first on telma.com.mk.

Претседателот на ФИФА, Џани Инфантино, влегол во соблекувалната на Иран по натпреварот против Нов Зеланд на Светското фудбалско првенство и им се обратил на фудбалерите по ремито 2-2 во Лос Анџелес.

Иранците имаа сериозни забелешки за организацијата и третманот на репрезентацијата за време на Мундијалот. Селекторот Амир Галеноеи изјави дека неговиот тим бил принуден веднаш по натпреварот да ја напушти територијата на САД и да се врати во својата база во Тихуана, Мексико, без можност за соодветно закрепнување по натпреварот.

Капитенот Мехди Тареми истакна дека ситуацијата е тешка за репрезентацијата и побара поголема поддршка од ФИФА. Инфантино, кој беше присутен на натпреварот, им порача на иранските фудбалери дека се посилни од сите проблеми и дека треба да продолжат да играат со срце за својата земја, семејствата и навивачите.

The post Инфантино влезе во соблекувалната на Иран и им даде поддршка на фудбалерите appeared first on telma.com.mk.