Норвешка се пласираше во четвртфиналето на Светското првенство 2026 година откако во Њу Џерси го совлада Бразил со 2-0.

Херој на скандинавците беше Ерлинг Халанд, кој ги постигна двата гола. Првиот го реализираше со глава во 79-тата минута, а точка на натпреварот стави со одличен удар од далечина во финишот.

Кариоките имаа голема шанса да поведат во првото полувреме, но Бруно Гимараеш не реализираше пенал, односно голманот на Норвешка, Ниланд, успеа да одбрани. Ендрик можеше да го отвори резултатот веднаш по влегувањето во игра, но младиот напаѓач, иако излезе сам пред голот, биеше крај десната статива.

Норвешка во четвртфиналето ќе го чека победникот од дуелот меѓу Мексико и Англија.

The post Халанд го испрати Бразил дома, Норвешка продолжува меѓу најдобрите осум appeared first on telma.com.mk.

Масимилијано Алегри и официјално е нов тренер на Наполи. Италијанскиот стратег потпиша договор со клубот од Неапол до 30 јуни 2029 година и ќе го наследи Антонио Конте на клупата.

Алегри доаѓа во Наполи по неуспешната сезона на клупата на Милан. „Росонерите“ завршија на петтото место во Серија А и втора сезона по ред останаа без пласман во Лигата на шампионите, по што клубот од Милано реши да направи големи промени.

Педесет и осумгодишниот тренер е еден од најтрофејните италијански стратези. Во кариерата има шест титули во Серија А, како и четири домашни двојни круни, освоени за време на успешните периоди во Јувентус и Милан.

Во Наполи, Алегри ќе има задача да го врати тимот во борба за трофеи, откако Конте си замина и покрај тоа што минатата сезона го одведе тимот до второто место во Серија А, зад шампионот Интер.

The post Масимилијано Алегри е нов тренер на Наполи appeared first on telma.com.mk.

Џулијан Нагелсман повеќе не е селектор на германската фудбалска репрезентација. Фудбалската федерација на Германија официјално ја потврди разделбата по елиминацијата од Парагвај во првата нокаут-рунда на Светското првенство 2026 година.

Нагелсман првично најави дека не сака да се откаже од селекторската позиција, но работите се променија по разговорите со челниците на ДФБ. Германскиот стратег реши да се повлече, оценувајќи дека по големото разочарување на Мундијалот на репрезентацијата ѝ е потребен нов почеток.

Германија не блескаше на турнирот во САД, Мексико и Канада, а настапот го заврши со шокантен пораз од Парагвај. Натпреварот заврши 1-1 по регуларните 90 минути и продолженијата, а јужноамериканската селекција славеше со 4-3 во пенал-серијата.

Нагелсман ја водеше Германија од септември 2023 година, шест месеци откако беше отпуштен од Баерн Минхен. На Европското првенство 2024 година, што се играше токму во Германија, неговиот тим беше елиминиран во четвртфиналето од подоцнежниот европски шампион Шпанија.

Од ДФБ му се заблагодарија на Нагелсман за посветеноста, амбицијата и професионалноста, а веќе почнаа разговори за негов наследник. Главен кандидат за селекторската функција е Јирген Клоп, поранешниот тренер на Борусија Дортмунд и Ливерпул.

Клоп моментално е дел од спортското семејство на Ред Бул како шеф на глобалниот фудбалски проект, но според германските и британските медиуми во неговиот договор има посебна клаузула што би му овозможила да замине доколку добие понуда да ја преземе германската репрезентација.

The post Германија пресече: Нагелсман заминува, Клоп чека повик appeared first on telma.com.mk.

Хрватска беше на чекор до драматично израмнување против Португалија во финишот од натпреварот на Светското првенство, но голот на Јошко Гвардиол во 103-тата минута беше поништен по интервенција на ВАР и предизвика големи реакции.

Гвардиол ја смести топката во мрежата за 2-2 и хрватските фудбалери веќе почнаа со славје, но норвешкиот судија Еспен Ескас беше повикан да ја прегледа снимката. Спорниот момент беше дали Игор Матановиќ ја допрел топката пред таа да стигне до Марио Пашалиќ, кој потоа асистираше за погодокот, а се наоѓаше во офсајд-позиција.

GOL PENYAMA KEDUDUKAN KROASIA DI MENIT AKHIR DIANULIR VAR!

Satu sentuhan, satu keputusan, dan mimpi Kroasia berakhir.

Menurut kalian, keputusan ini 100% benar atau masih layak diperdebatkan? pic.twitter.com/btR4TDZw3v

— Badidoyo (@badidoyo) July 3, 2026

This is the “header” that robbed Croatia of a last minute equaliser against Portugal #PORCRO

He was deemed to have made contact with the ball and therefore the goal was offside.

VAR is the most soul sapping invention ever. Spontaneous joy doesn’t exist anymore in Football. pic.twitter.com/A5STNN6u81

— Neil Hughes (@BlobWarriorUK) July 3, 2026

Одлуката беше донесена со помош на технологијата вградена во официјалната топка „Трионда“. ФИФА по натпреварот објави соопштение во кое наведе дека податоците од сензорите во топката докажале контакт на Матановиќ во почетокот на акцијата, што му овозможило на судијата правилно да досуди офсајд и да го поништи голот.

Според ФИФА, ИМУ-сензорите во топката можат да регистрираат и најмал допир, а сигналот на телевизискиот пренос беше прикажан преку таканаречена „heartbeat“ графика. Токму тој податок беше клучен за одлуката дека Пашалиќ бил во офсајд во моментот кога топката последен пат ја допрел негов соиграч.

Хрватските фудбалери и навивачи бурно реагираа на одлуката, а натпреварот беше накратко прекинат поради фрлање предмети на теренот. Селекторот Златко Далиќ по мечот изрази незадоволство од употребата на ВАР и порача дека ваквите ситуации ги „убиваат емоциите“ во фудбалот.

Португалија на крајот славеше со 2-1 и обезбеди пласман во следната рунда, додека Хрватска на драматичен и контроверзен начин го заврши настапот на Мундијалот.

The post „Пулсот“ на топката ја исфрли Хрватска од Мундијалот (ВИДЕО) appeared first on telma.com.mk.

Шпанија и Португалија ќе играат меѓу себе во осминафиналето на Светското првенство 2026 година, откако синоќа успешно ја минаа првата нокаут-рунда. Пласман во следната фаза обезбеди и Швајцарија, која без поголеми проблеми го елиминираше Алжир.

Шпанија одигра доминантен натпревар против Австрија и славеше со убедливи 3-0. Микел Ојарзабал беше двоен стрелец, а во листата на стрелците се запиша и Педро Поро. „Црвената фурија“ имаше целосна контрола на играта, а Австрија речиси и да не успеа сериозно да се закани кон шпанскиот гол. На Шпанија во првото полувреме ѝ беше поништен и гол на Марк Кукуреља поради прекршок врз голманот Александер Шлагер.

Многу подраматично беше на дуелот меѓу Португалија и Хрватска, кој заврши со победа на Португалците од 2-1. Хрватска поведе преку Иван Перишиќ во второто полувреме, но Кристијано Роналдо израмни од пенал во 68-та минута со неговиот прв гол во елиминациите во историјата на Светските првенства. Победата на Португалија ѝ ја донесе Гонсало Рамош со удар со глава во судиското продолжение. Хрватите во самиот финиш помислија дека стигнаа до израмнување, но голот беше поништен по интервенција на ВАР поради офсајд.

Швајцарија без многу драма го совлада Алжир со 2-0 и исто така продолжува во осминафиналето. Бреел Емболо погоди уште во 10-тата минута по асистенција на Јохан Манзамби, а Дан Ндоје на стартот од второто полувреме го постави конечниот резултат. Швајцарците со оваа победа ја продолжија добрата серија на Мундијалот и во следната рунда ќе играат против победникот од дуелот меѓу Колумбија и Гана.

The post ВАР ја расплака Хрватска против Португалија, Шпанија и Швајцарија рутински (ВИДЕО) appeared first on telma.com.mk.

Со 2-1 во драматичен натпревар од 1/16 финалето на Светското првенство, Португалија ја победи Хрватска. Победничкиот гол го постигна  Херој беше Гонзало Рамос, во четвртата минута од судиското продолжение.

Хрватска поведе со голот на Иван Перишиќ во 53-тата минута, но Кристијано Роналдо го врати својот тим во живот од пенал во 68-мата минута. Рамос донесе пресврт во судиското продолжение, а Хрватите постигнаа гол во последниот напад, но , ВАР го поништи.

Она што во продолжение е интересно за фановите на фудбалот е тоа што сега Португалија ќе ги измери силите со Шпанија на шести јули во осминафиналето каде се очекува возбудлив натпревар.

The post Португалија за влакно ја победи Хрватска, ВАР им поништи голови на Хрватите appeared first on telma.com.mk.

Македонскиот кошаркарски репрезентативец Ненад Димитријевиќ кариерата ќе ја продолжи во дресот на грчкиот тим Арис.

Димитријевиќ потпиша двегодишен договор со амбициозниот клуб од Солун, кој следната сезона од клупата ќе биде предводен од легендарниот Василис Спанулис.

Македонскиот плејмејкер изминатата полусезона ја мина на позајмица во Баерн Минхен од редовите на Зенит Санкт Петербург. Тој го раскина договорот со рускиот клуб и како слободен играч се пресели во Арис.

Претходно Димитријевиќ настапуваше и за Олимпија Милано, Уникс Казањ, Валенсија и Ховентут.

Арис во претстојната сезона ќе се натпреварува во Еврокупот, а со засилувањата летово најавува повисоки амбиции и обид да им ги помати сметките на традиционалните грчки гиганти Олимпијакос и Панатинаикос.

Фото: Арис

The post Димитријевиќ се сели во Солун, потпиша двегодишен договор со Арис appeared first on telma.com.mk.

Англија благодарение на Хери Кејн со пресврт го победи Конго со 2-1 и се пласираше во осминафиналето на Светското првенство 2026 година.

Африканската селекција одлично го отвори натпреварот и поведе уште во седмата минута со голот на Брајан Сипенга. Конго можеше да стигне и до 2-0 во првото полувреме, но Јоан Виса ја погоди стативата, а на спротивната страна голманот Лионел Мпаси имаше неколку одлични интервенции.

Англија го сврте резултатот во последните 20 минути, а херој беше капитенот Хери Кејн. Напаѓачот најпрво погоди со глава во 75-тата минута за 1-1, а во 86-тата со силен удар го комплетираше пресвртот и ѝ донесе победа на својата репрезентација.

Во осминафиналето Англија ќе се соочи со ко-домаќинот Мексико на стадионот „Ацтека“ во Мексико Сити.

The post Кејн ја спаси Англија: „Гордиот Албион“ славеше со пресврт против Конго (ВИДЕО) appeared first on telma.com.mk.

Мексико Сити не спиеше по историската победа на фудбалската репрезентација над Еквадор од 2-0 и пласманот во осминафиналето на Светското првенство.

Според градските власти, околу еден милион навивачи излегле на улиците на мексиканската престолнина за да го прослават големиот триумф. Најголемата концентрација била кај Ангелот на независноста, но славје имало и на централниот плоштад Зокало, кај стадионот во Мексико Сити, како и на повеќе други локации каде беа поставени големи екрани за следење на натпреварот.

The breathtaking celebrations are on in Mexico City after El Tri’s historic win pic.twitter.com/k6nJRTInxX

— FOX Sports (@FOXSports) July 1, 2026

Мексико со головите на Хулијан Киноњес и Раул Хименез ја совлада селекцијата на Еквадор и ја прекина 40-годишната пауза без победа во нокаут-фазата на едно Светско првенство. Последен пат Мексиканците славеле во елиминациска рунда во 1986 година, исто така на домашен терен.

The atmosphere at the Angel de la Independencia in Mexico City to celebrated Mexico’s qualification for the Round of 16.

Words can’t describe this feeling. pic.twitter.com/wjp0Ajw1pF

— Ultras Clips (@ultras_clips) July 1, 2026

Големото славје, сепак, било засенето од трагичен инцидент. Според „Ројтерс“ и мексиканските медиуми, две лица починале од задушување во близина на Ангелот на независноста, каде што илјадници навивачи се собрале по победата.

The post Милионска фешта во Мексико Сити по историската победа на Мексико (ВИДЕО) appeared first on telma.com.mk.

За разлика од претходниот натпреварувачки ден, синоќа и утринава немаше изненадувања на Светското фудбалско првенство. Франција уште еднаш покажа зошто е прв фаворит за освојување на трофејот, Ерлинг Халанд продолжи со головите, а ко-домаќинот Мексико исто така обезбеди место во осминафиналето.

Франција ја победи Шведска со 3-0, благодарение на двата гола на Килијан Мбапе, а во листата на стрелците се запиша и Бредли Баркола. Напаѓачката четворка на „триколорите“ беше нерешлива енигма за Швеѓаните, бидејќи Мајкл Олисе имаше две асистенции, а Усман Дембеле една. Избраниците на селекторот Дидие Дешамп можеа да слават и далеку поубедливо, бидејќи имаа голем број шанси и неколкупати ја затресоа рамката од голот на противникот. Во осминафиналето, Франција ќе се соочи со Парагвај в сабота од 23 часот.

Во интересен и возбудлив натпревар, Норвешка со 2-1 го победи Брегот на Слоновата Коска. Антонио Нуса ги доведе Норвежаните во водство со прекрасен соло-гол во 39. минута. Во второто полувреме, на речиси идентичен начин возврати Амад Дијало, кој погоди по фантастична индивидуална акција во 74. минута. Победата за Норвешка ја обезбеди Ерлинг Халанд во 86. минута со својот петти гол на турнирот. Норвешка во осминафиналето ќе игра против Бразил в недела.

Мексико со два гола во првото полувреме го елиминираше Еквадор. За ко-домаќинот на турнирот погодија Хулијан Киноњес во 22. и Раул Хименез во 31. минута. Еквадор остана со играч помалку длабоко во судиското продолжение, кога беше исклучен Пиеро Хинкапие поради покривање на устата. Мексико во осминафиналето го чека победникот од дуелот меѓу Англија и Конго.

The post Без нови сензации на СП: Франција, Норвешка и Мексико сигурно до осминафиналето (ВИДЕО) appeared first on telma.com.mk.