Женската одбојкарска репрезентација на Македонија со пораз ја заокружи сезоната во Европската лига. Нашите одбојкарки денеска во Скопје загубија од Словенија со максимални 3-0.

Македонија немаше никакви шанси против фаворитот и загуби убедливо по сетови 15-25, 10-25 и 10-25. Европската лига нашиот тим ја завршува со шест порази од исто толку натпревари, без освоен сет, и го дели последното место на табелата со Исланд.

Словенија, пак, остана перфектна на првото место на табелата. Словенечките одбојкарки остварија шест победи во шест натпревари и првиот дел од натпреварувањето го завршија без загубен сет.

Фото: ОФМ/Вангел Тануровски

The post Одбојкарките без освоен сет ја завршија Европската лига appeared first on telma.com.mk.

Македонската машка одбојкарска репрезентација вечерва од 19 часот против Холандија во Струмица ја отвора новата сезона во Европската лига. Нашиот национален тим е домаќин на првиот турнир, а во недела во салата „Парк“ ќе игра и против Луксембург.

Одбојкарите ги очекува голем предизвик уште на стартот, бидејќи Холандија е една од најквалитетните селекции во ова натпреварување. Со „лалињата“ игравме и на последните две Европски првенства, во 2021 и 2023 година, кога загубивме двапати со по 3-0.

Холандија лани настапуваше во Лигата на нации, а во Европската лига доаѓа со малку изменет состав. Капитенот Никола Ѓорѓиев вели дека станува збор за исклучително висока репрезентација, со силен блок и одличен сервис.

„Се надевам дека ќе бидеме паметни и трпеливи, затоа што нивниот висок блок значи дека ќе треба да играме од блокот, да имаме добра заштита и нема секој напад да го завршуваме веднаш. Ако бидеме трпеливи, ќе можеме да го пробиеме нивниот блок-систем и полесно да реализираме“, изјави нашиот капитен.

Во недела, исто така од 19 часот, Македонија ќе ги одмери силите со Луксембург, селекција која според ранкингот е послаба од нашиот тим и против која ќе ја бараме првата победа во новото издание на Европската лига.

Овогодинешното издание на Европската лига има дополнителна важност, бидејќи се смета и како дел од квалификациите за Европското првенство 2028 година. Само најдобрите четири репрезентации годинава ќе обезбедат место на континенталниот собир, а истиот систем ќе важи и догодина, во 2027 година.

По турнирот во Струмица, македонските одбојкари ќе настапат во Грција. На 13 јуни ќе играат против Исланд, а ден подоцна против домашната селекција. Третиот и последен турнир за нашиот тим ќе се игра во Косово, каде на 19 јуни ќе се соочиме со домаќинот, а на 20 јуни и со Израел.

The post Одбојкарите вечерва против Холандија ја почнуваат Европската лига appeared first on telma.com.mk.

Селекторот на женската одбојкарска репрезентација, Милош Гавриловиќ, го скрати списокот на 16 одбојкарки кои ќе бидат дел од тимот за претстојните два пријателски натпревари со Косово, но и за стартот на Европската лига. Подготовките траат веќе две недели, а првиот турнир нашите одбојкарки ќе го играат од 5 до 7 јуни во Порто.

Во изборот на новиот селектор се најдоа три дебитантки: одбојкарката на Газели Волеј, Даниела Горбок, како и средните блокерки на Младост УГД, Стефанија Кипријановска и Андреа Митиќ. По подолга пауза на скратениот список е и Мила Дикова, а тука се и Ерјона Јонузи и Софија Пандева на позицијата техничари. Во тимот се и добро познати имиња како Мери Бошкова и Теа Терзиевска.

Дуелите со Косово ќе бидат последна подготовка пред настапот во Европската лига. Во петок, на 29 мај, во СЦ „Форца“ во Скопје, нашите одбојкарки ќе го одиграат првиот контролен натпревар против Косово, додека вториот е закажан еден ден подоцна на гостински терен.

Македонија првиот турнир од Европската лига ќе го игра во Порто, каде покрај домашната селекција на Португалија, ќе ги одмери силите и со Унгарија.

ФОТО: Одбојкарска федерација на Македонија

The post Гавриловиќ го скрати списокот: Одбојкарките со две контроли против Косово пред Европската лига appeared first on telma.com.mk.

Женската одбојкарска репрезентација денеска ги почнува подготовките за новата сезона во Европската лига, која воедно ќе биде дел и од квалификациите за Европското првенство во 2028 година. Новиот селектор Милош Гавриловиќ на стартот ќе ги има на располагање сите повикани одбојкарки од поширокиот список.

Според планот и програмата, одбојкарките подготовките во целост ќе ги реализираат во Скопје, поточно во СЦ „Форца“. Во пресрет на стартот на Европската лига, нашите репрезентативки ќе одиграат и два контролни натпревари против селекцијата на Косово, на 29 и 30 мај.

Во меѓувреме, Гавриловиќ ќе направи и пресек на списокот, по што ќе треба да одлучи кои одбојкарки ќе бидат во составот за главните натпревари.

Македонија првиот турнир од Европската лига ќе го игра од 5 до 7 јуни во Порто, каде што, покрај со домашната селекција на Португалија, ќе ги одмери силите и со Унгарија. Следната недела нашите девојки ги очекува турнир во Аликанте, каде што ќе играат против домаќинот Шпанија и Азербејџан. Настапот во Европската лига Македонија ќе го заврши на домашен терен, кога од 19 до 21 јуни во „Борис Трајковски“ ќе биде домаќин на последниот турнир, на кој ривали ќе ни бидат Хрватска и Словенија.

The post  Одбојкарките стартуваат со подготовки за Европската лига appeared first on telma.com.mk.

Во домашниот одбојкарски шампионат денеска продолжува финалната плеј-оф серија во женска конкуренција. Наковски волеј го пречекува Работнички во рамки на третиот натпревар. Резултатот е израмнет во победи откако двете екипи славеа на домашен терен. Струмичанки во првата пресметка победија во пет сетови, додека Работнички славеше со 3-1 во вториот дуел. Шампионската титула ќе ја освои тимот, кој прв ќе стигне до три победи.

ОДБОЈКА ПРВА ЛИГА – ЖЕНИ
(ФИНАЛЕ)

(денеска, 15:30 часот)
НАКОВСКИ ВОЛЕЈ – РАБОТНИЧКИ

The post Трет натпревар од финалето: Наковски Волеј го пречекува Работнички appeared first on telma.com.mk.

Комисијата за спречување и заштита од дискриминација поведе постапка по службена должност против Министерството за спорт и Одбојкарската федерација на Македонија, поради сомневање за директна дискриминација врз основа на пол, во областа на образованието, науката, спортот и пристапот до добра и услуги.

Постапката доаѓа откако Министерството за спорт им додели двојно помала парична премија на одбојкарките на Вардар за освоениот Куп на Македонија во однос на одбојкарите на Штип, кои славеа во машка конкуренција.

За време на завршниот турнир од 33-тиот Куп на Македонија што се одржа во салата „Јане Сандански“ во Скопје, екипите на Штип во машка и Вардар во женска конкуренција ги освоија трофеите. Само неколку денови подоцна Министерството за спорт реши парично да ги награди победниците, но одбојкарите добија двојно повеќе од одбојкарките. Штипјани добија 1.000.000 денари, додека „вардарки“ само 500.000.

Ваквата одлука донесе многу реакции во јавноста, па сега случајот го презема Комисијата за спречување и заштита од дискриминација.

„Согласно Законот за спречување и заштита од дискриминација, ваквиот различен третман при определување на државните парични награди претставува поделба на корисниците врз основа на пол, при што женските тимови се ставени во понеповолна положба. Со тоа се повредуваат одредбите од член 5 и член 6 од Законот за спречување и заштита од дискриминација“, се вели во дел од соопштението на Комисијата.

Доколку Комисијата утврди дискриминација, може да наложи отстранување на нееднаквиот третман и да препорача изедначување на наградите, а во случај на непостапување, да иницира и прекршочна или судска постапка против надлежните институции.

The post Постапка за дискриминација поради нееднакви премии во одбојката appeared first on telma.com.mk.

Македонските одбојкарски репрезентации, во машка и женска конкуренција, ги дознаа своите противници во Европската лига за 2026 година. Новитет во ова издание на натпреварувањето е што најдобрите четири репрезентации ќе обезбедат директен пласман на Европското првенство во 2028 година.

Европската лига ќе се игра во јуни 2026 година по добро познатиот систем – секоја репрезентација ќе одигра вкупно шест натпревари, распоредени на три турнири. Машката репрезентација на Македонија ќе биде домаќин на еден од првите турнири, од 5 до 7 јуни, кога ќе ги одмери силите со Луксембург и со Холандија. Вториот турнир ќе се одигра од 12 до 14 јуни во Грција, каде, покрај домаќинот, за противник ќе го имаме и Исланд. На третиот турнир одбојкарите патуваат на Косово, каде на 19 јуни ќе играат против домашната селекција, а ден подоцна ќе се соочат и со Израел. Првите шест репрезентации од лигашкиот дел ќе обезбедат пласман на завршниот Ф6 турнир, а домаќинот дополнително ќе биде познат.

Одбојкарките, предводени од новиот селектор Милош Гавриловиќ, настапите во Европската лига ги почнуваат на турнир во Португалија од 5 до 7 јуни, каде, покрај домаќинот, ќе играат и против Унгарија. Вториот турнир ќе го одиграме во Шпанија, каде, освен со „црвената фурија“, за ривал ќе го имаме и Азербејџан. Македонија ќе биде домаќин на третиот турнир од 19 до 21 јуни, кога ќе ги пречекаме селекциите на Хрватска и на Словенија. Исто како и во машка конкуренција, така и кај дамите, првите шест репрезентации ќе изборат пласман на завршниот турнир.

Фото: Игор Паневски

The post Одбојкарите и одбојкарките ги добија ривалите во Европската лига 2026 appeared first on telma.com.mk.

Штип продолжува да реди победи во Првата одбојкарска лига на Македонија и го задржа перфектниот учинок и по седмото коло откако попладнево го совлада тимот на Работнички.

Пред својата публика во салата „Јордан Мијалков“ во Штип, домашниот тим славеше во три сета и тоа со 25:18, 25:18 и 25:14 и ја оправда фаворитската улога. Лидерот на табелата беше предводен од  Махди Задмард со 17 поени и репрезентативецот Стојан Илиев со 13. Во редовите на Работнички, Кубанецот Густаво Вера Боланос со осум поени беше најефикасен додека Миодраг Новески освои седум поени.

Штип УГД држи одличен ритам сезонава во пресрет на главните испити на домашна
сцена, дуелите со Борец (3 декември) односно со шампионот Струмица (6 декември) кои
ќе му бидат и последна проверка на силата во пресрет на следниот европски предизвик –
италијански Милано (10 декември) во рамките од 1/16 финалето во ЦЕВ купот.

Фото: Горан Стаменков/Штип УГД

The post УГД Штип со седум победи од седум натпревари во Првата лига appeared first on telma.com.mk.

Македонската одбојкарска репрезентација во машка конкуренција го дозна распоредот на натпреварите на претстојното Европско првенство што ќе се одржи идната година. Нашиот тим ќе го отвори турнирот против еден од ко-домаќините Бугарија.

Првиот натпревар на континенталниот турнир одбојкарите ќе го одиграат на 9.септември во Софија и тоа против Бугарија во рамки на групата А. Потоа на 11 септември, во второто коло, Македонија ќе се соочи со Украина. Дуелот од третото коло против Полска го играме  на 13 септември, а потоа на 15 и 16 септември во последните две рунди од групата ќе ги одмериме силите со Португалија и Израел. Најдобрите четири екипи од четирите групи на ЕвроВолеј ќе обезбедат пласман во
осминафиналето.

За машкиот национален тим ова е четврто учество на еден континентален собир во низа.

ЕвроВолеј 2026 ќе се игра од 9 до 26 септември следната година, а организатори освен нашиот источен сосед Бугарија се уште и Италија, Финска и Романија.

The post Македонија на Европското првенство стартува против Бугарија во Софија appeared first on telma.com.mk.

Одбојкарките на Јанта Волеј загубија од францускиот тим Волеро Ле Канет на првиот натпревар на домашен терен во рамки на 3.коло во ЦЕВ Лигата на шампиони. Нашите девојки направија изненадување во претходната рунда, кога со две победи од по 3-2 го елиминираа Гацко од Босна и Херцеговина, но вечерва во „Јане Сандански“ немаа сили да го изненадат и фаворизираниот ривал. 

Нашите шампионки вечерва во Скопје имаа сили да освојат само еден сет, па Валеро ле Канет славеше со 1-3. Првите два сета им припаднаа на гостинките со 15-25 и 10-25, по што Јанта Волеј одговори со 25-20 во третиот сет. Французинките четвртиот сет го добија најубедливо со 9-25 за да ја запечатат победат. Реванш натпреварот се игра во Франција на 13-ти ноември, односно идниот четврток.

Екипата на Работнички загуби со 3-0 од естонскиот тим РАЕ во рамки на Челинџ Купот. Двата натпревари нашиот тим ќе ги игра на гостински терен, односно денеска само формално беше домаќин, а утре ќе го одигра и вториот дуел. 

The post Јанта Волеј освои само еден сет против Ле Канет во ЦЕВ Лигата на шампиони appeared first on telma.com.mk.