The post Топ тема: Кој е учинокот на владата и парламентарното мнозинство во изминатите две години? appeared first on telma.com.mk.

Иран за време на разговорите со САД во Швајцарија не преговарал за својата нуклеарна програма, ниту, пак, прифатил какви било нови обврски, изјави портпаролот на иранското Министерство за надворешни работи, Есмаил Багеи, за иранската новинска агенција ИРНА.

Тој истовремено наведе дека соработката на Техеран со Меѓународната агенција за атомска енергија (МААЕ) ќе продолжи во согласност со постоечките процедури, одлуките на иранскиот Парламент и Врховниот совет за национална безбедност на Иран.

Претходно денеска, потпретседателот на САД, Џеј Ди Венс, изјави дека Иран се согласил повторно да ги повика инспекторите на МААЕ во земјата.

„Тоа е голема пресвртница за американскиот народ. Поставен е многу добар темел за конечен договор“, рече Венс, додавајќи дека ова е голем чекор кон денуклеаризација на Иран.

The post Иранците тврдат: Нема нови обврски за нуклеарната програма по разговорите со САД appeared first on telma.com.mk.

Фудбалската репрезентација на Аргентина ја совлада Австрија со 2:0 во второто коло во група Ј на Светското првенство и го завери пласманот во нокаут фазата на турнирот чии коорганизатори се САД, Канада и Мексико.

Централна фигура вои натпреварот во Тексас беше Лионел Меси кој беше двоен стрелец во триумфот на „гаучосите“. Откако во деветтата минута промашпи пенал, првиот погодок го постигна во 39-та минута, печат на трите бода за Аргентина стави во петтата минута од судиското надополнување.

Со тоа, Меси стана најдобар стрелец на тековниот шампионат со пет гола, а изби и на вечната листа на голгетери на мундијалите со 17 погодоци, надминувајќи го досегашниот рекордер Мирослав Клосе (16). Трет е Бразилецот Роналдо со 15, Герд Милер и Килијан Мбапе имаат по 14 на четвртата, односно петтата позиција.

The post Со двата гола против Австрија, Меси ја одведе Аргентина во нокаут фазата и стана прв стрелец во историјата на СП appeared first on telma.com.mk.

Чешкиот претседател Петр Павел нема да биде дел од националната делегација на самитот на НАТО наредниот месец, соопшти владата во Прага. Изземањето на Павел претставува нарушување на традицијата и предизвика правна битка со државниот врв.

Премиерот Андреј Бабиш, лидер на популистичката партија „Акција на незадоволните граѓани“ (АНО), кој ги загуби претседателските избори во 2023 година од Павел, изјави дека е должност на владата да ги брани своите позиции, вклучително и ниските трошоци за одбрана.

„Ова е многу специфичен самит“, изјави Бабиш на прес-конференција.

„Веројатно нема да биде многу пријатен за нашата земја, но ние носиме одговорност да ја браниме нашата позиција“, додаде тој.

Согласно чешкиот Устав, претседателите имаат ограничени овластувања, а надворешната политика ја определува владата. Но, откако земјата се приклучи на НАТО во 1999 година, претседателите речиси секогаш ги предводеа чешките делегации на самитите на Алијансата, понекогаш заедно со премиерите.

Петр Павел е кариерен воен функционер, генерал кој ја водел чешката армија, а исто така бил и претседател на Воениот комитет на НАТО од 2015 до 2018 година. Тој инсистира да учествува на самитот на 7 и 8 јули во турскиот главен град Анкара. Претседателот е страстен поддржувач на Украина во нејзината одбрана од Русија, додека владата на Бабиш ја намали поддршката на Чешка.

Се очекува утре Павел да го коментира прашањето за делегацијата, соопштија од неговиот кабинет. Неодамна тој изјави дека отфрлањето на неговото присуство на самитот ќе го смета за обид да се ограничат неговите овластувања за претставување на земјата во странство и дека ќе го однесе прашањето до Уставниот суд.

Павел е во конфликт со владата, главно со малата евроскептична Партија на автомобилистите, откако одби да назначи еден од нејзините претставници за министер за надворешни работи.

Чесите се меѓу последните во НАТО во однос на трошоците за одбрана, откако минатата година не успеаја да го достигнат минималниот праг од два отсто од бруто-домашниот производ (БДП). Новата влада на Бабиш го намали буџетот за одбрана во однос на првично предложените нивоа, што значи дека и оваа година нема да го постигне минималното ниво на НАТО. Премиерот изјави дека минималното ниво треба да се постигне од 2027 година.

Сојузниците од НАТО се договорија да ги зголемат годишните основни трошоци за одбрана до 3,5 отсто од БДП до 2035 година, плус дополнителни 1,5 отсто за други програми поврзани со одбраната.

The post Владата во Прага го иззема претседателот Павел за самитот на НАТО во Анкара – конфликт меѓу државниот врв на Чешка appeared first on telma.com.mk.

Да се зборува за јавен долг од влада која само до пред две години била власт и која што во периодот додека владеела го дуплирала сето она кое што го задолжиле сите влади од осамостојувањето е малку дегутантно, рече Бране Петрушевски, пратеник на ВМРО-ДПМНЕ, во вечерашната дебата во „Топ тема“ на Телма ТВ.

„Во 2018 година имаме земено, како држава, еврообврзница од 500 милиони евра, во 2020 година – 700 милиони евра, во 2021 година – 700 милиони евра, во 2023 година – 500 милиони евра, еврообврзници земени од претходната влада со соодветен грејс период на отплаќање за да го помине нивниот мандат и дојде за отплата на некоја идна влада. За среќа, владата на ВМРО-ДПМНЕ, Влен и ЗНАМ има план, предвидливост, анализа и овие доспеани задолжувања во законски предвидениот рок се сервисираат онака како што најдобро може“, посочи Петрушевски.

С.Д.

The post Петрушевски: Претходната влада го дуплира долгот што го направиле сите влади од осамостојувањето appeared first on telma.com.mk.

Нула резултати, економски дебакл, две години лажни ветувања, рекорден долг на државата и зголемена сиромаштија, е оценка на Јованка Тренчевска, пратеничка на СДСМ, за двегодишниот учинок на владата што го изнесе во вечерашната дебата во „Топ тема“ на ТВ Телма.

„Имаме сериозно влошување на животниот стандард, имаме сериозно намалени странски инвестиции од 76,1 процент во 2025 година во однос на 2024 година, зголемен јавен долг за над 2,5 милијарди денари што од 8,5 милијарди е зголемен на 11 милијарди, имаме инфлација кај храната над 10 проценти, на дел од производите и многу повеќе, имаме синдикална кошничка од скоро 70.000 денари најнеопходни месечни потреби за едно четиричлено семејство, имаме минимална плата од срамни 26.000 денари, имаме игнорирање на ранливите категории, никакви, нула, реформи во делот на социјална заштита…“, наведе Тренчевска.

С.Д.

The post Нула резултати, економски дебакл, лажни ветувања, рекорден долг на државата – оценка на Тренчевска за двегодишниот учинок на владата на ВМРО-ДПМНЕ appeared first on telma.com.mk.

Прогласена вонредна состојба во Мостар поради големиот пожар што гори од утрово на депонија за да се овозможи брзо и оперативно делување на надлежните служби.

Според градоначалникот Марио Кордиќ, пожарот е локализиран во рамки на депонијата, не се прошири на околното подрачје, изгоре сала за рециклирање, а благодарение на напорите на пожарникарите, спасена е управната зграда.

The post (Видео) Прогласена вонредна состојба во Мостар – голем пожар на депонија гори цел ден appeared first on telma.com.mk.

Портпаролот на иранското Министерство за надворешни работи, Есмаил Багeи изјави дека водечкиот принцип во преговорите меѓу Иран и САД е „обврска за обврска“. Тој нагласи дека Техеран будно ќе следи како другата страна ги исполнува своите задачи и ќе ги искористи сите расположливи средства за да го гарантира нивното почитување, пренесе иранската новинска агенција ИРНА.

Багeи ова го објави денеска на платформата „Икс“, откако иранската делегација ја напушти Швајцарија, каде што ден претходно учествуваше во преговори со претставници на САД и на земјите посредници, Пакистан и Катар. Иранската делегација ја предводеше претседателот на Парламентот, Мохамад Багер Галибаф, додека американската беше предводена од потпретседателот Џеј ди Венс.

„Делегацијата на Иран се враќа дома по завршувањето на интензивните преговори за имплементација на одредбите од меморандумот за разбирање за прекин на војната, потпишан на 18 јуни 2026 година“, истакна Багеи.

Тој појасни дека разговорите во Швајцарија, фокусирани на членовите 1, 5, 10 и 11 од меморандумот, започнале во неделата наутро покрај езерото Луцерн и траеле до раните утрински часови во понеделникот.

Според заедничкото соопштение на посредниците Катар и Пакистан, изготвено во консултации со двете преговарачки страни, веќе се воспоставени механизми за следење на почитувањето на меморандумот. Постигнат е и договор разговорите да продолжат на експертско и на техничко ниво за да се олесни ефективната примена на спогодбата за прекин на наметнатата војна.

„Согласно членот 13 од меморандумот за разбирање, преговорите за конечниот договор можат да започнат дури откако ќе отпочне и ќе се спроведе имплементацијата на членовите 1, 4, 5, 10 и 11“, напиша Багеи.

Тој додаде дека постигнатите договори во овој круг, особено за членот 1 кој се однесува на прекинот на војната и на израелските воени операции во Либан преку механизам за управување со конфликтот во кој е вклучена и либанската влада, како и членот 10 за извоз на иранска нафта и членот 11 за одмрзнување на иранските средства, ќе помогнат во исполнувањето на взаемните обврски.

Притоа, иранскиот портпарол децидно повтори дека принципот „обврска за обврска“ останува клучен за Иран, кој будно ќе внимава на чекорите на спротивната страна.

The post Багеи: „Обврска за обврска“ е водечки принцип во преговорите меѓу Иран и САД appeared first on telma.com.mk.

Јавното претпријатие „Лајка“ остана без својата маскота, кучето Циги. Вработените во „Лајка“ денеска се простија од кучето чиј лик е нацртан на едно од комбињата на претпријатието. Вработените во „Лајка“ за Циги знаеја да кажат дека е вистинскиот сопственик на „Лајка“, бидејќи бил роден пред околу 12 години во поранешното прифатилиште Вардариште, денешна „Лајка“ и целиот живот го поминал таму.

Циги воедно беше и домаќинот на „Лајка“, бидејќи беше првиот што ќе ве поздравеше кога ќе влезевте во „Лајка“ и ќе дојдеше да се погали, секогаш расположен.

Кучето Циги беше дел од многу настани и кампањи на „Лајка“ поради неговата трпелива природа и секогаш расположен за дружба со луѓе, кучиња и деца.

„Лајка“ денека простувајќи се од него на својот ФБ профил напиша дека „некои кучиња поминуваат низ нашите животи, а некои стануваат дел од нив – Циги беше токму такво куче“.

„За нас не беше само куче од прифатилиштето. Беше колега, пријател, дел од тимот. Беше присутен на секој состанок, секој настан и секојдневно ни ги разубавуваше деновите. Нема човек што работел или дошол во Лајка, а да не го запознал Циги. Тој беше најдобриот амбасадор на сите бездомни кучиња и секојдневно докажуваше дека со добрина и љубов може да се срушат сите предрасуди. До последниот ден остана тоа што отсекогаш беше – најдобро куче“, напишаа од „Лајка“ простувајќи се од Циги.

Фото: facebook.com/lajkaskopje

The post Почина Циги, маскотата на ЈП „Лајка“ appeared first on telma.com.mk.

На територија на државата до 16 часот имало 10 пожари на отворен простор од кои два се уште се активни, соопшти попладнево Центарот за управување со кризи (ЦУК).

Активни пожари, според ЦУК, има меѓу селата Грчец и Шишево во Општина Сарај, каде гори ниска вегетација и мешана шума и кај селото Калаузлија во општина Радовиш.

Останатите осум пожари се изгаснати.

The post Гори меѓу Грчец и Шишево и во радовишко – осум изгаснати пожари appeared first on telma.com.mk.