Поради зголемениот ризик од шумски пожари, Националниот парк Маврово од денеска воведува целосна забрана за непријавено движење во шумите, а мерката ќе важи до крајот на август. Посетителите ќе можат да се движат само со претходно одобрение и пријавени активности, со задолжителна туристичка такса од 100 денари по лице на ден. Но, се поставува прашањето – зошто ваква мерка засега воведе само НП Маврово и дали Владата треба да ја прошири забраната и во останатите национални паркови и заштитени подрачја?

Дали Владата треба да воведе забрана за движење во шумите со цел спречување на шумски пожари?

The post Црвена линија с.6. e.169 денеска во 16:15 (01 јули ’26) appeared first on telma.com.mk.

Во тек е меѓународна потрага по осомничен бомбаш кој ја поставил пакет-бомбата што експлодираше во станбена зграда во Монако, при што беа повредени богатиот украински бизнисмен Вадим Јермолаев, неговата сопруга и дете.

На снимките од видео надзорот пред нападот се гледа маж како остава ранец во лобито на зградата кратко пред експлозијата, објави францускиот весник „Фигаро“. Владата на Монако соопшти дека осомничениот е снимен од видео камери како бега пеш кон француската општина Босолеј по експлозијата, каде што сега се одвива голема полициска акција за негово пронаоѓање.

Јермолаев и неговата сопруга се пренесени  во болница со сериозни повреди, додека нивното дете исто така е рането, соопштија француските власти. Жената е сè уште во животно загрозувачка состојба, мажот повеќе не е во критична состојба и повредите на детето не се сметаат за животно загрозувачки.

Инцидентот се третира како обид за убиство, а не како терористички напад.

The post Потера по осомничениот бомбаш во Монако, камерите го снимиле како бега кон Франција appeared first on telma.com.mk.

Јорданските спасувачи во Венецуела извлекоа дете од урнатините шест дена по катастрофалните земјотреси од минатата недела.

„Јорданските спасувачи го извлекоа Клибер Моран од урнатините под станбена зградата во Лос Коралес“, објави привремената претседателка на Венецуела, Делси Родригез, во порака на Телеграм. Јорданската цивилна одбрана соопшти дека на Клибер му е укажана прва помош, е однесен во болница и дека неговите витални знаци се добри. Тој e пренесен на лекување во главниот град Каракас.

Венецуела беше погодена од два земјотреси со јачина од 7,2 и 7,5 степени според Рихтеровата скала што предизвика уривање на згради и заробување на илјадници луѓе под урнатините.

„Мора да се надеваме дека ќе продолжиме да наоѓаме живи луѓе под урнатините“, рече  претседателот на Собранието Хорхе Родригез во телевизиско обраќање.

Вкупниот број на загинати во земјотресите сега изнесува 1.943 додека бројот на повредени се искачи на 10.571.

¡Un verdadero milagro en La Guaira!

Tras 6 días bajo los escombros del edificio Los Corales Garden 1, el pequeño Klieber Morán (3 años) ha sido rescatado con vida.

​Gracias a la misión de rescatistas de Jordania por este acto heroico

¡La esperanza sigue intacta! pic.twitter.com/oqXK6clSRK

— Cuatro F Web (@CuatroFWeb) June 30, 2026

The post Тригодишно дете e извлечено живо од под урнатините шест дена по земјотресите во Венецуела appeared first on telma.com.mk.

Сашо Клековски се сели од Фондот за здравство во Министерството за здравство на местото на Азир Алиу. Фатмир Лимани заминува од социјала, демографија и млади, а на негово место седнува досегашниот заменик Ѓоко Велковски од ВМРО-ДПМНЕ.

Зоран Љутков од ВМРО-ДПМНЕ ја напушта министерската функција во култура и туризам, а не неговото столче ќе седне досегашниот заменик Седат Сулејмани од Вреди. Агон Ферати од Вреди доаѓа на местото на Иван Стоиљковиќ од Демократската партија на Србите на местото вицепремиер и министер за политички систем и односи меѓу заедниците. Стоиљковиќ е предложен за министер за локална самоуправа.

Вреди го добива и Министерството за правда, каде Јетон Шасивари ќе седне на местото на Игор Филков од ЗНАМ.

Партијата на Максим Димитриевски во замена го добива Министерството за земјоделство, каде на местото на Цветан Трипуновски ќе седне досегашниот државен секретар Борче Серафимовски, кој е и потпретседател на ЗНАМ.

Премиерот и претседател на ВМРО-ДПМНЕ Христијан Мицкоски, по вечерашниот состанок на Извршниот комитет на партијата, го соопшти идниот состав на владата.

• „Оваа реконструкција на Владата означува почеток на нова фаза по изминати две години од работата на оваа Влада, исполнети со сериозни предизвици, поставување на темели, стабилизација на состојбите и реализација на крупни проекти. Сега следува период во кој фокусот уште повеќе ќе биде ставен на ефикасноста, динамиката и испораката на резултати за граѓаните, нова енергија за ново забрзување“, изјави Мицкоски.

Од останатите промени, се укинува вицепремиерската позиција за добро владеење, каде што беше Арбен Фетаи кој по неколкумесечно недоаѓање на работа поднесе оставка. За добро владеење ќе биде задолжен секретар од кабинетот на премиерот.

Ерџан Демир од ВМРО-ДПМНЕ доаѓа на местото министер без ресор задолжен за интеграција на Ромите на местото на Шабан Салиу од Демократски сили на Ромите.

Најавено е и проширување на владиното мнозинство со Демократската партија на Турците, која има еден пратеник. Тие во иднина ќе добијат министер без ресор. Со тоа владата ќе остане со ист број на членови.

Досегашниот министер за локална самоуправа Златко Перински заминува на директорското место во Фондот за здравство.

Портпаролката на Владата Марија Митева ќе биде нова претседателка на Унијата на жени на партијата.

Претседателот на ЗНАМ Максим Димитриевски по денешната седница на Извршниот одбор на партијата изјави дека е задоволен од работата на нивните реформи и му се заблагодари на досегашниот министер за правда Игор Филков за сработеното. Тој најави дека во септември ќе добијат и заменик министер во едно од највлијателните министерства, но не кажа кое.

• „Одлуките коишто денеска ги донесовме не претставуваат обична кадровска реконструкција. Тие се резултат на политичко созревање, на стекнато искуство и на довербата што ја изградивме преку работа. ЗНАМ денеска има поголема институционална одговорност од пред две години, но со секоја нова одговорност расте и нашата обврска кон државата и кон граѓаните. Ние немаме намера да ја мериме нашата успешност според бројот на функциите што ги извршуваме. Нашето мерило ќе остане исто како и досега, водено од тоа колку институциите се поефикасни, колку реформите се подлабоки и колку граѓаните чувствуваат подобар и квалитетен живот“, изјави Димитриевски.

Останатите министри остануваат исти. Опозицијата со критики.

Лидерот на СДСМ, Венко Филипче оцени дека реконструкцијата е продолжување на политиките што овозможуваат богатење на поединци, без конкретни придобивки за граѓаните и без суштински промени. Од ДУИ, пак, порачаа дека „Вреди е големо ништо во Владата“.

Срѓан Стојанчов

The post Клековски во здравство, Велковски во социјала, Стоиљковиќ е предложен за министер за локална самоуправа, а Седат Сулејмани од Вреди оди во култура appeared first on telma.com.mk.

Кој и зошто ги заборави експертските предлози за измени на Изборниот законик?
Зошто препораките на ОБСЕ – ОДИХР се читаат исклучиво низ партиска диоптрија, а не како демократска алатка?

Во Топ Тема вечерва интервју со поранешниот претседател на ДИК, Александар Новаковски.

Топ Тема со Боби Христов на Телма

The post Топ Тема интервју со поранешниот претседател на ДИК Александар Новаковски appeared first on telma.com.mk.

Во интервјуто за „Топ Тема“, поранешниот претседател на ДИК, Александар Новаковски, откри детали за работата на работната група за измени на Изборниот законик од 2023 година и изрази сериозна загриженост за најавите за воведување електронско гласање.

Новаковски објасни дека работната група формирана во летото 2023 година, под водство на тогашниот министер Лога, ја завршила својата задача брзо и ефикасно, но проблемите настанале кога резултатите требало да се имплементираат.

• „Се бараше да ја завршиме работата што е можно побрзо, се заврши, и тогаш ги видов првите опструкции… Кога привршувавме со работата, претставниците на политичките партии, кога видоа дека не се отвара прашањето за моделот и за отворените листи (бидејќи немавме мандат за тоа), почнаа опструкциите“, откри Новаковски.

Тој додаде дека иако ВМРО-ДПМНЕ официјално не учествувала, нивни експерти индиректно биле вклучени преку ДИК, но на крајот целиот труд на институциите бил игнориран.

Новаковски упати критика и до новиот состав на Министерството за правда, кој според него, се однесува како претходната работна група да не постоела, иако во неа учествувале претставници на сите релевантни институции, вклучувајќи го и Државниот завод за ревизија.

• „Доаѓа нова власт и сите тие институции се фрлени во вода, трудот што го дадоа доброволно и во текот на летниот период… Сега има некое препишување на делови од работата на групата, но се бега од суштината“, истакна тој, согласувајќи се со констатацијата дека контролата на изборните пари во моментов е како „швајцарско сирење“.

Една од најконтроверзните теми во изборните реформи е воведувањето на електронско гласање преку интернет, за што Новаковски смета дека државата не е подготвена.

Тој потсети на искуствата на многу поразвиени демократии.

• „Една Германија се откажа и од машините бидејќи на изборите во 2005 година имаше илјада приговори. За нив тоа е шок и ги фрлија машините. Сега ние одиме на класично електронско гласање по интернет. Јас прашувам: кој работел од стручни лица за таа област за да ја скрои правната рамка?“, прашува Новаковски.

Според него, моменталната правна рамка е премногу површна и претставува само „фрлање на топката“ кон ДИК, институција која веќе се соочува со проблеми при пребројувањето на гласовите.

• „Таа скроена правна рамка вели: ‘по зборовите тие и тие, се додаваат зборовите електронско гласање, точка’. Тоа е целата идеја и се фрла топката на ДИК, истиот тој ДИК кој не може резултати да пресмета навреме“, заклучи поранешниот претседател на Комисијата.

The post (видео)Новаковски за електронско гласање: Државата не е подготвена, една Германија ги фрли машините appeared first on telma.com.mk.

Христијан Мицкоски се претвори во обвинител и судија. Денеска, по кој знае кој пат, повторно преку медиумите испраќа закани до политичките противници. Вакво нешто го нема ниту во Северна Кореја, реагираат од СДСМ.

• Од собраниска говорница, преку медиуми и јавни настапи, тој најавува апсења на „поранешни функционери“ и им наредува на институциите што треба да се случува. Ова не е владеење на правото. Ова е политички прогон. Мицкоски нема ниту еден позитивен резултат по две години на власт, вели опозицијата.

Потсетуваат дека економијата е во колапс, инвестициите се намалени за 60%, младите заминуваат, а европскиот пат е блокиран.  Наместо да одговара за сопствените неуспеси, тој ги злоупотребува институциите како политичко оружје против опозицијата. Кога нема што да покаже, тогаш се бркаат „поранешни“, пишуваат меѓу другото во соопштение до јавноста од СДСМ.

Мицкоски во „Директно“: Поранешни функционери наскоро пред лицето на правдата, опозицијата клевети без докази

The post СДСМ: Мицкоски се претвори во обвинител и судија- кога нема резултати, се бркаат политички противници appeared first on telma.com.mk.

Поранешниот претседател на Државната изборна комисија, Александар Новаковски, во гостувањето во „Топ Тема“ упати сериозни критики кон начинот на кој се менаџираат измените во изборното законодавство во Македонија.

Според него, државата веќе подолг период се „поигрува“ со Изборниот законик, додека клучните препораки на меѓународните организации остануваат само на хартија.

Новаковски посочи дека многу од препораките на ОБСЕ/ОДИХР се провлекуваат низ изборните процеси уште од 2008 година, без да бидат суштински решени.

• „Тие препораки се уште опфатени со изборите од 2008 до сега во сите изборни процеси. Со секој изборен циклус тие се потврдуваат или се дополнуваат и се формулирани во еден документ како збирка на препораки“, изјави Новаковски.

Тој потенцираше дека иако имало најави за нов Изборен законик по парламентарните избори во 2024 година, тоа не се случило, што е јасен сигнал дека препораките не се почитуваат.

Еден од главните проблеми, според поранешниот прв човек на ДИК, е затвореноста на процесот на преговори меѓу политичките партии, кој често се одвива под покровителство на Министерството за правда, но без доволно информации за јавноста.

„Никој не е во тек со преговорите, сите завршуваат со административни соопштенија од Министерството за правда, кое беше домаќин на тие разговори, и сега ги дознаваме деталите кога партиите почнуваат да се расправаат“, истакна тој.

Новаковски објасни дека постои јасна разлика меѓу она што се технички препораки на ОБСЕ/ОДИХР и она што се политички одлуки кои треба да ги донесат партиите, како што е промената на  изборниот модел.

• „Овој Изборен законик треба да се фрли и да се направи целосно нов. ОБСЕ/ОДИХР никогаш не навлегуваат во горливи политички прашања и политички одлуки како што е промена на изборен модел – отворени или затворени листи, една изборна единица, цензусите… Тоа се политички одлуки како државата ќе го креира својот амбиент“, заклучи Новаковски.

Тој откри и дека како претседател на работната група во летото 2023 година, се соочувал со непријатни средби со меѓународни претставници кои оправдано прашувале зошто ниту основните препораки не се донесуваат со години.

The post Новаковски во „Топ Тема“: Со Изборниот законик се поигруваме со години, а препораките на ОБСЕ/ОДИХР стојат од 2008 appeared first on telma.com.mk.

Врховниот командант на Сојузничките сили на НАТО за Европа (SACEUR), генералот Алексус Г. Гринкевич (Alexus G. Grynkewich), денеска во Министерството за одбрана и Генералштабот на Армијата оствари средба со министерот за одбрана, Владо Мисајловски и началникот на Генералштабот на Армијата, генерал-мајор Сашко Лафчиски.

На средбата со генералот Гринкевич, министерот Мисајловски изрази задоволство од одличната соработка со Сојузничката команда за операции укажувајќи на тоа дека припадниците на македонската Армија ќе продолжат да даваат и личен придонес кон безбедноста на источното крило на Алијансата како дел од мултинационалните сили на НАТО во Латвија, Бугарија и Романија. На средбата министерот се осврна и на инвестициите во одбраната, како и развојот на Армијата.

• „Ги зацврстуваме капацитетите на Армијата, а со тоа и на колективната безбедност на Алијансата. Инвестираме во процесот на модернизација и опремување, кој паралелно со нашиот влог во развојот на припадниците на Армијата ни овозможи Лесната пешадиска баталјонска група неодамна да ја добие и оценката ‘борбено способни за извршување на мисијата’ согласно највисоките стандарди на НАТО“, рече министерот на средбата и додаде дека земјава останува да биде кредибилен и доверлив сојузник во Алијансата.

На средбата со генералот Лафчиски се разговараше за актуелната безбедносна состојба во зоната на операции на Алијансата, за процесот на опремување и модернизација на Армијата, како и за актуелните придонеси со сили и средства во поддршката на Регионалните планови за одбрана на Алијансата, чиј важен дел е и нашата држава. При тоа беше потврдено дека македонската територија како географска раскрсница на повеќе транспортни коридори, има клучна улога во остварувањето на мобилноста, брзиот и кредибилен одговор, отпорноста и стратешката длабочина на Алијансата.

Во рамки на посетата на нашата држава генералот Гринкевич оствари средба и со претседателот на Владата, Христијан Мицкоски, а ќе се сретне и со претседателката и врховен командант на Вооружените сили, Гордана Сиљановска-Давкова.

Посетата на генералот Гринкевич на Армијата ќе продолжи и во текот на утрешниот ден, кога заедно со началникот на Генералштабот, генерал-мајор Сашко Лафчиски, ќе ги посети припадниците на Армијата во касарната „Илинден“ во Скопје, каде ќе бидат презентирани дел од способностите, обученоста и подготвеноста на армиските единици.

Врховниот командант на Сојузничките сили на НАТО за Европа ја има севкупната команда над сите операции на НАТО на стратегиско ниво. Своите должности генералот Гринкевич ги извршува од седиштето на Врховната команда на сојузничките сили во Европа (SHAPE) во Монс, Кралството Белгија. Генералот Гринкевич, воедно ја извршува и должноста командант на Европската команда на САД, чие седиште се наоѓа во Штутгарт, СР Германија.

Посетата на генералот Гринкевич претставува признание за значајниот придонес на нашата земја во колективната одбрана на Алијансата, како и потврда за довербата во способностите и подготвеноста на Армијата да придонесува кон регионалната и колективната безбедност.

The post Врховниот командант на Сојузничките сили на НАТО за Европа, генералот Гринкевич оствари средба со министерот Мисајловски и генерал-мајор Лафчиски appeared first on telma.com.mk.

Премиерот Христијан Мицкоски, во гостувањето во емисијата „Директно“, упати остри критики до опозициските партии Левица и СДСМ за, како што рече, опструкција на веќе договорените измени во Изборниот законик. Тој нагласи дека владата постигнала консензус кој вклучувал сите препораки на ОБСЕ/ОДИХР, но дека политичките калкулации го закочиле процесот.

Мицкоски појасни дека во текот на изминатиот викенд бил постигнат целосен консензус за реформите во изборното законодавство. Според него, сите барања на политичките партии, вклучително и специфичните барања на Левица за финансирање на кампањите, биле инкорпорирани во текстот.

• „Она што ја прели чашата беше обидот на Левица по милионити пат да калкулира. СДСМ го следеше нивниот пример и преку филибастеринг и опструкции се обидоа да го блокираат законот за кој претходно се договоривме. Постојат записници и автентични документи од тие преговори каде нивните барања се прифатени,“ изјави Мицкоски, нарекувајќи го ваквото однесување „неетичко и нецивилизирано“.

На обвинувањата од СДСМ дека се подготвува „изборен грабеж“, премиерот одговори со подготвеност за прифаќање на нивните амандмани доколку тие навистина се проблематични. Станува збор за начинот на заокружување на гласачкото ливче (име наспроти бројка) и пост-изборните жалбени постапки.

• „Ако тоа е проблемот, нека поднесат амандмани и веднаш ќе ги прифатиме. Тоа не се наши барања, туку беа дел од поширокиот дијалог. Нема да дозволиме лажни обвинувања да го дефокусираат процесот,“ потенцираше Мицкоски.

Премиерот јасно ја подвлече „црвената линија“ на неговата партија: воведување на електронско гласање за македонската дијаспора, почнувајќи од следните претседателски избори.

• „Нашето единствено барање е да се овозможи дијаспората да гласа електронски. Тоа е важно поради цензусот кај претседателските избори, но и поради високите трошоци за испраќање изборни комисии низ светот. Во ера на вештачка интелигенција и дигитализација, недозволиво е да не им го олесниме правото на глас на нашите граѓани во странство кои придонесуваат за државата,“ истакна тој.

Мицкоски ја заврши својата изјава со повик за поголема политичка култура и одговорност. Според него, недозволиво е партиите да учествуваат во преговори, да се согласуваат со решенија, а потоа јавно да се оградуваат од нив.

• „Мораме да се научиме на политичка култура. Ако сте постигнале договор, морате да го браните. Ова е прашање за иднината на државата, а не за нечија лична политичка кариера,“ заклучи премиерот Мицкоски.

The post Мицкоски: Изборниот законик е заложник на политички калкулации, електронското гласање за дијаспората е нашата „црвена линија“ appeared first on telma.com.mk.