Макс Ферстапен ќе стартува од пол-позицијата во Абу Даби за утрешната последна и решавачка трка во сезоната во Формула 1 шампионатот. Зад возачот на Ред Бул, ќе тргнат неговите најголеми конкуренти за титулата од Мекларен, Ландо Норис и Оскар Пиастри.

Ферстапен до круцијалната пол-позиција дојде со време од 1 минута, 22 секунди и 207 илјадитинки. Норис ќе тргне крај него од првиот стартен ред, додека Пиастри ќе биде точно зад возачот на Ред Бул.

Џорџ Расел од Мерцедес беше четврти, додека Шарл Леклер ќе тргне како петти. Потоа следуваат Фернандо Алонсо, Габриел Бортолето, Естебан Окон, а најдобрите десетмина ги комплетираат Исак Хаџар и Јуки Цунода. Седумкратниот шампион Луис Хамилтон повторно имаше очајни квалификации и беше елиминиран уште во првата сесија па ќе стартува како 16-ти.

Во последната сезонска трка, Норис влегува како лидер во генералниот пласман со 408 бодови, Ферстапен има 12 бодови помалку, а Пиастри е трет со 392 или 16 бодови помалку од тимскиот колега.

Од сите можни сценарија, Норис секако е најблизу до титулата, па ќе стане светски шампион за прв пат во кариерата ако победи на трката или се искачи на подиумот. Ферстапен за да дојде до петтата светска титула, мора да победи утре во Абу Даби, а Норис да финишира највисоко на 4.место. Пиастри ако победи, тогаш Норис мора да финишира на 6.место за Австралиецот да ја освои титулата, а пласманот на Ферстапен тогаш нема да биде важен.

Трката за Големата награда на Абу Даби на патеката „Јас Марина“ утре стартува од 14 часот.

The post Ферстапен на пол-позицијата и тоа пред ривалите од Мекларен за решавачката трка во Ф1 appeared first on telma.com.mk.

Макс Верстапен дојде до победата на трката за Големата награда на Лас Вегас во Формула 1, а шампионатот стана дополнително интересен откако двата болиди на Мекларен беа дисквалификувани по завршувањето на трката.

Возачот на Ред Бул ја мина целта со речиси 20 секунди предност во однос на Ландо Норис, а зад него низ целта минаа Џорџ Расел и Оскар Пиастри. Сепак, по рутинските технички проверки стјуардите утврдија нерегуларности кај двата болиди на Мекларен. Заштитните плочи под подот на болидите биле истрошени под минималната дозволена дебелина според правилникот, што укажува на потенцијална аеродинамичка предност, па Норис и Пиастри беа дисквалификувани.

По казните, Расел беше промовиран на второто место, а вториот возач на Мерцедес, Кими Антонели, го освои третото место. Шарл Леклер од Ферари е четврти, Карлос Сајнц следува по него, а пласманот во најдобрите десетмина го комплетираат Исак Хаџар, Нико Хулкенберг, Луис Хамилтон и двоецот на Хаас, Естебан Окон и Оливер Берман.

На две трки до крајот од сезоната, во генералниот пласман води Ландо Норис со 390 бодови, додека Оскар Пиастри и актуелниот шампион Макс Верстапен имаат по 24 бодови помалку, со по 366 освоени поени. Британецот може да ја освои титулата веќе на следната трка, но само доколку освои барем два бода повеќе од двајцата конкуренти.

Во последните две трки во игра се вкупно 58 поени, бидејќи следниот викенд во Катар има и спринт трка. Финалето традиционално ќе се вози во Абу Даби на 7 декември.

The post Драма по трката во Лас Вегас: Ферстапен слави, двојна дисквалификација за Мекларен appeared first on telma.com.mk.

Ландо Норис направи сериозен исчекор кон светската шампионска титула со победата на трката за Големата награда на Бразил во Формула 1 шампионатот. Макс Ферстапен уште еднаш покажа дека е неверојатен возач, бидејќи стигна до третото место иако тркат ја почна од боксот.

Норис дојде до доминантна победа на „Интерлагос“ со 10 секунди предност пред Кими Антонели од Мерцедес, додека возач на денот секако беше Ферстапен. Пилотот и актуелен бранител на светската титула по вчерашните очајни квалификации денеска тргна од боксот и успеа да стигне до подиумот.

Џорџ Расел од Мерцедес финишираше како четврти, а Оскар Пиастри целта ја мина како петтопласиран откако во текот на трката доби казна од 10 секунди поради инцидент со Антонели по кој Шарл Леклер ја заврши трката.

Оливер Берман беше шести, а по него следуваат двајцата возачи на Рејсинг Булс, Лијам Лосон и Исак Хаџар, додека последните поени им припаднаа на Нико Хулкенберг и Пјер Гасли.

Норис сега има 24 бодови предност пред тимскиот колега од Мекларен, Пиастри на врвот во генералниот поредок, односно води со 390 бодови.

До крајот на сезоната во Ф1 имаше уште три трки, а следната е за Големата награда на Лас Вегас на 22 ноември.

The post Формула 1: Норис победи во Бразил, аплаузите за Ферстапен appeared first on telma.com.mk.

Џорџ Расел пол-позицијата ја претвори во победа на трката за Големата награда на Сингапур во Формула 1 шампионатот. Мекларен ја освои титулата кај конструкторите.

Возачот на Мерцедес уште во првиот круг тргна сигурно и го диктираше темпото до самиот крај за втора сезонска победа и вкупно петта во неговата кариера. Случувањата беа зад него откако Макс Ферстапен финишираше како втор, а Ландо Норис го победи својот тимски колега од Мекларен, Оскар Пиастри за последното место на подиумот.

Со третото и четвртото место, Мекларен ја осигура титулата кај конструкторите. Кими Антонели од Мерцедес беше петти, а по него следуваше двоецот на Ферари, Шарл Леклер и Луис Хамилтон. Поени освоија и Фернандо Алонсо, Оливер Берман и Карлос Сајнц.

Во генералниот порадок, Пиастри и натаму е лидер со 336 бодови, пред тимскиот колега Норис, кој има 314, додека Ферстапен е трет со 273 бодови.

Следната трка во Формула 1 е за две недели кога се вози за Големата награда на САД во Остин.

The post Расел победник во Сингапур: Мекларен ја освои титулата кај конструкторите appeared first on telma.com.mk.

Оскар Пиастри ќе стартува од пол-позицијата за утрешната трка за Големата награда на Холандија во Формула 1 шампионатот. Пилотот на Мекларен во квалификациите го победи својот тимски колега Ландо Норис.

Пиастри до својата петта пол-позиција сезонава дојде со време од 1 минута, 8 секунди и 662 илјадитинки. Друштво во првиот стартен ред на патеката „Зандворт“ ќе му прави тимскиот колега Норис. Од третата позиција ќе тргне актуелниот светски шампион Макс Ферстапен од Ред Бул, а крај него изненадувачки е Исак Хаџар од Рејсинг Булс. Џорџ Расел од Мерцедес ќе тргне како петти, а по него следува двоецот на Ферари, Шарл Леклер и Луис Хамилтон. Најдобрите десетмина ги комплетираат Лијам Лосон, Карлос Сајнц и Фернандо Алонсо.

Утрешната трка за Големата награда на Холандија, која е 15-та во сезоната ќе стартува од 15 часот.

The post Пиастри пред Норис и Ферстапен во квалификациите за ГН на Холандија appeared first on telma.com.mk.

Серхио Перез и Валтери Ботас се враќаат во Формула 1 и од следната сезона ќе возат за новиот тим, Кадилак. Искусните пилоти оваа 2025 година не се натпреваруваат откако двајцата останаа без ангажман.

Новиот американски Формула 1 тим бараше искусни возачи кои ќе му помогнат на составот дополнително да се развива. Перез до минатата сезона беше член на Ред Бул, а претходно возеше и за Заубер, Мекларен и Форс Индија или тимот, кој сега е попознат како Астон Мартин. Во својата богата кариера, Мексиканецот има шест победи досега во Ф1.

Ботас до лани возеше во Заубер, а оваа сезона се врати во Мерцедес како резервен возач. Финецот има десет победи во кариерата сите во болидот на Мерцедес каде возеше од 2017 до 2021 година.
Кадилак ќе биде 11-тиот тим во Формула 1, а следната сезона ќе има уште едно ново име меѓу конкуренцијата, а тоа е Ауди. Германскиот производител на автомобили го откупи тимот на Заубер.

The post Перез и Ботас ќе возат за Кадилак во 2026 година во Ф1 appeared first on telma.com.mk.

Формула 1 тимот Ред Бул официјално го разреши шефот Кристијан Хорнер, кој ја извршуваше оваа функција цели две децении – уште од влегувањето на тимот во шампионатот во 2005 година. Неговото заминување стапува на сила веднаш, а негов наследник е Лорен Макиес, кој доаѓа од сестринскиот тим Рејсинг Булс.

Под водство на Хорнер, Ред Бул се претвори во доминантна сила во светот на Формула 1. Тимот освои шест титули кај конструкторите и осум шампионски круни кај возачите – по четири со Себастијан Фетел и четири со Макс Ферстапен.

Во изминатата година, Хорнер беше во центарот на сериозни контроверзии, откако се појавија обвинувања за непримерно однесување кон колешка од тимот. Иако интерната истрага на Ред Бул го ослободи од одговорност, според медиумските извештаи, односите со дел од раководството останале нарушени.

Дополнителен притисок донесоа и послабите резултати сезонава, каде Ред Бул е далеку од формата која ја покажуваше во претходните сезони. Тимот моментално се наоѓа на четвртата позиција во поредокот кај конструкторите, зад Мекларен, Ферари и Мерцедес.

Макс Ферстапен, актуелниот шампион, е трет во генералниот пласман со 165 бодови, зад возачите на Мекларен – Оскар Пијастри (234) и Ландо Норис (226). Се почесто се шпекулира дека Холанѓанецот би можел да ја напушти екипата и да премине во Мерцедес, што дополнително ја зголемува неизвесноста околу иднината на тимот по заминувањето на Хорнер.

The post Ред Бул го разреши Кристијан Хорнер по 20 години на чело на тимот appeared first on telma.com.mk.

Оскар Пјастри стигна до петта сезонска победа на трката за Големата награда на Шпанија што денеска се возеше на патеката „Каталуња“ крај Барселона во рамки на Формула 1 шампионатот.

Австралиецот во болидот на Мекларен имаште уште еден доминантен настап и финишираше пред својот тимски колега Ландо Норис. Место на победничкиот подиум како третопласирани имаше и за Шарл Леклер од Ферари.

Џорџ Расел од Мерцедес финишираше на четвртото место. Светскиот шампион Макс Ферстапен иако ја мина целта како петтопласиран, сепак на крајот финишираше на 10.место, бидејќи заработи казна од 10 секунди по контактот со Расел.

Па сега петтото место му припадна на Нико Хулкенберг, а по него следуваат Луис Хамилтон, Исак Хаџар, Пјер Гасли и Фернандо Алонсо.

Пјастри останува лидер во генералниот поредок со 186 бодови, десет повеќе од Норис, додека Ферстапен има 137.

Следната трка во Формула 1 шампионатот, што ќе биде десетта сезонава се вози за Големата награда на Канада на 15.јуни.

The post Мекларен повторно доминантен: Пјастри пред Норис во Шпанија appeared first on telma.com.mk.

Возачот на Мекларен, Ландо Норис ќе стартува од пол-позицијата за утрешната трка за Големата награда на Монако во Формула 1 шампионатот.

Норис до својата втора сезонска пол-позиција дојде со време од 1 минута, девет секунди и 954 илјадитинки. Покрај него во првиот стартен ред друштво ќе му прави миленикот на домашната публика Шарл Леклер од Ферари. Потоа  повторно следуваат возачи на Мекларен и Ферари, лидерот во генералниот пласман Оскар Пиастри и Луис Хамилтон.

Макс Ферстапен од Ред Бул ќе тргне како петти, зад него следува Исак Хаџар, потоа Фернандо Алонсо, а најдобрите десетмина ги комплетираат Естебан Окон, Лијам Лосон и Алекс Албон.

Трката за Големата награда на Монако утре стартува од 15 часот.

The post Ландо Норис на пол-позицијата во Монако appeared first on telma.com.mk.

Возачот на Ред Бул, Макс Ферстапен победи на трката за Големата награда на Јапонија во рамки на Формула 1 шампионатот. За актуелниот првак ова беше прв сезонски триум, а четврти по ред на патеката „Сузука“.

Ферстапен ја имаше пол-позицијата и успеа да се одбрани од Ландо Норис. Возачот на Мекларен финишираше втор, а на подиумот имаше место и за неговиот тимски колега Оскар Пиастри.

Шарл Леклер од Ферари го освои четвртото место, пред двајцата возачи на Мерцедес, Џорџ Расел и Кими Антонели, додека Луис Хамилтон беше седми. Најдобрите десетмина ги комплетираат Исак Хаџар, Александер Албон и Оливер Берман. Миленикот на домашната публика, Јуки Цунода во својот прв настап за Ред Бул откако го замени Лијам Лосон финишираше на 12-тото место, додека Новозеланѓанецот беше 17-ти во болидот на Ресинг Булс.

По четири сезонски трки, Норис е лидер со 62 бода, еден повеќе од Ферстапен, а Оскар Пиастри има 49.

Следниот викенд се вози трката за Големата награда на Бахреин.

The post Прва сезонска победа за Ферстапен, четврта по ред во Јапонија appeared first on telma.com.mk.