Здруженија и партии во коалиција против уставните измени

Предвремени избори и распуштање на Собранието, протести но и посети на домовите на пратениците од опозицијата кои ги поддржаа уставните измени. Осумдесетина граѓански здруженија од Македонија и дијаспората како и неколку политички партии денеска потпишаа меморандум за соработка преку кој треба да се спречат уставните измени и промена на името на државата. Единствена Македонија, Демократска фракција и здруженијата Тврдокорни и Христијанско братство се најзвучните имиња во оваа конфедерација на здруженија и партии.

На потпишувањето беше истакнато дека со бојкотот на референдумот била извојувана само делумна победа, и дека сега треба да се прејде на протести но и на предвремени избори кои во никој случај не би требало да ги организира актуелната власт.

Присутните тврдеа дека се мета на странски служби и тајната полиција кои се обидуваат да го спречи нивното обединување и окрупнување.

 

Огнен Чанчаревиќ

Објавено на
© 2018 Телевизија Телма. Сите права се задржани.
Текстов не смее да се печати или емитува, во целина или во делови, без договор со Телевизија Телма.

СЛИЧНИ ТЕКСТОВИ